كبريائى ام حبى .....؟

اقول الحكاية
الاول احب اقول اني من اول مرة عرفت عالم الحب و كدة و سمعت حكايات حب و اشعار و ازجال و انتحارات و كدة كونت راي اعلنته علي الملأ ان الحب كدبة و ان مفيش حاجة اسمها حب .............الخ الكلام الفاضي ده
لأ و كمان سخرت من الناس الحبيبة
بس السبب الحقيقي الي خلاني اعمل كدة اني كنت شايف ان الحب ضعف و انا محبش اكون ضعيف
المهم انا لغايه اول سنة في الكلية الي هي السنة الي فاتت كنت معترف
لأ و ذيادة في الحبكة مكنتش بكلم بنات مش اكتر من صباح الخير و العلاقة كلها كانت زمالة يعني كانو ا مسميني المعقد مع اني فري اوي و بعمل كل حاجة في دنيتي ما عدا الحوار ده (بس مكدبش عليكو انا اعجبت ببنات كتير بس ثبت علي موقفي ان الحب ضعف)
كانت معانا بنت في الكليه محترمة رقيقة بنت ناس ليست بملكة جمال لكن مقبولة المهم البنت دي في مرة و انا قاعد لوحدي قالتلي انت بتقف لحدك ليه مبتقفش معانا ليه مع انك ليك صحاب كتير و كلهم يقفوا معانا رديت طبعا بكل برود عادي مش شايف حاجة مميزة في الوقوف معاكو البنت فوجئت
المهم بدون اطالة توطدت العلاقة بيني و بينها و اصبحنا اصدقاء و اصبحت مقربة ليا دي حتي صحابها و صحابي زعلو مننا عشان اخدنا جنب الحوارات دي
في يوم و احنا قاعدين في محاضرة سألتني سؤال انا فوجئت منه قالتلي انت ايه اخبار حياتك العاطفية سكت و غيرت الموضوع
راحت مرة واحدة و دون مقدمات قالتلي بحبك
مخبيش عليكو انا اتفجعت بس مبينتش بس انا كنت اول مرة اتحط في الموقف ده
المهمانا قعدت بعد الحوار ده يومين مروحش الكليه و بفكر قافل موبايلي و عامل بيات شتوي
لغاية ما وصلت لنتيجة كانت ربالنسبالي مخيفة و ممتعة و جميلة النتيجة اني مقدرش اعيش من غير ها
كلمتها و فهمتها اني متعلق بيها و بحبها بس برضه من غير ما اقولها كلمه بحبك صريحة و ذلك اعتقادا مني اني سوف اكون ضعيف
انا عشت معاها ايام بل عشت معها حياتي و كانت
امي و اختي و صديقتي الوحيدة و حبيبتي و كل حياتي كانت بتمثلي كل الادوار في حياتي تقدرو تقولو اني لقيت الحب المثالي
الحب الافلاطوني لقيت لقيت حب خيالي
هي استحملتني و غيرتني و شعرت بحنان مشعرتش بيه طول حياتي
و دمرت شعاري الاقديم الي كان بيقول(طول عمري قلبي خالي و يخاف من الغرام من اي رمش جارح في نظرة و ابتسام)مع الاعتذار للاغنيه
كنت طفلها الدلل و اميرها و كل حاجة استحملت عصبيتي
و هي كانت امي و مليكتي و روحي
كل ده تمام نيجي بئي للجانب الاسود من الحكاية
هي اكبر مني بشهر بعض اصدقاء الخير اولاد الحلال لعبو في دماغي و قالولي دي مش حلوة و مفيش بنت تقول لولد بحبك و الكلام الي من النوع ده
استيقظ فيا الخوف من الارتباط
و اتخذت قرار ندمان عليه حياتي
خوفي من الارتباط لغي عقلي و قلبي و و خلصت من الحب الحب ده في اسرع طريق ممكنة قلتلها انك اكبر مني و مش هينفع نرتبط ببعض
عارف انا اغبي واحد ممكن تقابلوه في حياتكم
و كان ردها اكبر صدمة في حياتي
الرد(انا هفضل احبك علي طول و هفضل اكلمك علي طول و بكيت )
انا فقت بعد فوات الاوان
و بسبب الحوار ده هي خسرت دراستهاو انا كمان مستواي اقل و خسرت اصحابي و خسرت حبي الوحيد
المهم فضلت تكلمني تاني بس ذي الاخوات
هتقولولي ماصرحتهاش ليه اني كنت بحور عليها و ان مشكلة السن مش عاملالي مشكلة هقولكم مش هينفع اعمل كدة لأن ده بيعني اني محبتهاش اساسا
المهم فضلت تكلمني السنة دي لأو ايه سابت الكليه بسببي قالتلي عشان مش هقدر افضل قدامك
و حتي بعد ما سابت الكليه لما اتعب او اتخنق الاقيها بتكلمني و تسألني انا مخنوق ليه

انا كل ثانية بفكر فيها كل ما الموبايل ما يرن ادعي ربنا انها تكون هي بكلمها من ارقام من برة و اسمع صوتها و اقفل
نا اوهمت الناس الي حوليا اني نسيتها بس الحقيقة انه مينفعش

انا عارف اني طولت اووووووووي و خنقتقوا و جبتلكو الضغط من غبائي
بس من فضلكو انصحوني بحل عملي و قولو الي نفسكو تقولوه عني

اخوكم المجروح
منقول

انا رائى لو انت بتحبها بجد اتصل بيها وقولها على اللى حاسه بجد ومعتقدش
ان فرق السن مش مهم لانك جرحتها جامد وقولها انك بتحبها وانك مش عترف تعيش من غيرها وانت اللى جرحت كبريئها وده رائى