أقوى نكت مصريه (سياسيه قوى قوى)

بيقولوا للريس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟

2

موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى

3

واحد شغال فى فرز اللجان الإنتخابية...فو احد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليما ت واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض

4

بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

5

سأل الرئيس وزيره : كيف حال الشعب بعد ما
غلّينا العيش ؟
فقال : يا سيدي بياكل زفت
فقاله : طيب غلي الزفت

6

في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى

7

كان أحد الحكام ممن اشتهروا بالظلم يسافر في طائرة، فنظر من النافذة وقال لحاشيته: لو رميت
100دولار من الطيارة ... يحصل إيه ؟
رد واحد و قاله : حيلاقيها واحد من الشعب و يفرح بيها
قاله : و لو رميت ألف دولار من الطيارة ... يحصل إيه ؟
رد واحد تاني و قاله : حيلاقيها مجموعة من الشعب و يفرح بيها
قام واحد ثالث قاله : و لو رميت نفسك من الطيارة كل الشعب حيفرح

8

مره توني بلير و بوش و ********عمله ماتش كوره
و همه بيلعبوا الكره وقعت في بحيره مليانه تماسيح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام *******امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم

ههههههههههههههههههههههههههههههههههههههههههههههه
جميلة جدا اينزو وبالذات بتاعت المدرس وامن الدولة
انت شكللك حتدخل المعتقل يا اينزووووووووووووووووووووووو او محدش حيعرف في يوم من الايام انت فيييييييييييييييييييييييييييييييين
ههههههههههههههههههههههههههههههههههههههههه

ههههههههههههههههههههههههههههههههههههههههههههههههههههه
فعلا يا اينزو ع رائ سندريلا خد بالك من نفسك
الا فى يوم مش نلاقيك معانا هههههههههههههههههههههههههههههههههههه

وفعلا نكته المدرس احلى نكته جااااااااااااااااااااااااااامده
شكرا ليك يا اينزو

مرسى لورنا وسندريلا
واضح انة فية تحالف وعايزين تبلغوا عنى
كدة لورنا
اوك سندريلا
لورنا احنا اصدقاء
بلا ش تبلغوا عنى
ههههههههههههههههههههههههههه

داري علي شمعتك تقيد
يا انزو خلي باللك بقي من نفسك احسن تلقيهم مرة واحدة في بيتك يقوللك معنا امر باعتقالك
هههههههههههههههههههههههههههههههههههههههههههههههههههههههههه

هههههههههههههههههههههههههه
طب اوعى بس تبلغى عنى سندريلا
ابن خالتى وكيل نيابة فى اسكندرية
وحيطلعنى زى الشعر من العجين
الخوف منكم
هههههههههههههههههههههه
احنا اصحاب حافظوا عليا
وما تبلغووووووووا
ههههههههههههههههه

هههههههههههههههههههههههه

تسلم ايدك يا اينزوووووووووووو

بجد نكتــــــــــــــــــة المدرس تحفـــــــــــــــــــــــه

كان أحد الحكام ممن اشتهروا بالظلم يسافر في طائرة، فنظر من النافذة وقال لحاشيته: لو رميت
100دولار من الطيارة ... يحصل إيه ؟
رد واحد و قاله : حيلاقيها واحد من الشعب و يفرح بيها
قاله : و لو رميت ألف دولار من الطيارة ... يحصل إيه ؟
رد واحد تاني و قاله : حيلاقيها مجموعة من الشعب و يفرح بيها
قام واحد ثالث قاله : و لو رميت نفسك من الطيارة كل الشعب حيفرح

مرسى على مروركم كوووور
سمسمة
كوور بلاش نتكلم على الحكام
ههههههههههههههههه
المنتديات ليها عيون
ودارى على شمعتك
ههههههههههههه