هل حياتنا علي مزاجنا؟؟؟؟؟؟؟؟

بسم الله الرحمن الرحيم
هل فعلا حياتنا علي مزاجنا ؟
بصراحة احب ان اقول :-

احنا بنظبط حياتنا على مزاجنا

بمعنى اننا عايزين حياتنا تفصيل سواء احنا صح او غلط كده كده بنكون صح

تلاحظوا الكلام ده فين بقا اكتر >> ف الجواز

واحدة جميلة تقولك ايه >> البنت اساسا لو مش حلوة ولا هتتجوز ولا حد يعبرها

واحدة تانية بقا اهلها كويسين ومن عيلة هوب هوب فوق

بس مش حلوة تقوم تقوم تقولك ايه

البنت اساسا لو مش من عيلة كويسة وبنت فلان بيه ولا حد هيعبرها

طب واحدة تالته متوسطة الجمال ومتوسطة الحال وعايشة يعنى تقوم

تقولك سيبك انت الجمال جمال الروح

وطالما ربنا ساترها هيجيلنا ابن الحلال

طب نروح ع الولاد !!!

الولد اللى على اد حاله يقولك المفروض اهل البنت يشتروا راجل ميجروش ورا الفلوس

طب واحد تانى متريش يقولك انا بفلوسى اروح اى مكان اتشقط واللى ممعهوش ميلزموش

بالمنظر ده ولا بنت فى اللى فاتوا هيتجوزوا ههههههههههه

والله عاملين زى حلاتى لما كنت مترشح ظابط للجيش كنت بقول الجيش للرجالة

ولما اخدت التأجيل بقيت بقول الجيش مبياخدش رجالة ده بياخد العيال يربيهم هههههههه

م الاخر كده كل واحد بيظبط الدنيا على حسب حالته ومزاجه

لا وممكن يعمل البدع عشان يبقى هو صح اصل لو مش صح

يبقى شريحته ف المجتمع كده ملهاش لزمه

مع انها ممكن تمشى واحد على اد حالة مع بنت فلان باشا ويبقوا مبسوطين

عارفين مشكلتهم ايه ؟؟

انهم ناسين حتة < الطيبون للطيبات >

اظن متقالش بقا الطيبون ولاد مين ولا الطيبات ولاد مين

وخدوا على نفس الوتيرة كده كتييييييير مش شرط الجواز بس

و احنا الحمدلله كل حاجه على مزاجنا اصل البرستيج والشكليات اساسيات برضه

مرسي عالموضوع الجميل يا همسة

توبيك جميل بس ان شاء اللة كلة هيتجوز ومية ومية

والله فعلااااااااااا انا برضه ديما بقول الكلمه ده الطيبون للطيبات والخبيثون للخبيثات


وبجد توبيك جامد رغم اني مش بحب التوبيكات الطويله وكنت هقفل الصفحه بس اول سطر قراتو عجبني الكلام وكلمتو
تسلم ايدك بجد مووضع حلو

بصم ياخونا الدنيا ممر وليست مستقر وعلشان كدة لازم كل واحد يتقى ربنا فيها قل اعملوا فسيرى الله عملكم وياريت كل واحد يحاول انه ينظم حياته فى طاعه الله الخالق القهار وصح العريس الى متريش هو ايه دكر بط هايتدبح على العيد ههههههههههههههههه .

حلو الموضوع همسه
ربنا قال الطيبين للطيبات يعنى ناخد بالاسباب يعنى كل واحد يختار الطيب الانسان الى على دين زى ما قال الرسول اظفر بذات الدين تربت يداك
وان جاءكم من ترضونه دينه وخلقه فزوجوه ان لم تفعلوا تكن فتنه وفساد فى الارض
يعنى الموضوع محلول
اما بقى الى بيقول كده مرجعش لدينه خالص
الدين والاسلام هو الطريق الصح