يلا بينا نعصى ربنا !!!

بسم الله الرحمن الرحيم

اخوانى فى الله
طبعا
كلنا بنبقى قاعدين فى امان الله و نلاقى الشيطان بيبسبس لنا عن طريق فيديو
كليب او بنت تقوم تضحك عليها و تاكل بعقلها حلاوة او مكالمه هاتفيه تاكلى
فيها خمسين كيلو من لحم اخواتك الميتين (( الغيبه )) او مانيكير لونه جنان
يبوظلك الصلاة لمده اسبوع او كوباية سم هارى (( صنع فى امريكا )) او تحضير
برشام لامتحان بكرة .

طبعا انا و انت و انتى و كل اللى قرأ الموضوع ده و
اللى لم يقرأه بيعمل معظم الحاجات دى و مهما قاوم نفسه مابيقدرش يوقف , و
بينى و بينكم الشيطان يخرب عقله خلبوص!!!!!

علشان كده , انا من خلال الموضوع ده , بوجه لكم كلكم , بما فيكم انا , دعوة لمعصية الله !!!

ياللا يا جدع , اصل بصراحه المعصية حلوة و ممتعه اوى , و بعدين احنا حنعيش كام مرة ؟؟ , الواحد برضه نفسه يبقى روش ..

ياسلام , انا شايف ابتسامة فرح على وشك , اخيرا حنعصى ربنا , يااااه , انا فرحان اوى

ياللا
, قومى, ياللا ياختى , قومى اقلعى الطرحه دى , وانزلى مع ابن الجيران , ((
يا بختك , ده زى القمر , لا و ايه , عنده عضلات , و كمان عينه خضره ,,))
بس باقولك , اوعى تقوللى لمامتك و باباكى , دول دقة قديمة ,

و انت , مالك قاعد حاطط ايدك على خدك و مبلم ليه , ماتصحصح شويه , بكرة الامتحان , قوم يابنى حضرلك كام برشامه يساعدوك يمكن تفلح !!

بس استنى !

قبل ما تقوم , اللى اوله شرط , آخره نور ..

معصية ربنا لها شروط , لازم تتوافر , و الا مع الاسف , مش حينفع تعصيه ..

ايه , بوزت ليه ؟؟؟ طب اقرا الشروط الاول , مين عارف , يمكن تكون متوافقة ليك
ياللا , سمى و اقرا الشروط :

الشرط الاول :

لازم تلاقى مكان تعصى ربنا فيه من غير ما يشوفك

الشرط التانى :

تضمن ان ربنا مش هايحسبك؟؟

الشرط التالت :

تضمن ان الشيطان مش هايطلع نذل معاك , و يوم القيامه هايقول لربنا (( سيبه يا رب , انا اللى وسوست له ))

الشرط الرابع :

تضمن ان الرسول صلى الله عليه وسلم حيشربك من حوضه , مش هايقولك سحقا سحقا بعدا بعدا..

الشرط الخامس :

تضمن ان مالك خازن النار حيتعاطف معاك , و حيطلعك بره النار كام يوم بره النار و ليه الحلاوه ؟؟

الشرط السادس :

تضمن ان عزرائيل مش هاياخد روحك ساعة المعصية؟؟

الشرط الاخير :
تضمن ان اعضاءك مش حتشهد عليك يوم القيامه (( زى ايديك و رجليك و بقك و عينك و .....)) ؟؟

ها ؟؟ الشروط متوفرالك و لا لأ ؟؟

لو الشروط دى كلها متوفرالك , قوللى , و ايدى على ايدك نعصى سوا ..

يا جماعه امانه عليكم , اللى الشروط متوفرة فيه يقوللى , و يرد عليا

اخوانى ,
(( ثم قست قلوبكم من بعد ذلك فهى كالحجارة او اشد قسوة))
صدق الله العظيم

شكلك وحش اوى قدام ربنا , شكلك وحش قدام الرسول
صلى الله عليه وسلم , الرسول اللى بيعرف اخبارك كل يوم خميس , ياااا ساتر
عليك , صحيح , الانسان صنف نمرود و قاسى و متكبر و مغرور

ماعنديش كلام تانى اقوله , بس ارجوكم , بالله عليكم , اللى الشروط تتوافر فيه يقوللى علشان نعصى الله سوا
والسلام عليكم و رحمة الله و بركاته

اللهم احيينا مسلمين وتوفنا مؤمنين
آميين

انا عندى تحفظ على عنوان الموضع يلا بينا نعصى ربنا !!! 221299

هو كان ممكن يكتب اعصى الله لكن بشروط ؟
ولا ايه ؟؟؟؟؟؟