قلة النوم
مرة كنت نايمة وبعدين جرس الباب قعد يرن يرن رحت قمت بقول مين راح الراجل بيقولى بوسطة رحت انا قولتله الأسطى ! الاسطى مين؟ يقولى بوسطة اقوله طب مين الى بعتك ياأسطى رحت فتحت الباب لقيته ماسك جوابات عرفت انها بوسطة !
ده الصاحب الجد
كنت انا وواحد صاحبى اوى رايحين نجيب قصب بس من ورا الراجل فواقفين فى الضلمه وبناكل ما نعرفش ان الراجل كان نايم فى الأرض الى ورانا فجأه سمعت صوت غريب ببص على صاحبى مالااتهويش ببص الناحيه الثانيه لقيت صاحب الارض واقف ورافع اله حاده فانا انجعزت وقعدت اصرخ فالناس اتلمت وبعت جبت عمى والموضوع اتحل وكل ما افتكره اقعد اضحتك ولاقيت صاحبى ماقابلنى بعدها وبيضحك بزمتكم اقوله ايه دا حتى جرى وما قليش عشان اجرى معاه او وقف عشان نتفاهم مع الراجل هههههههههههههه
من حفر حفرة لأخيه
مرة كنت انا والانتيم بتاعتى رحاب ماشيين بالليل فى الشارع عادى كنا بنتمشى المهم جه واد صغير من اللى انتو عارفنهم وفضل يعاكس فينا المهم انا فضلت اقوله بس يابنى بس ياحبيبى مفيش فايدة وهو اصلا واصل لحد ركبتى رحاب كانت عاوزه تضربه فى الشارع بس انا كنت ناصحه اوى وقولتلها لا يابت منظرنا فى الشارع وخططنا اننا ندخل اى شارع مفهوش حد علشان نربيه براحتنا اصلو قرفنا اوى المهم نقينا شارع مفهوش سريخ ابن يومين وهو جه ورانا قولنا بس الخطة نجحت بس ايه جينا علشان نضربه مسكنا هو بقه وفضل يدينا بالشلاليت ورحاب فضلت تصوت وانا اضحك قمنا خرجنا جرى من الشارع وقولنا كويس انو كان عيل صغير مبالكو انتو بقه لو كان شب كبير بس ربنا سطر ومن ساعتها وحنا بنموت من العيال الصغيرة نشوفهم مشيين من الشارع ده نحود احنا من شارع تانى
صعايدة انما ايِه
مرة كنت عامل مشكلة مع واحد جارى ومتخنقين خناقة جامدة المهم روحنا القسم عملت محضر واحنا قاعدين لقينا جماعة صعايدة داخلين وعاملين دوشة جامدة قوى فراح الظابط مزعق فيهم قوى وقالهم انتوا فاكرين نفسكوا فين يا بهايم انتوا هنا زى الجامع تدخلوا تقلعوا جذامكوا انتوا فهمين المهم محدش كدب خبر وقلعوا كلهم الجزم والشباشب واحنا واقفين مش قادرين نمسك نفسنا من الضحك حتى الظابط قعد يضحك عليهم
الايس كريم
مرة وأنا صغيرة كنت رايحة اشتري أيس كريم كنا في الصيف و بابا يجي الظهر يتغدى و ينزل شغله تاني و كنت بنزل في الوقت ده اشتري الأيس كريم فكل واحد من أخواتي و بابا و ماما بيقول هو عايز إيه اللي قال عايز شيكو و اللي قال عايز كيموكونو و بابا كان عايز كيمو كونو فقبل ما نزل بأكد على حاجة كل واحد جيت عند بابا بدل ماقول بابا كيمو كونو رحت قايله بابا قرطاس وقاللي بقى أنا قرطاس يا........ هههههههه
رساله
