همسة منورة معانا على كرسى الاعتراف

ايه رائيك فى نفسك يا همسه وليه اختارتى اسم همسه وانتى مش اسمك همسه يا همسه ؟

بسم الله الرحمن الرحيم
مرسي ع الكلام الجميل دا ربنا يخليك

اسمى: فري
تاريخ الميلاد:30 - 12 -88
المكان: دمياط
نوع الدراسة: كلية التربية قسم تاريخ في سنة 4
مميزاتى: هو انا بحب اساعد الناس واجتماعية اوى بحب اصاحب كتير ممكن يكون دمى خفيف بحب اهزر جدا وبدى كل حاجة قيمتها الفعلية وطيبة وهى دى الي موديانى في داهية واكتر حاجة بحبها انك تلاقي نفسك محبوب من اصحابك وناس كتير ولما بغيب بيحسوا بفرق وكريمة وان ليا طريقتين في كلامى ورومانسية بحب الاغانى الهادية
عيوبي : انى مش من السهل انى اقتنع بسرعة وممكن اكون متسرعة شوية وبيقولوا ان صوتى عالي لما بكلم وباخد كل حاجة علي اعصابي ونفسي
اهلاوية
الهواية: بحب التمثيل وبحب انى اقلد واسمع اغانى واخرج مع اصحابي
علاقتى بالحب وبيمثلي اية : مفيش لانى موصلتش لسة لدرجة الحب
افضل لحظات حياتى : لما بكون مع اصحابي
اسوأ لحظات حياتى : لما اخواتى اجوزوا ولما تعرف ان حد بيحبك وانت مش بتحبوا
حلمى : بحلم انى اسافر السعودية عشان ازور الكعبة وقبر الرسول وكل حتة فيها وانى ارتبط بانسان كويس محترم
طموحاتى: انى ابقي حاجة كبيرة في المجتمع ويبقي ليا مكانة
ايه اكثر الاشياء التى ترغبى فى فعلها والاشياء التى لا ترغبى فى فعلها
اكتر شيء بحبوا انى اخرج مع اصحابي وانى اشتري هدوم
اكتر شيء لا ترغبي في فعلها : لما حد يقولي اعملي حاجة ويكرر الكلام عليا فمش بعملها
شعورى وانا علي كرسي الاعتراف: عادى مبسوطة

ايه رائيك فى نفسك يا همسه وليه اختارتى اسم همسه وانتى مش اسمك همسه يا همسه ؟
راي في نفسي : الحمد لله راضية عن نفسي وبحمد ربنا علي كدة وشيفة بردوا انى الحمد لله كويسة واحسن من ناس كتير بس مش تكبر والله او غرور منى
و المفروض ان الناس هى الي تقول كمان رايها فيا وكمان مفيش حد قال عليا حاجة وحشة فيا ودى حاجة تفرح وكمان الثقة بالنفس
اخترت اسم همسة عشان بحب الاسم دا
بس

1 - ما هى موصفات فتى احلامك

2- ما لونك المفضل ؟

3- ايه الرسمه لى ديما بتحبى ترسميها ؟؟

4- ايه رئيك فى المنتدى ؟

5- ما احولك مع الله من صلاه وطاعه ؟؟

6- ما ترتيبك بين اخوتك ؟ ومن اقربهم اليكى ؟

7- ما رئيك فى زواج الاقارب ؟؟

8- من هى افضل اصدقائك ؟

9- هل تعيشين قصه حب او اعجاب باحد ؟؟

10-مارئيك فى حب الجامعات والشات ؟

يتبع يتبع يتبع ........................يتبع يتبع يتبع

امتى مش تسامحى
لو حد غلط فيا او في اهلي بس برجع اقول حرام دا ربنا بيسامح خلاص بسامح
امتى تحسى انك ضعيفة
قدام بابا بس يمكن مش ضعف بس احترام
وامتى برضوه تحسى انك اقوى من اى حاجة
في كل حاجة لما بحط في دماغي حاجة انها مثلا تتعمل
امتى تسمحى لدموعك انها تنزل
لما حد يموت و لما بسمع سيرة الموت او لما بشوف جنازة بحس انى بتعب
امتى تحسى بالعجز
مش عارفة
موقف حسيتى انك مظلومة فيه اوى
مرة كنت اتهزءت بسبب وحدة صحبتى وانا محبش حد غريب يهزءنى وهى متهزءتش بس كنت بتنطط ان يحصلي كدة وتعبت جدا بعدها
فى رائيك 3 اعضاء ولاد و3 اعضاء بنات فى المنتدى شايفة ان مواضيعهم عجباكى
سندريلا بحب موضيعها وكلاسيك موديل وطه وميدو وخاصة الشعر الي بيحطوا حلو ورشدى وبس مش عارفة ناس كمان
ايه اللى شايفة مش كويس فى المنتدى ونفسك يتغير
مش عارفة بس هو كل الاقسام حلوة بالعكس انا عيزة يبقي في اقسام كمان في المنتدى
ايه اكتر مواضيع واكتر اقسام بتحبى تدخليها فى المنتدى
بحب السؤال والجواب لمن يجروء وكمان الموضيع العامة وقسم المرأة حلو بحب ادخلوا وقسم الاسلامى وكمان كرسي الاعتراف والحب دول اكتر حاجة بحبهم والباقي بردوا حلو
اكتر موضوع شدك تقرائيها جامد جدا ولمين

موسوعة الالف سؤال لسندريلا

ميرسي كتير يا همسة بجد
وانتي منورة كرسي الاعتراف
انا قريت كل اجباتك
اسئلتي معلش جت متاخر
تم حذف الاسئله من قبل الاداره

وارجوا اذا كنتى تذكرى اسماء الاعضاء الحقيقه فيجب عليكى ذكر اسمك انتى كمان ايضا الحقيقى

ايه دا
وين الاسئلة
منتوا عارفين الاسم

حلوة الصورة دى فيها شبه منى وانا صغيرة والشعر كمان

انت حذفت اسئلة منار ليه يا رشدى

السبب مذكور فوق والكلام لمنار مش ليكى يا فرى 8)

اللون المفضل لديك ؟

افلامك المفضلة ؟

مطربك المفضل ؟

اغنية تحبينها ؟

شاعرك المفضل؟


جائزة أحسن أخلاق لمن تعطيها ؟

جائزة أحسن أسلوب فكاهى ؟

جائزة أفضل عضو على الإطلاق ؟

العضو الذى تحسين أنه غامض؟

جائزة العضو النشيط؟

koor بس دى مش فيها حاجة مش منار مش اول عضوة او عضو يقول اسم عضو او عضوة الحقيقين انا شايفها ان هو عادى مش فيها حاجة يابنى فيها ايه طيب فهمنى بعد اذنك

انا مش فاهمة حاجة خااااااااااااااااااااااااااالص
ياريت يا استاذ كور تفهمني
وتقريبا الخلاف علي الاسماء
طب ما كتير من الاعضاء بيقولو اساميهم اشمعنة جت عليا انا
وميدو قايل اسمي فوق
وبعدين معتقدش اني لما بكون انا اللي بسال حقول اسم منار
انا حقوله ازاي يعني
ياريت عايزة افهم اكتر عشان اذا كنت غلطانة ولا ايه بالظبط
وفين الغلط بالظبط

وبعدين لو الاعضاء اللي انا ذكرت اسمهم اعتقد ان همسة قالت اسمهم من قبلي
لما ميدو سالها علي الاعضاء اللي مواضيعهم عجباها
ولو كان اسامي الاعضاء غلط كنت ممكن تحذف السؤال نفسه مش الاسئلة كلها

والنبي يا ميدو ربنا يخليك تشيل الصورة الي انت حاطيتها دى ولا انت شايف انها حلوة

اللون المفضل ?
البستاج

افلامك المفضلة ؟
افلام سعاد حسنى كلها واسماعيل يس
وعادل امام بعض افلاموا

مطربك المفضل ؟
تامر حسنى طبعاااااااااا

اغنية تحبينها ؟
كل شيء راح بتاعت تامر عاشور

شاعرك المفضل؟
مفيش واحد معين

جائزة أحسن أخلاق لمن تعطيها ؟
لصديقتى اختى وانتمتى

جائزة أحسن أسلوب فكاهى ؟
انت اية الاسئلة دى غريبة بس هقولك ممكن اقول انا وكمان اصحابي في الكلية


جائزة أفضل عضو على الإطلاق ؟
اقول اممممممممم كور

العضو الذى تحسين أنه غامض؟
كوووووووووووووووووووور

جائزة العضو النشيط؟
كوور
يريت بس الرد يعجبكوا

كل انسان وله أمنيات وأمال .. يا ريت تخبرنا عن الحلم اللي يراودك
انا قلتوا قبل كدة انى اروح السعودية ازور الكعبة وارتبط بانسان محترم

الأمنية اللي تتمناها ... ؟
بصراحة انى اجيب تقدير حلو افرح بيه اهلي

قلبك أم عقلك ؟؟؟؟؟؟؟؟
عقلي بس ساعات بلاقي قلبي اكتر بس هو اصلا السؤال اية؟؟؟؟؟

هل ندمت فحياتك على شي معيّــن ؟؟؟
يعنى
مالفـرق بين الحب والصداقة ؟ وهل يمكن ان يسلكا طرق الغيرة 00؟
الحب هو اجمل شيء في الدنيا وهو اساس قيام البيوت وعمارها ولو في حب بجد بين الناس مش هيكون في مشاكل ولا خلاف
الصداقة شيء جميل جدا انا مش هتخيل حياتى من غير اصحابي
اة ممكن

ما رأيك بهذه الكلمات ..
الخيانة ..
كلمة صعبة جدا
الرجل
يوووووووووووووووووووووه هو عمود البيت هههههههههههه
لازم وجودة طبعا وهو الي ماكلنا وملبسنا وكل حاجة هههههههههههه
الصداقة ..
جميلة جدا والاجمل لما تلاقي معاك اصحاب بيحبوك ومعاك في كل حاجة وحشة او حلوة
النميمة ..
اعوذ بالله منها
النفاق ..
كلمة وحشة اوى والي بينافق يبقي مش كويس

- هدفك في الحياه ؟؟
انى ابقي حاجة كبيرة وكويسة وليا مكانة
- حلم نفسك يتحقق ؟؟
قلتوا فوق في اول سؤال
- حلم لكن مستحيل انه يتحقق ؟؟
انى اسافر السعودية هو مستحيل دلوقتى لكن ان شاء الله هيتحقق
احسن سنه كانت بالنسبه لك ايه و ليه ؟؟؟

سنة 4 كلية عشان مع اصحابي وجبت تقدير حلو
رايك في شباب الايام دى ؟
هو في الكويس بس بقي قليل وفي الوحش ربنا يهديهم

في وقت الضيقة والزعل أول شخص تدورين عليه مين؟
انتمتى وبحب اعد مع نفسي بردوا

إنسان يجيب لك الإكتئاب ؟
مفيش

أكثر شي يفرحك ؟
لما بصلي مش بسيب فرض ولما وحدة صحبتى تتخطب بفرح جدا

أكثر شخص في المنتدى نفسك تقابلينه؟
امممممممممم والله نفسي اتعرف عليكوا كلكوا بس اشوف صاحب المنتدى في المستقبل بقي ان شاء الله

قولى لنا رائيك فى الناس دول بقه علشان منار كانت سئلتك السؤال بس مش عارف اتمسح الاسئلة بتاعتها ليه

اولا كانت منار اللى هى سندريلا
حاسة انها كويسة وعسولة وبترد علي موضوعاتى

انا ميدو

رومانسي شوية بيحب الشعر المهم حاسة انوا انسان محترم وممكن بيحب الهزار
koor
اةةةةةة في الحقيقة هو انسان محترم وتفكيرة ومخوا كبير بيعجبنى وصاحب المنتدى الحلو دا وكمان اقول انوا غامض شوية مش سهل تفهموا


طه
حاسة انوا شخصية جدعة وكويسة ولية راي بيرد ع كلامى وبيقولي رايوا فيها
كلاسيك موديل

حاسة ان هى جد وعقلة وشخصية غريبة
وعموما انا معرفهاش اوى يعنى عشان مش تزعل من كلامى

هل يوجد فتاه ممكن ان تضحى بكل شئ من اجل حبها ؟؟
دلوقتى بصراحة لاء نادر لما تلاقي واحدة ممكن تعمل اى حاجة عشان حبها والي بتحبوا


2/ هل تستطيع ان تنسى الفتاه حبها الاول ؟؟
لاااء مش بتنسي


3/ وهل في تصورك يمكن للشاب ان ينسى حبه الاول ؟؟
اة الشباب بينسوا وبيحبوا تانى وبيجوزوا لان الشاب قلبوا عامل زة الاوتيل
4/ وهل اذا تم نساينه او محاولة نساينه ذلك يعني انه لم يكن يحبه ؟؟
لاء مش كدة بس هو بينشغل مع حد تانى هيحاول يخلية يحبة باى طريقة وينسية الماضي وحبوا القديم وبصراحة وجود نعمة كبيرة عندنا وهى نعمة النسيان بس مش معنى كدة انوا مكنش بيحبوا لاء طبعا


5/ تكرر الصدمة من نفس النوع تفقد الثقة ما رائك في ذلك ؟؟
اتكررت الصمة تانى بص هو الانسان ميفقدش الثقة بالله ولا بنفسة ويخلي في امل ويتاكد ان في حاجة اسمها نصيب وربنا عاينهولوا بس

6/ ماهي الشخصية التي نحبها الفتاه (اعني شخصية الرجل طبعا) ؟؟
عموما عن نفسي انا بحب تكون شخصيتوا قوية وليه راي ومحدش يتحكم في رأيوا حتى من اهلوا ويكون راجل بمعنى الكلمة في كل حاجة وكل موقف يظهر فيه ويكون محترم بس دا رأى انا
7/ هل ممكن تتزوجي راجل اصغر منك بكام شهر او سنة ؟؟
لاء يفضل يكون اكبر منى ب 4 او 5 سنين
8/ هل تؤمني بحب الجامعة ؟؟
لاء لان ساعات معظموا مش بيكمل او ممكن يكون مستواه مش هيساعدوا انوا يرتبط بيها بعد التخرج وبيحصل مشاكل بقي او يكتشفوا بعد كدة عدم توافق بينهم
مش عارفة دا راي بس يمكن عشان متحطيتش في الموقف دا فمش عارفة بصراحة
9/ هل نحن نبحث عن الحب ام الحب هو الذي ياتي الينا ؟؟

الانسان يبحث عن الحب لانك مش تقدر تعيش من غير حب واكيد يبحث عنه في اى مكان دى طبيعة الانسان
10/ ما رايك في المقولة ان الانسان لايستطيع ان يحب حب حقيقي الا مرة واحدة ؟؟
لانها اول مرة بس هيحب تانى وهيستطيع انوا يحب تانى وبمعاشرة الانسانة الي معاه
11/ البيت السعيد يكون مسئولية من اكثر المراة ام الرجل ؟؟
هو المرأة في ايدها تكبر البيت او تهدمه فهى الي تقدر بكلمة منها تخليه جنة او ممكن تهدموا بردوا
12/ هل المال يجلب السعادة ؟؟
لاء لان المال مش كل حاجة ممكن يكون معاه فلوس كتير بس مفيش سعادة والسعادة بالذات عمرها متيجى بفلوس
13/ هل تتمني الزواج التقليدي ام الزواج عن طريق الحب ؟؟
عن طريق حب
14/ هل مررتي بفترة كنتي فيها حزينة جدا وماذا فعلتي لتخرجي من هذه الحالة ؟؟
يعنى روحت اعدت في راس البر فترة في الصيف
15/ ما هي اولياتك البيت ام العمل (اعني بعد الزواج طبعا) ؟؟
لو اشتغلت ان شاء الله بعد زواجى هيكون اهتمامى بالبيت اكتر من العمل
لسة في اسئلة ؟؟؟؟كدة عرفتوا كل حاجة عنى

كفاية اسئلة يا ميدو
معنى الحب فى صفحات قلبك ؟
هو اجمل شيء في الحياه وهو اساس قيامها وانا لما بحب ببقي عيزة اعمل حاجات كتيرة ودا مع اصحابي والحب مش بيخلي في امتلاك للعقل بس لكن لسة مفيش انى احب بجد
عندما تمتلكى قلم لكى تكتبى احساسك فى لحظة يأس او لحظة سعادة ما يسطر حبر قلمك ؟
بص في لحظة يأس او حتى مديقة بكتب كل حاجة حصلت تدايق وبعيط
في لحظة سعادة برسم بس ساعات
كلمات يمكنها ان تمطر دموع عينك ما هى ؟
كلمات اية بس الاسئلة دى
كلمة موت او حد يموت وكمان فراق وخصوصا لو بيحبوا بعض او فيلم وانتهى بفراق او موت حد منهم
حدث رانه عينيك وابكيت منه ؟
موت تيتة قدام عينى فعيط كتير مش هقدر انساه ولا انساها
جرح لا يمكن نسيانه ؟
مش عارفة بس محدش وصل لجرحى يعنى
حظك ترى انه ماشى معاكى ام لا ؟
لاء مش ماشي
هل تؤمنى بالابراج ؟
لاء بس ساعات بقرأ برجى
ما علاقتك بالليل ام لا يوجد علاقة بينك وبين الليل ؟
بحب الليل انى اسهر مع نفسي وكلهم نايمين وبحب ابص له وابص للسما
تخيلى نفسك امام البحر يمكنك قفل عيناكى وتهربى بخيالك فى هدوء وظلام الليل امام البجر ماذا يمكنك ان تتخيلى ؟
بحب البحر جدا وبليل اعد قداموا وبتخيل قداموا حاجات كتيرة وخاصة لما بحط السماعات واعد قداموا بحس انى بنسي الدنيا والي فيها وقرفها وكل الناس وووسعات بلعب قدام البحر بليل مع اصحابي في الصيف بس
انا قلت كل حاجة عن البحر
نوع الاغنية المسموعة المفضلة ؟
كل شيء راح تامر عاشور جامدة
وتبعد تانى لمحمد كيلانى حلوة
ومرسي ع اسئلتك

اكتر اكلة بتحبيها؟؟
البط
2/ لو خيروكى بين الحب والصداقة تختارى ايه ؟؟
هو اختيار صعب اووى
بس الحب
3/ ما هو السن التي تتمنى الا تكبري عنه ..
سن الكلية
4/هل يوجد لديك اسرار لا يعرفها احد غيرك ؟؟
لاء كل حاجة مع انتمتى
5/ هل يمكن ان تحبي شخص لسه خارج من قصة حب فاشلة ؟؟//
ممكن وهحاول انسيه كمان الي حصل
6/ هل يمكن ان تدخلى في قصة حب جديدة وانتي ياداب خاجة من قصة حب فاشلة (لاقدر الله
طبعا انوتكون في حياتك قصة حب فاشلة) ؟؟
لاء مش بسرعة كدة اكيد هعد فترة عقبال محاول انسي
7/ ما هو النجاح بالنسبة اليكي ؟؟
نجاحى في دراستى الحمد لله وبردوا في البيت
8/ ما هو الفشل بالنسبة اليكي ؟؟
لما ببقي عيزة اعمل حاجة ومش بتتعمل بحس انى فشلت
9/ هل احببتي في الطفولة ؟؟
لااااااااااااء انا كنت طفلة انا عارفة حاجة عن الحب اصلا وانا صغيرة
10/ هل تحبي اسم فري ؟؟
اة بحبوا بحس انوا خفيف عن اسمى وكل اصحابي بيقولولي كدة وفي دلع تانى من العيلة بلاش
11/ هل ما زالت الحياة جميلة بكل ما فيها من متاعب ؟؟
انا كنت اخده ان الحياه حلوة اوى من وانا في ثانوى لحد تانية كلية بس بعد كدة اكتشفت انها ولا حاجة ولا تستاهل وفيها متاعب وقرف

12/ هل تحبي افلام الرعب ؟؟
اة بحبهم والي بيشجعنى اخواتى لما بتفرج معاهم
13/ ما رائك في الفنانين والفنانات الاتية ذكرهم :
أ) تامر عاشور : اغنية جامدة وبتاثر اوى وحزينة بس حلوة
ب) هاني شاكر : بحس انوا محترم واغنية كويسة
ج) اصالة : صوتها تحفة بس بحس انها مغرورة
د) نانسي عجرم : حلوة واغنيها جميلة اوى وبتنفع
ه) هيفاء وهبي : يعنى مش بحبها اوى بس فستينها حلوووووووة اوى
و) باسكال مشعلاني: كويسة
ي) كاظم الساهر: اغنية حلوة مش من السهل تفهمها
وبعدين فين تامر حسنى حبيب قلبي مش تكتبوا يا طه