الكبدة الاسكندراني زي سندوتشات التيك اواي

حبيت اقولكم الطريقة اللي بعمل بيها الكبدة الاسكنراني زي مطاعم التيك اواي

الكمية تكفي 3 اشخاص تحضر في 30 دقيقة فقط
المكونات:
4/1 ك كبدة مقطعة طوليا رفيع و منزوعة القشرة( الجلدة اللي بتغطي الكبدة)
بصلة كبيرة و واحدة نصف حجمها مقطعة انصاف حلقات رفيعة
فص توم كبير
3-4 حبات فلفل الخضر بارد مقطعة رفيع طوليا
معلقة صغيرة مستردة
كيس كاتشاب
و 2/1 معلقة صغيرة هوت صوص
حبة طماطم متوسطة مقطعة شرائح رفيعة
معلقة سمن ملح فلفل كمون

الطريقة:
السمن تسخن على النار و اضيف الكبدة المقطعة مع قليل من الملح و الفلفل و رشة بسيطة من الكمون المطحون
بالضبط تقلبتين و صفي الكبدة من السمن في طبق خارجي( تكون الكبدة لونها بقى بني فاتح)
في نفس الطاسةاللي فيها السمن نزلي البصل و يشوح شوية لحد ما يكون شبه شفاف و اضيفي الفلفل الاخضر و قلبيه تاني
شوية كدة لما يطرى الفلفل على النار ارجعي حطي تاني الكبدة معاهم و اضيفي المستردة و الكاتشاب والهوت صوص و اكملي التتبيل بالملح و الفلفل
تضاف الطماطم قرب انتهاء النضج و تقلب تقليبتين قبل التقديم مباشرة
تقدم في ساندوتشات عيش بلدي أو فينو(صمون)

تقدم جنبها سلطة الطحينة

ملاحظات:
بلاش تتعمل و تسيبيها و ان كنت جهزتيها مبكرا عن موعد التقديم قبل النضج و قبل اضافة الطماطم اطفي عليها النار و قبل التقديم على طول يادوب تسخن و تضيفي الطماطم و تقلبتين و قدميها على طول

اذا حسيتي ان السمنة قليلة لما حطيتي البصلة ممكن تزوديها بشوية زيت ذرة

اذا ماكانش متوفر المستردة ممكن بدالهم ملعقتين خل ابيض و ملعقة كبيرة سكر

انا ما بحبش الاكل مشطشط لكن اكيد في ناس بتحبه كدة ممكن تضيف قرن فلفل حامي سواء صحيح او مقطع او تضيف شطة حسب الرغبة

جربوها و قولولي

بس الكبدة الاسكندراني مش يتتعمل بالبصل خالص
وبعدين بتتقطع قطع صغيرة مش كبيرة
وبعدين ولا بيتحط عليها طماطم ولا بيتحط عليها كاتشب
اكيد اللي انت قولتها ديه مش اسكندراني خالص

كل شيخ وليه طريقه يا استاذه منار

اصلهم بيقولو ان انا من اسكندرية وعارفة بتتعمل ازاي
عشان كده بقولك ان ديه مش طريقتها

انا كاتب ان البصل بيتقطع حلقات صغيره وكمان لازم يكون فيها قطع طمام صغيره عشان الطعم
وبعدين لو تلاحظى ان دى تيك اوى يعنى لازم يكون معاها كاتشب

1- اية يا محمود القرف دة
اوالا / مفيش بصل
2/ مفيش طماطم
3/ الطريقة خلط اصلن
4/ الرجالة ملهاش فى الاكل الاكل دة بتاع المرة فقط

1- اية يا محمود القرف دة
اوالا / مفيش بصل
2/ مفيش طماطم
3/ الطريقة خلط اصلن
4/ الرجالة ملهاش فى الاكل الاكل دة بتاع المرة فقط
بذمتك فى انسانه متحضره تكتب الكلام البزيئ ده؟
واحب افكرك ان ااعظم واشهر واحسن شيفات فى العالم رجاله .
ودى طريقتى وانتو حريين بس لو جربتوها هتحسو بلقرف وهتأكلو صوابعكو وراها

ههههههههههههههههههههههههههههههههه
عشان تصدق وبعدين منا كتير بكلها تيك اواي
كاتشب ايه بس يا عم محمود
وبصل ايه
طريقتك ديه حتخليني اكرها

هههههههههههههههههههههههههههه
جربيها بس وانتى مش هتندمى ان شاء الله

1- حرام عليك يا محمود احنا مش هنكلو صوابعنة احنا هنكلو نفسنة دى طريقة تدخل المستشفى على طول ربنا يكون ف عون الى هيجرب اقرف دة[/url][/b]

لالالالالالالالالالالالالالالا
مجربش انا مش مستغنية عن معدتي وحياتك
بصل وكاتشب وطماطم
لالالالالالالالالالالالالالالالالالالالالا

هههههههههههههه
انتو الخسرانين
وحياتكم عندى مانا قايلكو على طرق اكل تانى
انتو الخسرانين