فاكر ذكريات الطفولة؟

ذكريات الطفولة اجمل فترة فى حياة كتير من الناس من غير تفكير او مسئوليات
ذكريات معظمها طريفة و حجات تانية وقتها يمكن مكنتش طريفة بس لما بنكبر و بنفتكرها لازم نضحك
لان تصرفتنا كانت عفوية و صادقة.
عادات كنا بنعملها زمان و دلوقتى اختفت
و ياترى طفولتنا زى اطفال دلوقتى؟
لسة بيشتروا سبعين كشكول صفحة و صفحة بجلاد اخضر و احمر و اصفر و ابيض للدين طبعا
و مسطر و مربعات للحساب و كراسات رسم و الوان خشب؟
و تكيت و استيكرات
احاسيس كتيرة مفتقدنها تاهت فرحتنا بلبس المدرسة اول يوم
و لبس العيد و تنظيم الكراسة اول يوم و بعد كده تأخد جزاءها
فين كل ده و ليه بطلنا نفرح؟
المهم بقى السؤال هو ان لو كل واحد حب يفتكر ذكريات طفولته او عاده محدش كان بيعملها غيره هيقول ايه؟
هسيبلكوا الرد بقى و يارب الموضوع يعجبكوا

اه طبعا ذكريات الطفولة فاكرها كتييييييييييييييييييييييير يمكن ديه بجد احلي ايام عمري
اللعب في المدرسة والجري وفعلا اول يوم ارجع من المدرسة اطلع كل الكشاكيل اللي موجودة في البيت واجلد الكشاكيل كل واحد حسب اللون المطلوب وكنا نتخانق مع بعض في المدرسة عشان خاطر اللون بتاع كل مادة
بجد ديه ايام عمرها ما حتتعوض ديه الي ايام ممكن الواحد يفتكرها من غير ما يتالم

lموضوع جميل جدا وعلى فكرة بجد انا وصغير كانت فى اغنية لهشام عباس كان بيقول فيها ومان وانا صغير كنت بحلم ابقى كبير كبر الحلم واتغير
فعلا لما كبرت الحلم اتغير كنت انا وصغير بحلم اكبر بسرعة بس لما كبرت ندمت انى كبرت لان لما كنت صغير مكنتش بفكر ولا كان فى مشاكل ولا هموم كان بالى مرتاح كانت الدنيا كلها بدلعنى وكنت اهم واحد فى العائلة عندنا كان اى طلب بطلبه كان بيتنفذ دلوقتى لما بتكلم او اطلب طلب كانى بكلم نفسى بالظبط
بجد كنت بحب نفسى اوى انا وصغير اكتر من دلوقتى كمان مكنتش رفيع زى دلوقتى
قول للزمان ارجع يا زمان

هههههههههههههههههه
انا اكتر حاجة فكراها كويس من ايام زمان هو جهاز الفيديو كان عبقرية فزة وقتها
مش عارفة راح فين انقرض مع حجات كتير
زى انى مش متخيلة مثلا انى فضلت فى حضانة و ابتدائى مغيرش سندوتشات الجبنة البيضة و التركى فعلا مشقة بس ايام حلوة والله
ميرسى ليكم يا منار انتى و ميدو

دى كانت افضل ايام حياتى
واتمنى اركب الة الزمن وارجع ولو يووووووووووووووووووووووم
مرسى على موضوعك

و انت بقى يا اينزو فاكر ايه فى ايام طفولتك؟

جهاز الفيديو كان عبقرية فزة وقتهاهههههههههههههههههههههههههههههههههههه
وياترة لسة الفيديو موجود ولا ادمر
انا فاكر انى كنت عايش حياة جميلة جدا وما كنتش بفكر فى شى
ايام لعب ومرح
فاكر انى وانا صغير اول ما رحنا بيتنا الجديد وكان فى منطقة لسة ما فيها سكان كتيرة
ونزلت اشترى كولا باليل والجو كان ظلمة تلعطلى واحدة لبسة اسود فى اسود وكنت فاكرها عفريت ههههههههههههههههههههههه بجد
ودى كانت اول مرة اشوف واحد منقبة رعبتنى جدا كنت صغير جدا
ربنا سمحها

هههههه

والله مافكره اي حاجه من ايام الطفوله غير اني كنت بغير من اختي الكبيره قووووووووي
ده بس اللي فكراه
اصلا السعوديه ماتخلش الواحد يتمتع بحياتو