طريق اليأس .., فيها مسحة من اليأس لكن ده الواقع ..

دايما الشعر بيبقى فيه نسبه كبيره من الخيال .. والا مبقاش شعر ..

لكن لما الواقع يستفذ الكاتب .. ويبقى الواقع درب من دروب الخيال ..

يبقى لازم الكاتب يعبر عنه .. ورداً على الكلمات اللى بتتقال عن الجيل الجديد

انه جيل ضعيف وجيل فرّط فى أرضه .. كتبت الكلام ده عشان اقول ان الجيل السابق اخطأ بنسبه كبيره

فى حقنا وفى تربيتنا وده اللى عمل مننا كده ..

طريق اليأس ..

طريق اليأس اللى بدأتوه .. جينا كمّلناه

إحساس الذل اللى عيشتوه .. زيّكو عشناه

إستسلمنا واتقسّمنا وخوفنا .. واستقوى علينا ضعف كفوفنا

يصعب حالنا ع اللى يشوفنا .. بقينا دايرين نقول لله

من يوم ع الدنيا دى ما وعينا .. فى حضن عدونا اترمينا

وبدل ما نربّى كُرهه فينا .. لاقيناه هو اللى مربّينا

خلانا غيّرنا جلودنا .. عرّانا قدام روحنا جلدنا

ذلنا بإيديه إستعبدنا .. بعد ماكان خدام أجدادنا