الحب فى الجامعة

السلام عليكــم ورحمـة الله وبركاتــة ،

انا نفسى اسألكم اسئلة ؟

هل فيه حاجة اسمها حب فى الجامعة؟

انا اولا خريج جامعة وكان ليا اصحاب كتير وكان كل واحد فيهم عايش قصة حب فى الجامعة بس هل الحب ده حقيقى؟

ممكن ارد عليكم واقول اجابتى وتشاركونى ردودك ايام الجامعة كانوا اصحابى يجوا يحكولى عن البنت فلانة النهاردة فسحتها ووديتها اماكن رومانسية وعشنا احلى يوم واكلنا ومسكت

ايدها وعشنا يوم جامد تيجى تقوله بتحبها يقولك ياعم دى اجمل لحظة مش هتعيش بعدها ويقولى بذمتك انا اتجوز انسانة خرجت معاها قبل كده اقوله ترضاها للاختك يقولى بص هى اللى

عايزة كده وعايزة تعيش اللحظة ادام هى عايزة انا تحت امرها دا احنا بنقعد نتكلم فى الموبايل كتيير قوى دى روشة قوى وسبور وبنروح السينما وعايش حياتى يقولى بجد تلاقى احلى من

كده يقولى هقولك حاجة بص لو هى محترمة كانت خرجت معايا؟ كانت رضيت تكلمنى او كانت ترضى انى امسك ايدها؟ ياعم هى عارفة ان بعيش حياتى وهى عايزة تعيش حياتها وكان

هى عارفة انى مش شغال ولا عندى شقة ولاجهزت نفسى ولسه طالب وباخد المصروف من بابا وتعشمها بكلمتين انا مش هسيبك اللى هيفرق مابينا الموت ويعنى المسكينة الساذجة مصدقة

انه بيحبها وبعدين يجى ضاحك عليها بكلمتين انا مش هنرف نتجوز دلوقت بصى ولو روحت اتقدمت للاهلك مش هيوافقوا ويقولها تيجى انا وانتى نحط اهلنا امام الامر الواقع بعديها تيجى

البنت تتقل شوية وتعمل نفسها انها مش موافقة وتقوله دا بابا يقتلنى يقلها ماتخافيش محدش هيشفنا ويقعد يجيب سيرة ربنا شاهد على حبنا وهنتجوز من وراهم لغاية مادبر حالى وتقع البنت

فى الورطة الكبيرة وتتجوزه وتكون حامل منه وتيجى تواجه يهرب منها والجنين فى بطنها ولو اهلها عرفوا هيدبحوها وهتتفضح فى الجامعة هو ده النظام فى الجامعة وعلى

لسان كل بنت مقولة شهيرة جدا تقول ( انا نفسى احب والاقى حد يحبنى)وبعد كده ترمى نفسها فى اول واحد يسبلها ويقولها كلام يسحر والولد بيكون ممثل عالمى زى توم كروز فى الكدب

هو ده نظام الحب فى الجامعة وكمان حاجة اللى مفكرين انهم بيحبوا بجد فى الجامعة تقول لا دا هيتجوزنى انا واثقة فى فلان دا بيخاف عليا زى اخته طيب انا هقولك حاجة حلوة خليكى

انتى وهو ماشيين فى الشارع او فى الجامعة ولقيتى اخته ماشية مع واحد وهو زميلها وبيحبها او زميل دراسة شوفى هيكون رد فعله ايه ولو معملش كده يبقى لامؤاخذة مش راجل هيمسك

ساعتها اخته ويبهدلها بس هل بنات الناس لعبة واختك لاء صدقونى مفيش حاجة فى الجامعة اسمها حب وكل واحد يشاركنى رأيه

اسف جدا انى طولت عليكم بس شاركونى أرائكم

شكرا ليك على الموضوع
واصلا البنت اللى بتعمل الى انت بتقولة تبقى حمارة
سورى بس دية حقيقة عشان ما فيش حب فى الجامعة اصلا.
شكرا ليك مرة ثانية

» الحلقه الاولى بكل الحب هنتكلم عن الحب وبكل الحب هناقش كل قضايا الحب( الحب من اول نظرة)
» الحلقه الثانيه (الماضى)بكل الحب هنتكلم عن الحب وبكل الحبهناقش كل قضايا الحب
» كل شىء عن عيد الحب ::هدايا -فتاوى-فتيات الحب -شباب الحب ::
» إن الإنسان قبل الحب (( شيء)) وعند الحب(( كل شيء)) وبعد الحب (( لا شيء))
» قبل الحب شئ واثناء الحب شئ وبعد الحب لاشئ