ارجوا دخلو الجميع,,,,,,للنقاش

بسم الله الرحمن الرحيم
ازيكم كلكم يارب تكونوا بخير

بصراحه انا عايزه اتكلم في موضوع وحابه اعرف رأي الجميع فيه وبصراحه

ليه ديما بعض الناس بيفكروا ان الصغيرين في السن عموما يبقى عقلهم قد سنهم انا من وجهة نظري ان الكبير كبير عقل مش سن حتى لو كان عمرو 100 سنه وده وكل واحد ورأيه

لان بجد الموضوع ده مضايقني جدا
مش لازم ان اي حد صغير في السن يعني قدي مثلا يبقى غبي وميفهمش وان الناس بتعامله كأن هوا ولا يقدر يعمل اي حاجه ويعجزوه؟؟!!!

يحسسوه ان عاجز ميقدرش يعمل حاجه وان حتى مثلا يبقى في مشكله ميخدوش رأيه في اي حاجه
يقولو انته لسه صغير ولا تفهم حاجه!!

ويكون اصلا فاهم اكتر منهم بس همه مش فهمينه من كتر ما بيعجزوه ويحسسوه ان ولا قيمه ليه

يعني وجوده زي عدمه موجود زي مش موجود!!!

ليه ده بيحصل وليه اصلا ديما معظم الناس تفكر ان الصغيرين اغبياء ولا يفهموا اي حاجه

موضوع وحبيت اتناقش معاكم فيه

من قال كده يا سمسمة
اولا قارنى الموضوع على نفسك و شوفى انتى قد ايه محل احترام لكل الناس هنا
بنحب مواضيعك و بنقراها و هادفة جدا و انتى انسانة ذكية جدا
بس يمكن الفكرة ان الانسان تجارب و التجارب عمر
يعنى ممكن يكونفيه واحد عنده 100 سنة زى ما قولتى بس مشافش فى الدنيا كتير او عاش تجارب ممكن تعلمه الدنيا ماشية ازاى
بس للاسف مينفعش العكس مينفعش يكون حد صغير و عاش كل التجارب لان بحكم سنة كل تجربة بيعيش فيها محتاجة وقت من عمره فلازم يعيش اكتر عشان يتعلم اكتر
بس ده ميمنعش انك متطلعة على حجات كتير بتكون حواليكى و ده كويس
بس بلاش ترهقى نفسك زيادة عن ما هيه تتحمل انبسطى بعمرك و افرحى و لو صادف انك شوفتى مشكلة خليها فى ذاكرتك السرية يمكن تستفيدى منها قدام بس بلاش تبنى اساس او تربطى نفسك زيادة بأى مشكلة تقبليها
يارب يكون وصلك المعنى اللى عاوزة اوصلهولك
و تحياتى ليكى

هوا وصل بس في ناس كتير بتعامل الصغير في السن على اساس ان ممكن ميكونش مش فاهم حاجه ومش بقول عليا انا تحديدا ناس كتير كده مع انك لو تعرف الشخص ده تعرف ان عقله كبير جدا جدا

وده شيء مش كويس انهم يفكروا ان ده ولا يفهم ولا اي حاجه ان بيخلي الشخص ده سلبي زياده عن اللزوم وبيحبطوا وفي ناس اعرفهم بيتعمل كده معاهم كتيييييير جدا

ثانكس برنسز على مرورك

مش شرط طبعا يا سمسمه وعمر ابدا مهما كان عقلك كبير وسنك صغير ده يمنع خوف اهلك واللى حواليكى عليكى
وكمان خبرتهم فى الحياه اكيد افضل ليهم
وده لا يقلل ابدا منك لانك صغيره

هو ياسمسم كال الناس اتولدت كبيره لا طبعا
ومحدش قال ان الصغير مبيفهمش بالعكس تماما مش شرط
بس فى حاجه انا اقتنعت بيها ان الانسان خبرات

ارجوا دخلو الجميع,,,,,,للنقاش

ارجوا دخلو الجميع,,,,,,للنقاش :: تعاليق

ارجوا دخلو الجميع,,,,,,للنقاش