دروس وخطب مكتوبه ولكن باسلوب كل عضو من المنتدى

بسم الله الرحمن الرحيم
السلام عليكم ورحمة الله وبركاته
وبه نستعين

بعد التحيه والشكر لاعضاء حياه الكرام
الحمد لله ربنا هدانى لفكره حلوه اوى اوى
فى موضيع كتير عن الاغانى اللى بتمثل حالتك والحاجات دى
وطبعا مش بنستفيد منها حاجه

عشان كده انا عندى فكره ومنتظر من كل عضو يطبقها معانا
وهى كالتالى :-
عاوز اى حد او عضو او عضوه يسمع درس اسلامى او خطبه
يجيى هنا فى الموضع ويحكلنا عن الخطبه او الدرس ده باسلوبه

فكره حلو والغايه انك تشرحها باسلوبك اعتقد فكره تستحق التنفيذ

ومحدش يقول انه من السهل انه يحط الرابط بتاع الخطبه وخلاص لاء الفكره انه العضو اللى يشرحها باسلوبه

واللى عاوز يحط الرابط مش مشكله واللى عاوز يناقش موضوع الخطبه برده مش مشكله
وارجوا ان يذكر صاحب الدرس او الخطبه مع عنونها فى النهايه عشان لو حد عجبه او لافت نظره
حاجه وحابب يرجع للخطبه او الدرس الاصلى

وانا منتظر كل الاعضاء ان شاء الله ونشوف كل واحد بيسمع لمين ولا بيحب مين
ولا عن ايه

اسف على الاطاله
ولو فى اى حاجه مش واضحه انا تحت الخدمه

الجزء الاول من درس ( اختيار شريك الحياه )

المرحله الاوله حدد موصفاتك
المرحله التانيه هتلاقوا بعض ازاى
المرحله التالته الاستشاره والاستخاره
المرحله الرابعه موافقة الاهل

المرحله الاولى حدد موصفاتك يا شباب
ياترى كل واحد عارف موصفاته كويس اللى عاوزه اللى بيحبها فى شريك حياته
وياترى الموصفات دى شكليه ولا موضوعيه ولا .........
حد فكره يا شباب ان المواصفات دى انها لازم تكون ليها علاقه بالله وبدين الاسلام
عارفين يا جماعه عمار الارض مرتبط بالاسره الصالحه وبالتالى ليها هدفى دينى

ياترى الشباب والبنات بتفكر ازاى
مثلا شاب يقول عاوزه تكون كويسه وهو اصلا مش محدد حاجه وده غلط واغلبية الشباب كده
مثلا البنت تقول عاوز واحد كويس ويحافظ عليا برده نفس الحكايه
هو مثلا برده بيدور على بنت حلوه وشيك وكده ........ الخ
نوع اخر من البنات عاوزاه طويل وطموح ويخاف عليا ويكون يتحمل المسئوليه ........ الخ
اللى فات ده عباره عن نماذج من الالف وملايين الشباب
كل واحد او واحده بيدور على حاجه غير التانى ...
بس تعرفوا البنات فى اختيارتهم اسهل بكثير من الشباب
النبى (ص) تنكح المراءه لاربع جمالها ومالها وحسبها ودينها ...*
خير متاع الدنيا المراءه الصالحه

احد العلماء سئل اجوز بنتى لمين كان الرد عليه كالتالى
دور على المتدينه او متدين لانها اكتر من تسعد معه
لانه لو حبها هيكرمها ولو كرها مش هيظلمها
الانسان لابد ان يختار اللى يسعده على طاعة الله على تشجيعه فى الحياه
اوعى تتجوز واحده عجباك اوى يا شباب وهى متكنش بتصلى
ونفس الكلام للبنات
اهم ما فى الموصفات التكافوء
مثل المستوى الاجتماعى والمادى والثقافى والتعليمى
لازم الشباب يفكور كويس فى المعاير دى
السن ليس مشكله اطلاقا لانها مرتبطه بشىء مهم مستوى نضج الرجل

انا لخص الجزء الاول على قد ما اقدر
وانتظروا باقى الاجزاء......... قريبا
ويارب اكون قد وفقت فى تلخيص هذا الجزء

صاحب هذه الدرس عمرو خالد

حلوة اوي الفكرة ديه بجد ربنا يجزيك عليها خير
واحاول انزل مواضيع ان شاء الله

اما الموضوع اللي انت كتبته علي اختيار شريك الحياة فعلا مش لازم تكون الصفات عامة
كشكل ومظهر
المهم انه بيكون قريب من ربنا ويتقي الله في معاملته مع اللي قدامه ويشجعو بعض علي طاعة ربنا ديه اهم حاجة وفعلا لو ال2 حبو بعض عمرهم ما حيظلمو بعض وحيطو دايما ربنا قدامهم في كل حاجة يعملوها
بالتوفيق للكل ان شاء الله

شكرا يا كور
وربنا يكرمك