ارجوكم ساعدونى قربت انتحر

اان وقعه فى مصيبه انا طول عمرى صريحه مع كل الناس بس انا بقالى سنتين مليش صحاب خالص ولا اى حد قريب منى ولوحدى زياده عن اللزوم ولا لاقيه حب ولا لقيه صحاب كله بيكلم علشان مصلحته وبس وبدات ادخل النت وكده لقيت معظمه كدب فبقيت بكدب كتير اوى اوى واعمل حورات واعيش فى قصص وهميه علشان بس محسش بالاكتئاب بس انا اتخنقت بقيت بكدب كتير حياتى بقت على النت وبس مليش صحاب بس انا والله ف حياتى العمليه وف الكليه مش بكدب نهائي بس انا دلوقتى حياتى بقت على النت انا بجد زهقت من الدنيا انا بصلى وبدعى ربنا انا زهقت ونفسي القي حل انا بحلم انى اتخطب عشان القي حد يشغلنى بحلم القي اصحاب يحبونى واحبهم من غير مقابل بكل صدق يخافوا عليا انا مخنوقه اوى ياجماعه بجد مخنوقه

اولا يا صافى الحياه فيها الحلو والوحش وانتى لسه صغيره قوى عشان تقولى الكلام ده انتى لسه فى اول حياتك وياما حتقابلى وطول ما انتى عايشه حتقابلى مشاكل كتير ولازم تكونى قويه عشان تحليها وانا شايفه انه معندكيش مشكله ولا حاجه هو فراغ وبس حاولى تشغلى وقتك حاولى تستفيدى من النت استخدميه صح ومش كله شات ونتعرف ع ده ونكدب ع ده فى حاجات كتير ممكن تعرفى منها معلومات وتستفيدى وتاخدى خبرات وكمان كلمه تنتحرى دى عيب انتى كده ارتكبتى ذنب كبييير استغفرى ربنا وقربى له وان شاء الله تكونى كويسه

الحمد لله صافى
اذا كنت دون اصدقاء فى حياتك وناس تعرفك عشان مصلحه يؤسفنى اقولك ان ده اختيارك
مشكلتك مش مشكله وحلها فى ايدك وابدائى صح
سيبى كل حاجه فى اونها ولا تبحثى عن الحب وهو هيجى هيجى الوقت ده عند ربنا
قربى من ربنا ونصحتى لا تثقى فى علاقات النت لانها مش واضح فيها الكويس من الوحش
اشغلى نفسك ووقتك وادعى ربنا يرزقك الصحبه الصالحه والزوج الصالح
استحملى اى حاجه لانها ما ضاقت الا مافرجت
خلى ثقتك بنفسك اكبر واكتر حددى هدفك فى حياتك فكرى فى موصفات فتى احلامك
قدرى نفسك حتى تجدى من يقدرك وثقى فى نفسك حتى تجدى من يثق بيكى
واذا كان اصدقائك بتوع مصلحه فالوحده اهون بكتير من معرفتهم
الحياه مراحل هتعرفى ناس فى الجامعه وجيرانك واهلك وكورسات وفى شغلك
الحياه مش هتقف انما لو قفلتى على نفسك فطبيعى انك متعرفيش حد
وفى نفس الوقت لا تثقى فى اى شخص بسهوله فدى نصيحه غاليه حاولى العمل بها
ولو انت فشلتىفى حاجه فجعلى الفشل بدايه للنجاح
نحن هنا فى اسرة منتدى حياه كل واحد له شخصيته وحياته ولكن يجمعنا هذا المكان ويجمعنا حب اخوى بيننا جميعا

وتحت امرك فى اى شىء ونرحب بضمامك لينا

فكرة الانتحار ديه شيلها من دماغك خالص
لو علي النت انت اعتبري نفسك معندكيش كمبيوتر من اساسه ولا عندك نت لحد ما تبطلي ادمانه
ايوة ادمانه انتي بقيتي مدمنة نت وكمبيوتر وكده في حد زاته غلط
ابعديه عنه لمده اسبوووووووووووووع او اكتر
وخصوصا خلاص الترم التاني بدا اشغلي نفسك بالكلية وابعدي عن النت خاااااااااااااااالص
ولما تحسي انك خلاص الادمان ده راح
ابداي ارجعي تاني للنت بعيد عن الشات والحجات ديه خالص
شاركي هنا حتلاقي ناس كويسة اوي وحتلاقي مواضيع كتير تستفادي منها

ودوري علي حاجة مفيدة تستفيدي منها من النت
يعني اقري كتاب اي حاجة في دراستك علم
اي حاجة تستفيدي بيها
اعملي حاجة تنفعك وتنفع غيرك

وسيبك من فكرة الانتحار واستعيذي بالله من الشيطان الرجيم وادعي طول ما انتي بتصلي انه يبعد عنك ادمان النت ده
وربنا يفك همك يارب

بصضى يا صافى طبعا تقديرى لكل اللى قالوه الاصدقاء واحترامى ليهم وانا بقيدهم فى كلامهم بس المفروض بردو تكونى صريحة مع نفسك طالما مش عاوزة تعملى حاجة غلط ابدائى صفحة جديدة مع نفسك واحنا هنا كلنا اصدقاءك واخواتك بالظب زى ما كلن اصدقاء ويمكن كمان اخوات بس الاول قبل ما تفتحى صحة جديدة مع نفسك صلى ركعتين لله واستغفرى ربنا على كل حاجة واطلبى منن ربنا انه يسامحك ومش تكررى اللى انتى عملتيه ده تانى واحنا هنا هانكون ليكى اصدقاء واخوات وكنا يد واحدة هنا واللى انتى فيه ده تانييب ضمير وكويس ان ضميرك انيبك دلوقتى احسن ما تظلمى حد بكدبك استغفرى ربنا وصلى ركعتين لله وعاهدى نفسك ان انتى مش تعملى كده تانى وربنا هيسامححك ان شاء الله بس المهم مش تكررى اللى انتى عملتيه تانى

ياجماعه انا بجد متشركه للارائكم بس ممكن اقول حاجه حلولكم مش واقعيه محدش بيحس فعلا باللى جوايا ومفيش صحاب بجد لما ببقي مخنوقه مش بلاقي حد انتو بجد مش حاسسين بيا

هو ايه ده بالظبط اللي مش واقعي يا صافي
بصي يا صافي يعني انتي متعرفيش حد خالص معاكي في الكلية ده مستحيل مش شرط يا ستي يبقي صحابك قربي من مامتك وحتلاقيها احن عليكي من مليون صحبة وده واقعي وكل اللي قلناه صدقني واقعي بعادك عن الكمبيوتر فترة ليه مش واقعي
صلي ركعتين وادعي ربنا انه يبعد عنك اللي انتي فيه واستغفريه ده ليه مش واقعي
انك تبداي صفحة جديدة مع نفسك وتدي الثقة لنفسك اني مش حكرر اللي عملته ده تاني عشان مش اشيل ذنب حد وضميري يفضل وجعني كده ليه ده مش واقعي
ايه اللي مش حترعفي تنفذيه واحنا حنكون معاكي ان شاء الله لحد ما تخرجي مش مشكلتك ديه
قولي اللي مش حتقدري تنفذيه واحنا حنقولك تنفذيه ازاي

safy كتب:: ياجماعه انا بجد متشركه للارائكم بس ممكن اقول حاجه حلولكم مش واقعيه محدش بيحس فعلا باللى جوايا ومفيش صحاب بجد لما ببقي مخنوقه مش بلاقي حد انتو بجد مش حاسسين بيا

معاكى حق
بس انتى مجربتيش الحلول عشان تقولى واقعيه ولا لاء
خليكى ايجابيا وغيرى احساسك ده بنفسك فالشخص الوحيد الذى يستطيع مساعدتك هو نفسك
جربى مش هتخسرى حاجه واكيد مافيش حاجه بتتغير فى يوم وليله
وبس انتى احسن من ناس كتير قولى الحمد لله

ولو فى اى حاجه عاوزه تعرفيها او متردد منها احنا معاكى واللى هيفيدك اكتر اخوتنا البنات
اللى هنافى المنتدى صحبيهم وهما ناس طقين شويه بس زى العسل

مع احترامى للاستاذه سندريلا انا مش هقول اى مشاكل تانى واسفه اوى انى عطلتكو وعصبتك كده متاسفه جدا لانكو اسرة واحده مينفعش حد يدخل ف وسطكو شكرا كيور سلام

اللى انتى فيه ده علشان انتى بعيدة عن ربنا بس لو جربتى انك تقربى من ربنا وتطلبى منه انه يسامحك ده الوافعى وصدقينى ربنا بيسامح وكويس انك حسيتى بخطأك بدرى علشان مش يقعدليكى اللى ناتى بتعمليه ده افعل يا بن ادم كما شئت كما تدين تدان استغفرى ربنا وابدائى مع ربنا من اول وجديد وصلى وقربى من ربنا بجد ده واقعى جدا واحنا هنا اخواتك وصحابك يا ستى وان شاء الله ربنا يفرج همك

لالالالالالالالالالالالالالالالالالالالالالالالالالالالالالالالالا
بليييييييييييييييييييييييييييييز
اوعي تكوني زعلتي انا شكلي عكيت ولا ايه ؟؟؟؟؟؟؟؟
انتي شكلك فمتيني غلط والله انا مش قصدي ازعلك خالص
انا كل اللي قصدي عليه انك ليه بتقولي ان ردنا مش واقعي في ايه بالظبط ؟؟؟؟؟
فعدتهولك تاني وفسرتهولك اكتر
وحتي في الاخر قولتك احنا معاكي لحد متحلي مشكلتك
ويا ستي لو انا ضايقتك اوعدك مش حرد تاني

safy كتب:: مع احترامى للاستاذه سندريلا انا مش هقول اى مشاكل تانى واسفه اوى انى عطلتكو وعصبتك كده متاسفه جدا لانكو اسرة واحده مينفعش حد يدخل ف وسطكو شكرا كيور سلام

سندريلا خايفه عليكى ولا تنظرى للاسلوب لان كل شخص منا له اسلوبه المختلف ولكن انظرى الى النتيجه وهتلاقى النتيجه مننا كلنا واحده اننا عاوزين نساعدك وكلنا بنمد ادينا ليكى

ارجوكم ساعدونى قربت انتحر 849370

السلام عليكم ورحمة الله وبركاته

اولا اهلا بيكى صافى معانا اصحاب واخوات واسرة واحده
ثانيا صافى احب ابدا كلامى معاك بكلمه واحده انا نفسى كنت فى هم وضيق اول ما سمعتها ريحتنى اوى
كل الى يجى من حبيبك الى هو ربنا حبيبك يعنى لو ربنا ابتلاك بالوحده او كده فده لانه بيحبك عايز يقولك انا عايزك قربيلى تعالى انا حبيبك مش هتلاقى غيرى انا الى هيساعدك هو فعلا بيحبك الا يكفيك ملك الملوك ؟؟؟؟؟؟؟؟
ثانيا اجعلى همك الاخرة وتنالى رضا الرحمة وانك تدخلى الجنة صدقينى الى انت فيه ده نداء من الرحمن عشان تقربى ليه وتحسى بحبه
ابدأى اولا بالايمان قربى واعرفى الايمان ابدأى وهو هيساعك وكونى واثقه انه بيحبك
ثانيا الاتصال الوثيق بالله
جمدى الثقه فيه اوى اوعى اوعى تسبيه ياحبيبتى بجد هو ده الحبل الى عمره مايتقطع صدقينى كلنا محتاجنله
ثالثا الفهم الدقيق لازم تفهمى الحكمه من الابتلاء ده واكيد ربنا جعله ليك سبب
بتقولى بتدعى وتصلى ماشاء الله عليكى مش قلتلك ربنا بيحبك هو عايزك تقربى اكتر واكتر اكيد بيحب يسمعك
جربى وقربى واسعدى بحبه

دورى على صحبة خير صحبة بتحب ربنا هدفها الجنة
ربنا يرزقك يارب بصديقه صدوقه وزوج صالح واسرة طيبه اصبرى وصابرى واحنا معاك احتجتلنا احنا اخواتك واصدقائك وربنا يفرج همك وكربك يارب يارب يارب ان شاء الله قريب
ومن يتق الله يجعل له مخرجا ويرزقه من حيث لايحتسب
جربى ياحبيبتى تبعدى عن الشات كل ما تدخلى اواى انا بحبك يارب وتاكدى انه مش انت الى بتدخلى دى وهم وخيوط عنكبوت اتنسجت فى عقلك نسجها الشيطان بمكرة ليوقعك فريسه مزقى الخيوط دى واخرجى وقوليله لا كفاية كده
وصدقينى واصبرى واصبرى واكثرى من الدعاء فسيبدا الله سيئاتك حسنات وسيرزقك الخير ان شاء الله

لاتنسى كل الى يجى من حبيبك حبيبك وافتكرى واتاكدى انه بيحبك الا يكفيك ملك الملوك ولاتنسى ان لية خزائن الارض لاتنضب وبيده القلوب سيرزقك الحب واعلمى ان رحمته وسعت كل شئ

احبك فى الله

مش لاقية كلام يتقال بعد كل الي قالوه الاعضاء
هما عندهم حق وحاولي تجربي مش هتندمى

بس اية رايك تبقي معانا هنا تشتركى بمواضيع او تقري موضيع تعجبك وتستفادى منها وانا اول واحدة اقولك لو عيزة اى حاجة متتردديش وعرفينى ع طول واتمنى نكون اصحاب ونشوفك ع طول هنا ف المنتدى
وصدقينى الدنيا يوم حلو ويوم وحش
تحياتى ليكى
لمسة

ميرسي بجد ليكو انا فرحانه اوى ان ليا صحاب زيكو ربنا يوفقكم باذن الله في حياتكم

ايه يا صافى دى سندريلا دى ارق واحده فى المنتدى ازاى تزعلى منها وهى حد طيب قوووووووووى وهى قصدها توضح لك اللى قالوه الاعضاء ونفسها اكيد تساعدك واحنا هنا كلنا يا ستى اصدقائك واخواتك واى حاجه تحتاجيها كلنا تحت امرك واهلا بيكى فى وسطنا اخت زى القمر وكمان اشتركى معانا ويا ريت نشوفك كلنا دايما فى المنتدى
ارجوكم ساعدونى قربت انتحر 793822

safy كتب:: ميرسي بجد ليكو انا فرحانه اوى ان ليا صحاب زيكو ربنا يوفقكم باذن الله في حياتكم

ايوه كده ومنينا عليك ديما واحنا فرحنين جدا انك معانا ويااارب تستفيدى معانا

» ارجوكم ساعدونى انا ف مشكلة
» فرحك او خطوبتك قربت فكره جنان
» ياجماعة من فضلكم شوفولى حل ارجوكم
» انا بخسر اعز صديقة ليا عشان زميل ساعدوني ارجوكم