بجد يا جماعة لازم تجاوبوا ضروري جدا علي الموضوع دة؟؟؟؟؟؟؟

يا ريت يا جماعة كل عضو من اعضاء المنتدي يقول رائية لو هو في مكاني هيعمل اية في موقف زي دة
اية رايكوا يا جماعة لو واحد صديقك الانتيم حب يقل باصلة معاك قولولي ازاي
لو انت قولت لواحد زميلك علي تقديم في شغل ورحتوا انت وهو قدمتوا في الشغل دة وقبلوا زميلك واتصلوا بية وهو حب يطلع قليل الاصل ودة صفة في وعمل فيك مقلب عن طريق انة خلي واحد صاحبة يكلمك علي اساس انة واحد شغال في الشركة اللي قدمتوا فيها وقالك هات الورق وتعالي علشان تنزل الشغل وانت رحت وقابلت الناس هناك وقالولك انهم محدش اتصل بيك ومنظرك بقي وحش جدا وكرامتك بقت في الارض وفي الاخر جة قالك انا اللي عملت فيك المقلب دة والموقف البايخ دة هتعمل اية معاة؟؟؟

بجد فعلا اعمل خيرا تلقي شرا في ناس متستهلش ان حد يعمل فيها خير خالص وواللة يا جماعة انا مش زعلان خالص اني مقبلتش في الشغل دة وهو قبل بس انا اللي خلاني كتبت المشكلة دة انة بجد انسان ميستهلش ان الواحد يعمل معاة خير تاني في اي حاجة بسبب الموقف الزبالة دة....ز

ربنا يسامحة ويوقعة في شر اعمالة
مستني الردود بتاعتكوا بجد الموضوع مهم جدا

بامانه مش عارفه اقولك ايه بس فيه حاجه بتقول اعرف صاحبك
واكيد انت دلوقتى عرفته بس ده انت المفروض انك تفرح انه عمل فيك كده وعرفته
على حقيقته ده بجد معلش انسان زباله وميستهلش انك تزعل ده كويس انه فى موقف زى ده
مش موقف تانى اكبر
قول الحمد لله ان ربنا ظهره ليك على حقيقته لانك اكيد طيب



اول تحذير ليكى سمر رجاء عدم وضع شتيمه مره اخره الا سوف تتعرضى للايقاف

والله يابني عادي ولا تحط فى دماغك هى حاجة تحرق الدم صحيح بس الناس كلها بقت كدة واحنا المفروض بقى نكبر ونشغل التكييف عشان نعرف نعيش مع الناس اللى زى دى مع انهم اصلا مش بني ادمين وان شاء الله ربنا هيجازيك خير على الخير اللى انت عملته وربنا هيجازيه بردو على اللى هو عمله

من الاحسن متعرفوش تانى

هى حاجه واحده بس احب اقولها اللى يبيعك يبيعوا وهو الخسران لان بدال انت طلعت انسان بتدور على خير ليه وهو مقدرش الخير ده ولا قدر تعبك عشانه يبقى خلاص هو الخسران عشان نادرا لما الشخص بيلاقى صديق يحبه باخلاص ويخاف على مصلحته فعلا ويرشده للصح والهزار مطلوب بس مش فى ككل حاجه

سبحان اللة كل الاعضاء في المنتدي شايفة اني زيدان صح الا انت يا كووووور يا تري لية هو علشان هو بيقول الحق ولا اية وبعدين انت ملكش حق انك توقف العضوية بتاعتة لانة بيقول علي موقف خاص بية ومحددش اسماء يبقي انت ملكش حق في وقف العضوية بتاعتة وعلي العموم الرائ حرية شخصية وعلي العموم مش غلطان في حاجة واللي يحب يعمل مقلب في صاحبة ميكونش بالشكل دة لانة بجد مش ممكن يكون انسان
وعلي العموم اللة يسهلك وربنا يهديك يا رب وتبعد بقي عن الطريق اللي انت ماشي في لانة بجد وقف جانبك ضد اعضاء حياه ونفضلهم علشان خاطر المنتدي بتاعك وفي الاخر تقول علية كدة وتوقف عضوية بصراحة دة يبقي قلة اصل
وربنا يسامحك

اولا مرحب بيك يا مادو معنا فى حياه ثانيا احب اعرف الاعضاء ان مادو اخو زيدان
ثالثا انا موقفتش عضوية زيدان عشان الموضوع بس عشان رده على الموضوع غير لائق وغير محترم
واخيراااااااا فى الاول وفى الاخر دى وجهات نظر مش اكتر
وفعلا ربنا يهدى يارب وانا كمان اكون معاكوا محدش يكره ده خالص

ملحوظه : اى حد قبل ما يحكم فى اى موضوع لازم يسمع من طرفين عشان يحكم بالعدل
والاعضاء اللى فى الاول تركوا رد دون وجود رد الطرف الاخر رائيهم مش عادل خالص
بس اللى اقدر اقوله
عامل الناس كما تحب ان يعاملوك

كل ده حصل طبعا يا جماعه كووووور على حق فى كل كلمه قالها لانه منطقى جدا
اما زيدان واضح جدا انه انسان مش كويس انا ممكن اتوقف عشان قولت كده بس مش مشكله وكمان اقول لكوووور ولا يهمك انا معاك فى الادار بتاعت المنتدى فى اى وقت

سانتو سابقا كور حاليا انا رجعت ورجعه وناويه مسبكمش تانى
مهما حصل
واكيد طبعا مع كوووووووور فى كلامه وضد زيدان ومادو اللى هما طلعوا اخوات
وانتظروا منى كل جديد وحصرى
نحن دئما ناتى فى الاوقات الصعبه ونفتخر بذلك

ههههههههههههههه
كل ده حصل
بجد بجد الحمد لله انه بان على حقيقته
شكرا على استعائك لى يا كووووووووور
وطبعا انا معاك انت ومسلمه ورباب وانتظروا العوده القويه واكيد هتعرفوا الفرق
واللى يسبنا ميستهلش يكون بينا
نحن مؤسسين منتدى حياه الاصلين

موضوع صغير كبرته انت يا زيدان ودفعت ثمنه كمان انت الان اصبح فى خبر كان
اتمنى لك التوفيق

كويس ان هو بان على حقيقته و عرفته بدرى بل ميعمل حاجه اكبر من كده

الحياة بتعلم

لا تعليق؟

على فكرة مش من العدل ان اللي يقول الحقيقة يبقي ظالم وكمان مش من حق حد يعتدي علي اراء الاخرين طالما انة مجاش جنب حد ولا ذكر اسمة وبجد فعلا زيدان دة انسان محترم جدا وانا عارفة شخصيتة كويس جدا وبصراحة فعلا سايب فراغ في المنتدي

والله اعلم الحقيقة فين؟؟؟؟

[/b]

MEMA كتب:

على فكرة مش من العدل ان اللي يقول الحقيقة يبقي ظالم وكمان مش من حق حد يعتدي علي اراء الاخرين طالما انة مجاش جنب حد ولا ذكر اسمة وبجد فعلا زيدان دة انسان محترم جدا وانا عارفة شخصيتة كويس جدا وبصراحة فعلا سايب فراغ في المنتدي

والله اعلم الحقيقة فين؟؟؟؟

[/b]

لما تكون اراء الاخرين غير لائقه ومش محترمه يبقى من العدل انى اعتدى او اتدخل فيها
وده منطقى جدا زيدان شخص كويس شكرا ليكى ميما
وحتى لو زيدان سايب فراغ ده ميمنعش اننا نحاسبه طالما غلط فى حق حد تانى افرضى انتى الحد التانى ده وبعدين اى حد يشوف كلام مش كويس فى المنتدى اعتقد مش هيدخل تانى

يا جماعة المفروض ان احنا فى رمضان ونعمل خير ونصلح بنهم مش نقول حاجة غير كدة واللى فات مات وخلاص محدش يزعل من حد

اية اللي يمنع الشخص انة يدخل المنتدي ويقرا الكلام دة ومش هيخلية يدخل تاني دة مشكلة والشخص بياخد راي الناس فيها مش بيشتم المنتدي ولا اي حد في دة بيحكي عن مشكلة حصلت لية وعايز يعرف اية راي الناس فيها صح يا اخ كوووور ولا انا غلطان وبعدين بجد زيدان شخصية محترمة جدا وانا ضيفة علي الميل من المنتدي وبكلمة وبجد انسان طيب ومحترم جدا وانا بجد قريت المشكلة بتاعتة بالكلام اللي اتمسح وبجد حرام اللي حصل فية وبعدين عيب اوي لما تخلي اعضاء في المنتدي تغتابة بالكلام زي مسلمة ورباب وزيزو ويا ريت يا استاذ كوووور تفكر كويس قبل ما تاخد قرار

بجد زيدان لازم يرجع يا كوووووور ومتنساش اللى عملة فى المنتدى صح ولا اية