ارسال رساله لشيوخنا وعلمائنا للاتفاق على رأى واحد

السلام عليكم ورحمة الله وبركاته

عندما نبحث في موضوع الخلع نجد آراء كثيرة وبعضها يقول ان الخلع القانوني موافق للشرع والبعض الاخر يقول انه يدمر الحياة الاسرية

فهناك احتمال من الاثنين
1- ان يكون الزوج فعلا هو الظالم ولابد في وسيلة لتخليص الزوجة

2- او ان الزوجة ضعفت ولم تقدر علي اكمال الحياة لمجرد انها مدلله او انها اعتقدت ان الزواج ما هو الا مجرد فرحة ولكنها اكتشفت ان الزواج مسؤوولية

دلوقتي هتعرض اسالة دقيقة ومحتاجين تتنقل الي علمائنا زي ما هي كده وتكون الاجابه مفيدة واجابة واحدة
1- متي يجوز للمراة طلب الخلع ومتبقاش وقعت تحت "المخلتعات هن المنافقات " وهنا ما اتحددش اذا كانت مختلعة بسبب ولا من غير سبب اللي اتقال هو "المختلعات هن المنافقات "

2- هل للزوج الحق في الاعتراض علي الخلع

3- في كل الاحاديث التي ذكرت عن الخلع هل كان عندهم اطفال ؟
طيب ايه مصير الاطفال لأن معظم المشاكل وقضايا الخلع بيبقي ان الاب بيحاول يحافظ علي البيت عشان اولاده والام بتطلب الخلع لأن كده كده المحكمة هتصرف لها نفقة اطفال

4- اذا اراد الزوج الخلع ولكن في مقابل اسقاط حضانة الاطفال ولم توافق الزوجة ولجات الي المحاكم وامرت المحكمة بتطليقها لأن المحاكم بتعترف بس ان الزوجة بس تخشي الا تقيم حدود الله
هل ساعتها الخلع صحيح

5- اذا اراد الزوج الخلع مقابل زيادة عن المهر فهل يصح ؟ واذا لم يصح لماذا ؟؟ مش هو كده ضيع سنوات عمره وضاع بيته واسرته ولو جاب عفش هتلاقي سعره مبقاش يسوي

6- الاطفال هل من المنطقي ان الاطفال يبقي مستقبلهم وحياتهم متعلقة بكلمة من الام مجرد انا مبقتش احب زوجي
وفيه اراء بتقول الزوجة اللي تنشز عن زوجها يبقي زوجها اولي ليه انه يطلقها ويرميها وهي اللي خسرانه - برده اقول وذنب الطفل ايه ؟
هترد تقول احسن ما الطفل يتربي في مشاكل - طيب ما هو احسن ما ميترباش خالص وكمان المشاكل بتبقي موجودة لما يبقي زي ما بيقولو للمركب ريسين
وبكده الخلع خلي الزوجة ريسة اهو

7- اذا كان في قوله تعالي "‏‏وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ‏" طيب الواحد لما يخاف نشوز المراة وكلمها بطريقة وحشة
مهي هتطلب الخلع يبقي فين هنا القوامة وفين هنا انها هتسمع كلامه
مهي كده يا اما مش هتسمع كلامه او هتخلع

8- اذا لم يحكم بين الزوجين حكمين عارفين ايه كل اللي بيحصل - او حكموا ان مثلا العيب من الزوجة -
فهل برده تقدر تخلع ؟؟ طيب ولو خلعها القاضي هل تبقي مخلوعه ولو لم يرض الزوج ؟

9- عن ابن عباس رضي الله عنه أن امرأة ثابت بن قيس أتت النبي صلى الله عليه وسلم فقال يا رسول الله ثابت بن قيس ما أعتب عليه في خلق ولا دين ولكن أكره الكفر في الإسلام فقال رسول الله صلى الله عليه سلم: "أقبل الحديقة وطلقها تطليقة".. رواه البخاري
هل ده كان امر ليه ولا وصية
ولماذا قالت اكره الكفر في الاسلام - يعني بتدل علي ايه ؟ هل انها مش طيقاه جدا جدا
طيب مهو ممكن دلوقتي في زماننا ده واحدة حبت زوجها وهو موظف وهي موظفة وبعد 10 سنين اعجبت بواحد غني وبقت تتكلم معاه لحد ما كرهت زوجها وبعد كده طلبت الخلع مهي دلوقتي
كرهاه جدا جدا لأن فيه احسن منه
اذاي بقي هتمنعوا حاجة زي كده ومتقولليش ضميرها و و و و لأن دلوقتي بقت هي مسؤوله زيها زي الراجل في انها تهد البيت او تبنيه

10 - هل تري قانون بلدتك حاجة مخالفة للشريعه في موضوع الخلع او تطبيقه او عندك اقتراح المفروض يبقي في هذا القانون (مع توضيح اسم البلد)

- المطلوب من زوارنا الكرام ارسال هذه الاسئلة لجميع شيوخنا الافاضل ويتفقوا علي راي واحد
لأن المواضيع المكتوبة علي النت مكتوبة باماكن مختلفة وبآراء مختلفة

- او التوقيع بانكم عيزين برده اجابات الاسئلة دي او اضافة اسئلة اخري
حتي نعطيها لمشايخنا ويعرفوا ان دي فعلا اسالة مهمة عيزين نوصل لحلول لها

منقوووووووووووووووووووووووووووووول

اعتقد ان كل حاجة ليه راي وقانون طالما مش كله شبه بعضه
والله اعلم برده