عالج همك بنفسك

موضوع: عالج همك بنفسك الجمعة أغسطس 29, 2008 4:20 pm

السلام عليكم ورحمة الله وبركاته

عالج همك بنفسك

سؤال : من هما سبب وجودك ؟
تقول طبعاَ امى وابويا.!
طيب : لو لم يقدر الله سبحانه وتعالى لأبوك وامك أنهم يتجوزو ومش اتكتب فى علم الغيب عنده أنا ابوك هايتجوز امك
ياترى انت كنت موجود فى الوقت ده؟
هاتقو: طبعالا .
كويس جداَ

هل كان لك الأختيار فى نوع جنسك . ؟ يعنى أنت التى حددت بنفسك أن تكون ذكر أو ان تكوني أنثي ؟
ياترى كان ليك الاختيار فى نوع جنسك يبقى ايه؟ يعنى انت حددت بنفسك انت عاوز تكون ذكر او انتى تكونى انثى؟
هاتقو:طبعا لا .
من الذى قدر ده. ؟
هاتقولى" الله " هو الذى خلقني ذكر أو خلقني أنثي .

طيب

ياترى كان ليك الاختيار فى ان يكون ابوك وامك هما ابوك وامك. او ياترى كان تقدر تختار اخواتك؟

هاتقول:طبعا لا.
ربنا هو اللى قدر ان يكون ده ابويا ودى امى
وربنا هو اللى قدر ان يكون دول اخواتى

ماشي حلو اوى

يعنى انت متفق معايا ان ده كله مش بايدك بس ده بقدرة ربنا ومشيئته
هاتقول: || طبعا انا متفق معاك ودى حاجه مش فيها نقاش ||

طيب .
لو نفترض ان الله سبحانه خلقك بعين واحده ؟ هاتعمل ايه؟ ؟

هاتقول " طبعاَ هاكون زعلان جدا ومتاثر بكده طول عمرى.. وأحاول ألا اظهر امام الناس حتى لا ينظر لي أحد بنظره تجرحني عالج همك بنفسك Good

طيب " ياترى العيب اللى ابتلاك الله بيه " ياترى كان ليك دخل فيه؟

هاتقول طبعاَ "لا "

طيب لو كان ليك ايد فى التدخل فى ده .. كنت هاتختار لفنسك انك تتولد بعين واحده؟

هاتقول: طبعا لا || مين اللى هايختار لنفسه انه يكون بالصوره دى
حلو جداَ أجابتك جميله

طيب انت مش هاترد على سؤالى
انت متفق معايا ان ده مش بايدك
هاتقولى: آه طبعا
طيب انت ساخط ليه؟؟؟
هاتقولى : مش فاهم قصدك ايه؟

حاضر .هاوضحلك
انت زعلان ليه؟؟
هاتقول: وايه مش يزعل فى كده " انا بعين واحده او مشلول او مريض بكذا وكذا او انا فى سن الاربعين ومش متجوز لحد دلوقتى
او متجوز من خمس سنين ومش بخلف عيال او ربنا مش اراد انى اكون جميل او انا فقير او او او اوا.....

يعنى ياترى ده اللى بيزعلك ويخليك حزين؟؟
هاتقولى: ايوه طبعا ده اللى بيزعلنى
طيب
انت مش كنت متفق معايا ان اى حاجه بتحصل مش ليك اى دخل فيها!!

هاتقولى: ايوه انا معاك

طيب ليه الحزن والزعل مره تانيه

هاتقولى تانى: اقولك تانى
انا قولتلك انا فى كذا وكذا وكذا وكذا وده اللى بيزعلنى وبيخلينى حزين طول حياتى

اقولك انا يعنى انت مش معترض على ربنا وقدره
هاتقولى : طبعا لا
طيب انت زعلان ليه ومهموم ليه وانت مش معترض على حكمه ربنا
انت مش خايف ان ممكن وانت زعلان او مهموم تخرج منك كلمه تسخط ربنا عليك او تغضبه
تخرج منك كلمه|| ليه يارب خلتنى كذا وكذا او خلقتنى كذا وكذا||
مش خايف؟

تقول طبعا خايف
طيب بدام انت خايف ليه حزين ليه مهموم
تقول " والله غصب عني " همومي ومشاعري مش بعرف اتحكم فيها
لما ببص للناس اللى حوليا والاقى ده سعيد وفرحان ودى متجوزه ومعاها جوزها وعيالها وعايشين فى حب كنت اتمنى انى اكون وزيهم وفى نفس الفرحه اللى هما فيها

ترجع مره تانيه..
مين اللى قدر ليهم ده ومين اللى قدر ليك ده؟
هاتقول: ربنا هو اللى قدر ده
طيب انت زعلان ليه؟ مهموه ليه؟ حزين ليه؟
ياترى بتلاقى فى احزانك ومهمومك اللى يواسيك ؟
ياترى الحزن والهم هما الحل بالنسبه ليك؟
طيب قولى هاينفعك فى ايه الزعل والحزن؟

هاتقول: ولا حاجه طبعا بس عالاقل بخرج اللى جوايا لانى زعلان اوى ودموعى مش بتفارق عينى

اقولك انا بالله عليك احكم انت بنفسك:

لما تكون راضى بقدر ربنا وسعيد باللى ربنا قدره ليك وتحس بحلاوه رضا ربك فى قلبك
وتحس ان الله فخور بيك قدام الملايكه ويباهى بيك الملايكه بتاعتك
ويقول بصو لعبدى ازاى هو صابر وراضى باللى قسمته ليه

هاتبقى فرحتك ساعتها عامله ازاى....... ياترى تحب ان يكون ليك اللى نفسك فيه وتفقد الاحساس ده من ربك؟

وقارن نفسك بين حالك وانت ساخط وحزين ومهموم
لا ولما زاد عليك بلاءك
اول حاجه|| لانك مبتلى||
تانى حاجه|| لانك حزين ومش راضى عن حالك ووضعك||
بالله عليك انت كسبت ايه واستفدت ايه؟؟

هاتقولى : ولا حاجه طبعا
اقولك انا
طيب مش آن الاوان انك تخرج من الحزن والزعل والغم ده
عشان تشوف ربنا عوضك بأيه
لان الله سبحانه وتعالى|| لو اخد حاجه منك بيعوضك بغيرها ومش بينسى عبيده||
بص للكفيف.. هتلاقى ربنا عوضله احساس البصر فى حاسه السمع وهتلاقى الكفيف سمعه قوى جدا عن اى شخص تانى

بص للكون اللى ربنا خلقه عشانك انت والله
الكون كله مخلوق ليك مخلوق ليك انت
بالله عليك ياترى الكون ده كله مش هايستحمل حزنك وهمك؟
مش هايكون مجال يعوضك خير
مش هايكون مجال انه يفرحك

يا رجاله يا بنات

لو دورت فى اعماق نفسك وسط الظلام... ونبشت بين جراحك

هتلاقى الشعاع من النور اللى دايما دورت عنه من حولك عندها

هايكون القرار بأيدك عشان تدى الشعاع مساحه واسعه جواك .. من غير ان تقيده او تخفيه ورا الامك لا.. وافتح ليه المجال

عشان ينطلق على طريق الحياه بخطوات واثقه وابتسامه سعيده ونفس مليئه أمل

ياصاحبى

جدد حياتك يااخى مه ربك.. وابدا حياه جديد فى طريقك

أوجد لنفسك مساحة في عالم العطاء، وابدأ بالابتسامة.
حاول تلاقى لنفسك مساحه فى عالم كله ايجابيه .. وابدا بضحكه او ابتسامه

ياصاحبى
الدنيا من اولها لأخرها مش بتساوى غم وهموم ساعه واحده.. ازاى هاتكون مهموم طول عمرك وحزين

واخر حاجه احب اقول حديث عشان تعرف ان رحمه ربنا واسعه اوى

""جاء فى الحديث: إنه إذا رفع العبد يديه للسماء وهو عاصى فيقول يارب فتحجب الملائكة صوته فيكررها يارب فتحجب الملائكة صوته فيكررها يارب فتحجب الملائكة صوته فيكررها فى الرابعة فيقول الله عز وجل الى متى تحجبون صوت عبدى عنى؟؟؟ لبيك عبدى لبيك عبدى لبيك عبدى لبيك عبدى"

"

"
"عبدى أخرجتك من العدم الى الوجود وجعلت لك السمع والبصر والعقل

عبدى أسترك ولا تخشانى، اذكرك وأنت تنسانى، أستحى منك وانت لا تستحى منى. من أعظم منى جودا ومن ذا الذى يقرع بابى فلم أفتح له ومن ذا الذى يسألنى ولم أعطيه. أبخيل أنا فيبخل على عبدى؟ "

بجد كلامك جميل جداااااااااا وبصراحة جالى فى وقته اشكرك وربنا يجعله فى ميزان حسناتك