No LoVe المدير العام
عدد الرسائل : 9021 العمر : 39 الموقع : cairo العمل/الترفيه : المحاماه المزاج : الحمد لله ربنا يثبتنا رساله : الاوسمه : do3a2 : عرفت المنتدى ازاى؟ : لا اله الا الله : المزاج : احترامك لقوانين المنتدى : نقاط : 12707 السٌّمعَة : 77 تاريخ التسجيل : 23/09/2007
| موضوع: 60 جمله لا تقال الا في البيوت المصريه الثلاثاء فبراير 17, 2009 6:11 am | |
|
على مدى سنوات الطفولة والمراهقة يقطع الابن منزل أسرته وهو يستمع للنصائح والتوبيخ نفسه ، بأساليب وجمل ثابته لا تتغير ...
فأصبحنا بمرور الوقت نحفظها جيداونتوقعها ...
" واهالينا يقولوها واحنا نكمل لهم "
هذه المقولات (التى لا نسمعها إلا فى البيت المصرى ) تعمق المحبة فى قلوبنا تجاه أهالينا ، وتجعلنا نكتشف كم الهيستريا والقلق والمسئولية التى عاناها أهالينا... فى سبيل ان تقف وأنت كبير وسط الناس فخورا برأيهم فيك ... وهم يقولون
" شكله ابن ناس ومتربى "
كفاية مقدمات بقى وادخلكم فى الجمل على طووووول
1- مالكش دعوة بالسياسة .. وماتمشيش فى مظاهرات : وقد نجحت الأمهات فى هذه الجزئية نجاحا ساحقا ... وده بيظهر عندما ترى أكبر مظاهرة فى البلد لا تتجاوز 500 شخص أو أقل .
2- مش عاوزه أسمع صوت : هذه الجملة تدريب هام جدا للتعود منذ الصغر على تقبل القمع والديكتاتورية اللذين ستواجههما طوال حياتك .
3- ماتردش عليا : دى نصيحة لو التزمت بيها ستكسب مديرك فى العمل .
4- تقعد فى أول صف قدام السبورة : جملة تعودك على أن تكون فى المقدمة دوما .
5- لو مش فاهم حاجة .. ارفع إيدك وقول للأستاذ مش فاهم ...ماتتكسفش (فاكرين المدرسين زى اللى كانوا على أيامهم زمان )
6- اللى بيشيل قربة مخرومة بتخر عليه لوحده .
7- ومالها الكتب بتاعت الوزارة .
8- بص كويس وإنت بتعدى الشارع .
9- ماتتأخرش بعد المدرسة وتقعد تصيع مع أصحابك : دى نصيحة ستحقق لك قدرا من السعادة الزوجية (باعتبار إنك من الشغل للبيت )
10- افرد ظهرك .
11- مافيش مذاكرة على المزيكا ... أو .. بتذاكر إزاى والبتاع ده شغال جنبك .
12- ما تمشيش حافى فى السقعة دى .
13- صليت العصر ..؟! ( إشمعنى العصر ....!!!!!)
14- ربنا يهديك ... ربــنــا يــهــديــك ... أو ... إنك لا تهدى من أحببت .
15- إطفى التليفزيون وقوم ذاكر ... أو ... إطفى التليفزيون وقوم خش أوضتك .
16- إوعى تقول لحد هات لى حاجة .
17- إقفل صدرك .
18- بلاش وقفة فى الشبابيك والبلكونات .
19- كل على مهلك .. وأمضغ كويس .. وماتاكلش وإنت واقف وكل من قدمك متحفش .
20- المسلسل مش هاينفعك ... قوم .
21- كفاية رغى فى التليفون .
22- ماتقعدش قدام المروحة وإنت مستحمى .
23- وإنت فاكر إحنا مستنيين منك حاجة ؟!
24- ماتعليش صوتك .
25- بلاش لعب فى الشارع .
26- يا ابنى اللى ذاكر ذاكر خلاص .. قوم نام .
27- بلاش لعب بالمقص .. بيجيب الفقر .
28- يا ابنى كلم خالتك العيانة .. اسأل عليها .
29- إوعى حد غريب يديلك حاجة تاكلها او تشربها وتاخدها منه .
30- النوم لحد الضهر بيجيب الفقر .
31- إوعى تكدب عليا تانى مرة .
32- لازم تاكل سلطة .
33- لو شوفت خناقة مالكش دعوة بيها .
34- عيب .. لازم تحترم الأكبر منك .
35- كلمنا لما توصل .
36- بلاش أكل بره .
37- لو فلحت ابقى قابلنى .
38- يا ابنى أنت مسطول ولا إيه .
39- إنت فاكرنا نايمين على ودانا .
40- وطى المدعوق ده شوية .
41- قوم إقرالك كلمتين ينفعوك .
42- إيه اللامبالاة والاستهتار اللى إنت عايش فيهم دول .
43- إنت فاكرنا لاقيين الفلوس دى فى الشارع .
44- والله ما إنت فالح .. وآدى دقنى اهيه .
45- ما تتكلمش بصوت عالى فى الحمام .
46- ماتنامش غير لما تغسل سنانك .
47- ماتلزقش فى التليفزيون كده .... نظرك هايضيع .
48- ضرب أمثلة تشجع على الكفاح .. أشهرها : ( أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا )
49- سلم على عمك كويس يا ولد .
50- يا ابنى محدش بينفع حد .
51- ماتطلعش إيدك من شباك العربية .
52- قصة الغريق اللى كذب اللى كل مرة يقول إلحقونى .. لحد ما غرق .
53- التهديدات المخيفة شكلا .. والكارتونية موضوعا .. مثل : هاقطم رقبتك ... هاقطع لسانك ... هادبحك دبح.
54- ربنا يرزقك بعيل يوريك اللى وريتهولى .
55- ماتطلعش على الملاية النضيفة ورجليك متة كده .
56- ماتقعدش عريان كده قدام إخواتك البنات .
57- حول القناة دى ... بلاش مسخرة وقلة أدب .
58- نسيت تشرب ؟ نسيت تاكل ؟ نسيت تقول هاتوا مصروف ؟ نسيت تعكنن عليا وعلى أمك ؟
59- طلع إيدك من جيبك وإنت بتكلمنى .
وأخـــــيــــــرا .....
60 - ياللا يا أبو كحكة حمرا .. إنت فاكر نفسك هاتقعد تاكل معانا
| |
|
MiDoOo رئيس مجلس الاداره
عدد الرسائل : 4830 العمر : 38 الموقع : بيتنا شوية والشغل شويتين العمل/الترفيه : الكتابة والتصميمات والنت والموسيقى المزاج : هادى هادى هادى رساله : الاوسمه : do3a2 : عرفت المنتدى ازاى؟ : لا اله الا الله : المزاج : احترامك لقوانين المنتدى : نقاط : 4486 السٌّمعَة : 15 تاريخ التسجيل : 10/07/2008
| موضوع: رد: 60 جمله لا تقال الا في البيوت المصريه الثلاثاء فبراير 17, 2009 4:07 pm | |
| 13- صليت العصر ..؟! ( إشمعنى العصر ....!!!!!)
لان دى الصلاة الوسطى يا ناصح بس سيبك انت نسيت حاجة كنت دايما اسمعها كان كل شوية يتقالى انا رميت طوبتك خلاص بس موضوع كويس | |
|
MEMA عضو نشيط
عدد الرسائل : 251 العمر : 37 العمل/الترفيه : محاسب رساله : الاوسمه : do3a2 : لا اله الا الله : نقاط : 0 السٌّمعَة : 0 تاريخ التسجيل : 09/08/2008
| |
sandro رئيس مجلس الاداره
عدد الرسائل : 6069 العمر : 33 الموقع : علي شاطئ عروس البحر الابيض المتوسط العمل/الترفيه : مع الارقام والقيود والحسابات المزاج : غير مستقر رساله : الاوسمه : do3a2 : عرفت المنتدى ازاى؟ : لا اله الا الله : المزاج : احترامك لقوانين المنتدى : نقاط : 7414 السٌّمعَة : 18 تاريخ التسجيل : 30/11/2008
| موضوع: رد: 60 جمله لا تقال الا في البيوت المصريه الثلاثاء فبراير 17, 2009 6:23 pm | |
| ههههههههههههه فعلا كل البيوت المصرية فيها كده - يا ابنى محدش بينفع حد . قوم إقرالك كلمتين ينفعوك . وطى المدعوق ده شوية . كلمنا لما توصل . كفاية رغى فى التليفون . | |
|
CLASSIC MODEL عضو نشيط
عدد الرسائل : 451 العمر : 31 الموقع : في شبه الجزيره العربيه العمل/الترفيه : طالبه في الثانويه المزاج : no love thin i,m happy رساله : الاوسمه : do3a2 : عرفت المنتدى ازاى؟ : لا اله الا الله : المزاج : نقاط : 481 السٌّمعَة : 3 تاريخ التسجيل : 15/03/2009
| موضوع: رد: 60 جمله لا تقال الا في البيوت المصريه الأربعاء مارس 25, 2009 10:43 am | |
| 1- مالكش دعوة بالسياسة .. وماتمشيش فى مظاهرات : وقد نجحت الأمهات فى هذه الجزئية نجاحا ساحقا ... وده بيظهر عندما ترى أكبر مظاهرة فى البلد لا تتجاوز 500 شخص أو أقل ده بابا بيقول لاخواتي اعملكو حاجه كده ادخلو مع اي حزب ولا حاجه هعههههههههههه 2- مش عاوزه أسمع صوت : لا والله عندنا في السعوديه بيقلوها كثير بالذات في المدرسه تقعد فى أول صف قدام السبورة : عمر ما بابا او ماما قلوها 6- اللى بيشيل قربة مخرومة بتخر عليه لوحده يتعدو على الصوابع المرات اللي سمعت فيها هالكلمه كل على مهلك .. وأمضغ كويس .. وماتاكلش وإنت واقف وكل من قدمك متحفش ههههههههه لا تعليق
20- المسلسل مش هاينفعك ... قوم . مش بتتقلي علشان مش بقعد على الTV اصلا
23- وإنت فاكر إحنا مستنيين منك حاجة ؟!
يا كثر هالكلمه تنقال في البيت 24- ماتعليش صوتك . يييييييييييييه بتتقال بما فيه الكفايه
26- يا ابنى اللى ذاكر ذاكر خلاص .. قوم نام . دايما بابا يقلهالي في الاختبارات
27- بلاش لعب بالمقص .. بيجيب الفقر .
ايوه صح ماما بتقلها بس بقول بيجيب شر وعلى فكره ده حاجات غريبه وغير صحيحه
29- إوعى حد غريب يديلك حاجة تاكلها او تشربها وتاخدها منه . هههههههههه يماما قالو مايقولو
35- كلمنا لما توصل . اكيد اكيد .
38- يا ابنى أنت مسطول ولا إيه . هههههههه ماعتقدش ان الكلمه مسطول ده تطلع من بابا او من ماما
40- وطى المدعوق ده شوية .
مدعوق ؟؟؟؟ عمري ما سمعتها 41- قوم إقرالك كلمتين ينفعوك . ابداااااااا هما عارفين اني عارفه مستقبلي فمش بيقولها
43- إنت فاكرنا لاقيين الفلوس دى فى الشارع . هههههههههه اه والله بسمعها كثير
48- ضرب أمثلة تشجع على الكفاح .. أشهرها : ( أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا ) هههههههههههههههههههههههههههههه ابدا ابدا 51- ماتطلعش إيدك من شباك العربية . بيقلوها لاخيويا مش ليا 52- قصة الغريق اللى كذب اللى كل مرة يقول إلحقونى .. لحد ما غرق .
لا هما بيقولولي قصه الذيب ههههه
54- ربنا يرزقك بعيل يوريك اللى وريتهولى . هههههههه تقريبا الاهالي كلهم قالو لعيلهم الكلمه ده
- 56- ماتقعدش عريان كده قدام إخواتك البنات .
ده انا بقى اللي بقلها لاخواتي هههههههه
57- حول القناة دى ... بلاش مسخرة وقلة أدب .
بابا على طول يقلها مش بيعجبو الافلام ابدا بتاعت اليومين دول على فكره الكلام ده في كثير منو يدل انو اهل مصر بيخافو على عيلهم وبدره الكلام ده بيتقال في كثير من البيوت الغير مصريه | |
|
princess of romance عضو نشيط
عدد الرسائل : 362 العمر : 33 الموقع : منتدى حياه رساله : الاوسمه : do3a2 : عرفت المنتدى ازاى؟ : لا اله الا الله : المزاج : احترامك لقوانين المنتدى : نقاط : 351 السٌّمعَة : 7 تاريخ التسجيل : 31/01/2009
| موضوع: رد: 60 جمله لا تقال الا في البيوت المصريه الخميس مارس 26, 2009 12:28 pm | |
| هههههههههههههههه فعلا الكلام ده الراع الرسمى لبتنا احنا شخصيا و طبعا كلام تانى كتير زى طبعا حسبى الله و نعم الوكيل و اللى بيحترم بيحترم نفسه و متدخليش فى اللى ملكيش فيه حلو قوى يا رشدى و دور تانى اكيد هتلاقى كتير | |
|