ترضي تبيعي شبكتك عشان خاطر خطيبك؟؟

موضوع جه في دماغي وحبيت أعرضه عليكم وأعرف رأيكم
معظم البنات الدهب بالنسبة ليهم حاجه مهمة أوي , لكن لأي مدي حاجة مهمة
تعملي ايه لو بعد ما اتخطبتي وجاتلك شبكة وفرحتي بيها, وحصلت ظروف , أي
ظروف لخطيبك ده , تقفي جنبه ازاي؟؟ ولو مكنش فيه حل غير لانك تضطري تبيعي
الشبكة, يا تري هتعملي ايه؟؟؟؟؟؟؟ وهل لو بعتيها هتبقي نفسك راضية؟؟؟
وهل لو قبل هو ده.... ممكن تضايقي؟؟ ولا هتفرحي أكتر لو رفض ده؟؟؟
حاولي تتخيلي الموقف وتقوليلي رد فعلك هيكون ايه, بس بصراحة
ومستنيى ردودكم ومشاركاتكم
وبالنسبة للشباب , هل تقبل موقف زي ده من خطيبتك؟؟؟

في انتظار أرائكم

انا من وجهه نظرى لو الانسان اللى انا مرتبطه بيه دة راجل بجد عمره ما هيقبل مساعدة من خطبته بس انا لو حصل معايا الموقف دة وقبل يا خدها انا مش هبئا سعيدة خالص

السلام عليكم

انا من وجهة نظري علي حسب الظروف اللي هتقبلنا بس انا مش هتاخر اني اسعده في اي ظروف بس هبقي فراحانه اذا هو مش هيوافق وانا اللي اغصب عليه
لكن هو ميطلوبهاش

والله بقا انا اعتقد ان الموضوع ده يبين الانسانة المخلصة من الغير مخلصة
وده سعات بيعمله بعض الازواج لمعرفة كمية حب زوجاتهم ليهم
بس انا عن نفسى لو حصل معاية انا عمرى لو هموت انى اللعها شبكتها
ابدا لو اه الى حصل

انا مش هستنى لما هو يطلب منى كده على طول هديهالو ولو رفض هبيعها من غير ما يعرف واخليه ادام الامر الواقع الحاجات دى مجرد شكليات وبعد كده لم ربنا يكرمه هيعوضنى احسن منها