ازيكم يا جماعه
زى ما انتو عارفين ان الدنيا كلها بتتغير
فحبيت اشرب معاكم شاى ونتكلم شويه عن الامثال
ونحاول نحدثها شويه
اطبخي يا جارية ..... الانبوبه فاضية يا سيدي
اللى بيته من ازاز..... ميغيرش هدومه فى الصالون
اقلب القدرة على فومها ..... يقع الفول منها
فاقد الشئ ..... يدور عليه
تأتى الرياح .....محملة بالاتربه
يا خبر النهارده بفلوس ..... بكره ينزل عليه اوكازيون
اللى معاه قرش محيره ..... يجيب حمام ويحمره
جت الحزينة تفرح ..... شغلت شريط حكيم وقعدت ترقص
اللي ياكل لوحده ..... يشبع
اللي يتلسع من الشوربة ..... يطلب المطافي
قال يا حشاشين ..... يكفيكوا شر الكمين
لا تبكى على اللبن ..... فى البسكويت
أقطع عرق ..... وحته بتلو
لو حبيبك عسل ..... ماتحطلوش طحينه
وبكره ترجع ريما ..... من عند خالتها فى مارينا
يا داخل بين البصلة وقشرتها ..... حط قطره علشان ها تدمع من ريحتها
أصوم أصوم ..... وافطر على المدفع
القرش الأبيض .....بيعوم فى البحر الأحمر
ضربوا الأعور على عينه ..... قالهم كسرتوا النضارة
اللي ميشفش من الغربال ..... يكشف نظر
المال السايب يعلم ..... الطلبة
نام وارتاح ..... وكل عسل نحل التمساح
من خرج من داره ..... مينساش ياخد المفتاح معاه
الباب اللى يجيلك منه الريح ..... شيله وركب قبنورى
رب صدفه خير من ..... الف ليلة وليله
اللى يخاف من العفريت ..... يعمل عبيط
قالوا للحرامى احلف ..... قالهم وحياة قلبى وافراحه
المضطر ..... يركب تاكسي العاصمه
رساله
