على كرسى الاعتراف lolla الان

بطاقتك الشخصية اولا
اسمى علياء
واول الشهر اللى جاى يكون عندى 22 سنه
ومن القاهره

علاقتى بالحب: انا مخطوبه لشخص عن حب الحمد الله ويمثلى الدنيا كلها
افضل لحظات حياتى: وانا بصلى اولا وثانيا وانا مع خطيبى
اسوا لحظات حياتى: فراق حد عزيز عليا
حلمى: اكتر حاجه بتمناها انى احج ولما اتزوج اخليه اسعد انسان فى الدنيا
امتى مش بسامح:انا اى حد بيعمل فيا اى حاجه بزعل اه بس مجرد ان الكلام ينتهى ما بنا بفكر كويس وبسامحه الا بئا لو ظلمنى وقال كلام محصلش ده اللى عمره ما اسمحه ابدا
امتى احس انى ضعيفه:لما حد بيزعقلى
امتى تحسى انك اقوى : لما بتظلم و عارفه انى مظلومه فشخصيتى بتقوى ساعتها على اللى ظلمنى
امتى تسمحى لدموعك انها تنزل : انا دمعتى قريبه جدا جدا جدا
امتى بحس بالعجز : لما اكيد حاجه بتحصل ومش قدره اغيرها زى القدر
موقف حسيت انى مظلومه قوى: فى واحد قال عليا كلام وحش جدا ومحصلش
3 اعضاء ولاد: اولا كور وميدو وطه
و 3 بنات: لورنا علشان دى حببتى وصحبتى وسندريلا وهمسه وكلاسيك موديل

اولا مرسي ليكى لولا
ثانيا بجد مبسوطة انى اتعرفت عليكى وعلي موضوعاتك في المنتدى
واسئلتى ان شاء الله تكون خفيفة وحلوة ويا رب تعجبك
نبتدى
1- كنتى في كلية اية؟
2- اكتر اكلة بتحبيها وبتعرفي تعمليها ؟
3- ترتيبك كام في اخواتك وعندك اخوات قد اية ؟
4- يا ترى بتحكى لممتك كل حاجة عنك ولا لاء ؟ او ممتك متقربة منك لدرجة انك تقوليلها
5- اية البلد الي كنتى تتمنى تعيشي فيها ؟
6- بتحبي تصاحبي وتكونى اجتماعية وتتعرفي ع الناس ولا لاء؟
7- هل ساعات بتحسي نفسك انك عصبية او حد قالك قبل كدة انك عصبية؟
8- اكتر مغنى او مغنية بتحبي تسمعيلهم ؟
9- هل مداومة علي قراءة القران ام مقصرة شوية؟
10- اكتر فترة دراسة بتحبيها ؟
11- اكتر لون بتحبيه وبتحبي تلبسية؟

لولااااااااااااااااااااااا
مبسوطة جدا انك علي كرسي الاعتراف كان نفسي من زمان بصراحة
المهم ندخل في الاسئلة

ايه اليوم اللي دايما حتفضلي فاكراه ومش حتنسيه ابداااااااااااا؟؟؟؟؟؟؟
بتعملي ايه لما بتكوني مضايقة؟؟؟؟؟؟؟؟
اقرب حد ليكي ؟؟؟؟؟؟؟؟؟؟؟؟
ايه الاغنية اللي لما بتسمعيها بتفكرك بيوم خطوبيتك؟؟؟؟؟؟؟؟؟؟
ايه الاغنية اللي ممكن تضايقك لما بتسمعيها؟؟؟؟؟؟؟؟


هما دول مؤقتا لاني لسه مش فايقة رجعاللك تاني

ميرسى قوى يا جماعه ليكم وانا فعلا مبسوطه انى معاكم

انا كنت فى معهد خدمه اجتماعيه 4 سنين فى القاهره

اكتر اكله بحبها المحشى والمكرونه بالبشاميل

ترتيبى التانى عندى اخين واحد اكبر منى والتانى اصغر

يا ترى بتحكى لممتك كل حاجة عنك ولا لاء : لاء مش كل حاجه لانها معودتنيش على كده

البلد اللى كنت اتمنى اعيش فيها: دبى بس لفتره مش على طول

بتحبي تصاحبي وتكونى اجتماعية وتتعرفي ع الناس ولا لاء؟: اه طبعا بس مشكلتى مش بعرف يعنى لو انا مع ناس معرفهمش متكلمش معاهم معرفش اتعرف على الناس منى لنفسى

هل ساعات بتحسي نفسك انك عصبية او حد قالك قبل كدة انك عصبية؟: انا فعلا عصبيه جدا وانا عرفه ده من قبل ما اى حد يقلهولى

اكتر مغنى او مغنية بتحبي تسمعيلهم: بحب اصاله ومغنى خالد سليم صوتهم قوى جدا

هل مداومة علي قراءة القران ام مقصرة شوية؟: لاء مش مداومه يعنى كل فتره

اكتر فترة دراسة بتحبيها: ثانوى ونفسى ترجع تانى

اكتر لون بتحبيه وبتحبي تلبسية؟: بحب اللون الاسود بس بحب البس كل الالوان بس مش بعرف البس اللون الاحمر

فرحانه يا سندريلا ماشى هههههههههههههههه

ايه اليوم اللي دايما حتفضلي فاكراه ومش حتنسيه ابداااااااااااا؟؟:: طبعا اول يوم شفت فيه خطيبى

بتعملي ايه لما بتكوني مضايقة؟؟؟: بحب ابقا لوحدى وبعيط جامد قوى

اقرب حد ليكي ؟؟:: اولا ربنا وبعدين اهلى وبعدين خطيبى وبعدين اصحابى( دا بالترتيب)

ايه الاغنية اللي لما بتسمعيها بتفكرك بيوم خطوبيتك؟؟؟: اجمل نساء الدنيا لصابر الرباعى

ايه الاغنية اللي ممكن تضايقك لما بتسمعيها؟؟؟كل الاغانى اللى فيها فراق

ومستنياكى لما تفوقى

كيفك لولااا

دى اسئلة بسيطة
1- بتحبي السفر؟
2- لو حصل وقابلتى اى ممثل او مغنى في الشارع ماذا تفعلي ؟؟؟؟
3- بتحبي تتفرجى ع الافلام الاجنبي ولا العربي اكتر؟
4- هل ممكن تشتغلي بعد زواجك ان شاء الله ولا لاء ؟
5- اية اهتماماتك في الحياه؟
كفاية كدة

بتحبي السفر: اه قوى يعنى لو حد قالى تخرجى وتتفسحى لاء انا من النوع بحب البيت بيتوتيه زى ما بيقولو بس السفر طبعا حاجه تانيه ومش بحس بى اى تعب اذا كان مصيف يعنى بس لو سفر فى اى بلد تانيه اكيد بردومش هحس بتعب


لو حصل وقابلتى اى ممثل او مغنى في الشارع ماذا تفعلي: عادى مش بعمل حاجه حصلت معايا كذا مره ومش بحب ابينله اى اهتمام

بتحبي تتفرجى ع الافلام الاجنبي ولا العربي اكتر: بحب الاجنبى قوى بحب الرعب جدا والرومانسى

هل ممكن تشتغلي بعد زواجك ان شاء الله ولا لاء: والله حسب الظروف بس انا مش حابه انا افضل اهتم بالبيت اكتر

اية اهتماماتك في الحياه؟: يعنى لوقتى طبعا كل اهتمامى كله متركز على توضيب الشقه وتجهيزات الزواج

ايه هى حكمتك فى الحياه: مفيش


لمن تشكى همومك: لخطيبى حتى لو كان هو اللى مزعلنى برتاح لما بشكيله حتى لو منه

اين نجد اسرارك: فى اسرار مش بقولها لحد خالص بحتفظ بيها لنفسى

انميه تمنتيها ولما تتحقق: انى احج بس ان شاء الله هسعى لتحقيقها

امنيه تمنتيها واتحققت: انى اتخطب للانسان اللى بحبه

انا تاني يا لولا :D :D :D


اكير حلم بتحلميه؟؟؟؟؟؟؟؟؟؟؟؟؟؟؟
ايه الصفة اللي مش بتحبيها في نفسك؟؟؟؟؟؟؟؟؟؟؟؟؟
مين الشخص اللي عمرك ما تنسيه؟؟؟؟؟؟؟؟؟؟؟؟؟؟
بتحبي تسمعي مين في تلاوة القران؟؟؟؟؟؟؟؟؟؟
قولي رايك في الاعضاء اللي ذكرتي اسمائهم قبل كده

البنات
انا
لورنا
همسة
كلاسيك موديل


الشباب
ميدو
كوور
طه

ايه الموضوع الاكتر لفت نظرك؟؟؟؟؟؟؟؟؟؟؟؟؟
اه والقسم كمان اللي بتحبيه؟؟؟؟؟؟؟؟؟؟؟

كفاية كده مؤقتا

نورتى يا سندريلا وعايزه اشوف اسئلتك ثالث ورابع وخامس على قد ما تقدرى

اكير حلم بتحلميه؟: ان يكون ربنا راضى عليا

ايه الصفة اللي مش بتحبيها في نفسك؟: العصبيه لانى بتوصل بيا بكسر حاجات واوقات بكتشف انى كمان بس بعد ما اهدى ان وشى متقطع ودا اكيد من عصبيتى

مين الشخص اللي عمرك ما تنسيه؟ اكيد اسرتى

بتحبي تسمعي مين في تلاوة القران؟ الشيخ محمد محمود الطبلاوى والشيخ عبد الباسط عبد الصمد


قولي رايك في الاعضاء اللي ذكرتي اسمائهم قبل كده

انتى يا سندريلا : عسوله قوى ومن اسوبك حسيت ان دمك خفيف وبقيتى قريبه من قلبى

لورنا: دى صاحبتى وبحبها قوى وهى كمان محترمه جدا

همسه :رقيقه ومحترمه

كلاسيك موديل :حسه انه شقيه و لذيده

والاولاد

كلهم محترمين ويعرفو ربنا وحسه انهم كلهم اخواتى

ايه الموضوع الاكتر لفت نظرك؟ موسوعه الالف سؤال فى الئقافه الاسلاميه , الموضوع ده اكثر من رائع وافضل المواضيع

اه والقسم كمان اللي بتحبيه؟: قسم المرأه والقصص والحكايات بجد بستفاد منها

ومنتظراكى تانى سيندريلا

ايه يا لورنا ده انتى جيبالى الغاز ماشى

_ تعملى ايه لو ركبتى مع سواق تاكسى ومكفأه ليكى علشان ركبتى معاه قالك انه حيرجعك مكان ما خدك ببلاش علما بأن ممنوع النزووول قبل المكان اللى ركبتى منه
الاول هتخانق معاه وبعدين لو لقيت مفيش فايده هصبر لغايه ما انزل وادور على تاكس تانى

تعملى ايه لو صحيتى الصبح من النوم وبصيتى فى المرايه لقيتى نفسك مش فيهااااااااا
اكيد هتخض وهبئا فى حاله زهول واكيد هجرى بعيد اشوف فى مرايه تانيه

تعملى ايه لو بصيتى حواليكى لاقيتى كل الناس اكتر شخص بتكرهيه
هصحى من النوم علشان ده هيبئا كابوس

_تعملى ايه لو اكتشفتى فى يوم بعد سنه خطوبه مخطوبه لحد تانى مش تعرفيه
اده دى حاجه صعبه قوى بس اكيد هفسخ الخطوبه وادور على اللى كنت فكراه خطيبى اشوفه راح فين وسابنى ههههههههه

_ تعملى ايه لو جيتى تفتحى الكمبيوتر فرد قالك لو سمحتى متمديش ايدك على

هخاف وابعد عنه احسن يكون فى حاجه تخضنى زى المقالب اللى بيعملوها فينا دى

تعملى ايه لو سافرتى بلد وملقتيش فيها حد غيرك ( فاضيه يعنى )
ياااااااه دا يكون احسن حاجه وهبئا مرتاحه جدا يا ريت تحصل

تعملى ايه لو سافرتى بلد عربى واكتشفتى انهم بيتكلموا هندى
هتكلم بى الاشاره وتانى يوم هرجع بلدى مش ناقصه اصلها

تعملى ايه لو اشتغلتى مدرسه فى مدرسه والمدرسه دى بتدى درجات اعمال السنه على عدد العضات اللى بتعضيها للعيااال
لاء دا كده حرام بجد مش هقدر اعمل كده بس ممكن نضحك عليهم ونعضهم كده وكده براحه يعنى او امشى من المدرسه دى خالص و اروح لوزير التعليم وابلغه بالموضوع

هههههههههههههههههههههههههه
حلوة اوي الاسئلة ديه
ومتقليش يا لولا حتلاقيني كتييييييييييير
وميييييييييييييرسي كتير علي الكلام اللي قولتيه عليا
وبجد انا كمان بموت فيكي والله كده من غير سبب وخصوصا كمان اني بحب اسمك اووووووووووي
ا

حكمتك بالحياة؟
*ماهي الالوان المفضلة لديك؟
*اسوأ شيء حدث لكي لا تريدي تكراره؟
*فرحة لن تنسيها؟
*هل حققت كل احلامك؟ تقدري تقولي ماهي؟
*ماهي رؤيتك لرفيق العمر؟ وما مواصفاته؟
*كلمة شكر لمن تهديها؟
*كلمة عتاب لمن تهديها؟
*جملة تقوليها ويسمعك العالم باكمله؟ ماهي؟
خبر سعيد سمعتيه هالسنه ؟ وخبر محزن ؟؟

بيت شعر مقرب منكٍ جدا ؟

اخر مدينة او دولة زرتيها ؟

اللون المفضل لديك ؟

افلامك المفضلة ؟

مطربك المفضل ؟

اغنية تحبينها ؟

شاعرك المفضل؟


جائزة أحسن أخلاق لمن تعطيها ؟

جائزة أحسن أسلوب فكاهى ؟

جائزة أفضل عضو على الإطلاق ؟

العضو الذى تحسين أنه غامض؟

جائزة العضو النشيط؟

العضو الذى تقول له (لا حرمنا الله منك)

عضو مرح ؟

عضو ذووووق.؟

عضو روومنسي؟

عضو شعبيته كبيره ومحبوب عند غالب الاعضاء؟

عضو توإإم روحك بالمنتدى ؟