شباب شااااااااااااااات

هل

الشات شيء سلبي أو شيء ايجابي؟؟؟؟
هل

الشات ساعد في انحراف الشباب؟؟؟؟
هل

البنات والشباب إلي في الشات كما يقال بأدب ناس مو كويسين وتافهين؟؟؟
هل

كل مواضيع الشات تافه ومضيعه للوقت؟؟؟
هل
الشباب يدخلوا الشات فقط من اجل للتعارف بين الجنسين وإقامت علاقات؟؟؟

قابلت شخص في منتدى وهذا الشخص مأخذ فكره
مررررررررررررررررره سيئة عن البنات ما عنده ثقة ولا في بنت فقلت لازم
أغيرها وأصابع اليد مو كلها سوى وإذا هو صادف بنات مايستاهلوا الثقة مو
ذنب البنات الباقين الكويسيين


المهم ونحن نتناقش فتحت موضوع الشات ورأي انه فكره
الشات مررررره حلوه( زي التلفون والجوال )أكيد الشخص إلي اخترعه فكر كيف
يقرب الناس ويشيل كل الحواجز بين البلدان
وأنت قاعد في البيت تقدر تكلم أي احد في أي مكان في العالم بالطريقة إلي
تحبها سوء كتابه , صوت , صوره اختراع مذهل بعدين جاء كمان الماسنجر شيء
مذهل غير الناس إلي أنت ممكن تتعرف عليهم من كل البلدان وتعرف عن كل بلد
وممكن تزورهم مع الأيام , واختصر وسهل علينا وصل الاحبه البعاد فمثلا إذا
كنت في غربه وحابب تصل اهلك عن طريق الماسنجر فهي أسرع وأسهل وأوفر طريقه




كل هذا التطور إلي سار في العالم, صرنا في عصر التطور والتكنولوجيا بس عندنا الناس لسع مهي قادرة تواكب العصر والتطور وكل
ماطلع اختراع عشان يساعد البشرية يستخدم عندنا استخدام سيء ومضر من
التلفون, جوال بكاميرا, الانترنت حتى السيارة أعلى نسبة حوادث وإهمال عند
العرب ويسير بدل من النوافع والإيجابيات تظهر السيئات والأضرار وطبعا هي
إلي تغلب على الناس والتفكير ويسير الشيء الكويس خطر وسيء على الناس



أنا من رأي كل شيء في الدنيا حتى الإنسان نفسه في الإيجابيات زي مافيه السلبيات (الكمال لله سبحانه) كل شيء حسب استخدام الشخص ليه وأنا ما اقدر احكم على العام لان الشيء السيئ دايمن يغلب, لازم احكم على الشخص وكيف استخدامه


أنا الصراحه اختلف مع الناس إلي ينظروا للشات بصوره سلبية وللناس إلي بتعمل شاتين
صحيح في ناس

سيئة
ونقابلهم مره كثير في الشات اكتر من الناس الطيبة. طبعا فرصتهم كل شيء
مخفي محد يدري عن الشخص غير إلي هو ببقوله عن نفسه, محد شايفه, الرقابة
ضعيفة في الشات. نسي الشخص انه في رقابه أعلى من رقابت الشات شخص وان كنت
لا تراه فهو يراك الله سبحانه وتعالى فكل شخص حسب خوفه من الله وضميره
وأول و أخيرا تربيته



بس في ناس


في نفس الوقت كويسه عندها أخلاق, داخله بنية صافيه, تتعرف وتستفيد وتتناقش مع ناس من مختلف الأفكار

]في ناس [/glint]

تعتبر هذا الشات وسيله لها للخروج من الوحدة والفراغ


في ناس


تعتبره فرصه لطرح مواضيع ومعرفت مختلف الآراء من مختلف الأعمار والجنسيات
وفي ناس


وناس..............................مختلف الأفكار والله الوحيد اعلم بالنيات



وأنا بصراحة تجربتي في الشات كانت حلوه من يوم ماجبنا النت كان استخدامي عادي بعدين سمعت عن الشات( كان كتابي أيامها),
فدخلت بدافع الفضول وأتعرف على ناس كتيرررطبعا مو كل الناس تتفاهم معاهم,
المهم إلي اتعرفت عليهم من مختلف الجنسيات مرره طيبين وبعضهم معايا ألين
دحين علاقة صداقة حلو زي الأخوان ننر سل لبعض مواضيع مختلفة, معايدة في
المناسبات حلو التواصل.في ناس
صح مو كويسين بس يبى يتعرف على بنات ويكون علاقة مو كويسه ويقول كلام غلط بس الواحد يوقفهم عند حدهم ولا يطنشهم هم إلي مخربين الشات


بعدين الموضوع أطور دخلت شات اجنبي واتعرفت
على أجانب وتكتشف انه قدي ايش مأخذين فكره غلط عنناوتصلح فكرتهم عننا
وتعرفهم انه نحن عايشين زيهم وعندنا إلي عندهم ويمكن اكتر


وبعديين الموضوع أطور اكتر سمعت عن الشات الصوتي قلت
يلا يبنت لازم عاد عرق اللقافه عندي مره قوي.وعجبني وكونت شله بنات وأولاد
من مختلف المناطق نتقابل نتناقش في كل المواضيع واناعندي الصوتي أحسن عشان
أنا ما اعرف اعبر بالكتابة وعندي مشكله في الإملاء (الله يعينكم وانتوا تقروا بس لا تضحكوا) وكان لما يطلعلنا شخص مو كويس كنا نطرده أو نغير الشات


وأنا اعرف ناس صاروا مرررررررره أصحاب عن طريق الشات وفي ناس حبو بعض عن طريق الشات واتزوجوا أنا اعرفهم شخصيا(رغم أني ما أؤمن بدا بس الواحد يحترم الرأي الأخر)

ماابى أطول عيكم بس حبيت أحكيكم عن
تجربتي كتعبير عن رأي في الشات وأنا لما قلت للشخص أني بدخل
الشات....زفني, أنا ما كنت أتوقعك زي كل البنات وطلعتي بنت شات كمان, ضحك
ومصخره مع الشباب.حاولت أغير رأيه بس لقيت مافي فايده
قلت مصيبة إذا كل الناس زي كذا مأخذين فكره سيئة على الناس إلي في الشات



فحبيت اطرح الموضوع عليكم وأشوف ايش رأيكم في الشات؟؟؟ وناس الشات؟؟؟ وإذا احد عنده تجربه يحكينا عنها يمكن نستفيد
يمكن يكون رأي غلط بس أنا أحكم بناء على تجربه شخصيه