اتفرج يا عم لما البنات بتستعبط فيها ا ا ا . . . هههههههه

الموضوع دا..
عشان البنات اللي بقوا بيقوموا الولاد بطرق ارهابية ملتوية مدروسة من اماكنهم في المواصلات العامة !!
أنا مش عايز الشهامة تتشال مننا .. بس انا - شخصيا - باحب اقوم للبنت أو
الراجل اللي مش بيستعبط أو بياخدها فتونة و فهلوة معايا .. يعني انواعهم

واحده تعبانة و مش بتستعبط
واحده تعبانة و بتستعبط
واحده مش تعبانة و بتستعبط

لازم تقوم للنوع الاول و تفكر في النوع التاني و تنفض للتالت .

البنات بقوا ياخدوا الموضوع بدراعهم .. لدرجة ان في مرة جات واحدة
ووقفت قدامى في الأتوبيس و امها قعدت .. أمها بصت كده حواليها و بعدين قامت
اديتلها مكانها و جت وقفت جنبي .. كنت ساعتها لسه طيب .. قمت لها و قعدت
.. و بطرف عيني لمحت البنت بتغمز و هي بتضحك لأمها !!!

دلوقتي تعالو نشوف البنات بتعمل ايه ..

1- تلاقي البنت/الست تيجي تقف جنبك بالذات ( لو كنت عيل صغير أو شاب تحت التلاتين ) و تمسك في الحديدة اللي قدامك .

2- تلزق فيك بطريقة مخجلة و تضطر يا اما تقوم يا تاخد موقع بهلواني في الكرسي عشان متلمسهاش .

3- تطلع مصحف و تقعد تقرأ فيه .

4- تقعد تتأفف و كل ما الاتوبيس يقف أو يتحرك تقول " اه "

5- تطلب منك انك تشيل شنطتها " مؤقتا " عشان مش قادرة " تقف "

6- تكلم اي واحدة قريبة عن حجم الدوالي في ساقيها

7- كل ما الاتوبيس يميل تروح محدوفة عليك بطريقة مبالغ فيها

8- اخر خطوة انها تطلب منك صراحة انها تاخد مكانك

رد الفعل يجب ان يكون :-

1- التجاهل التااااااااام ده سلاحك طول الخط

2- لما تطلب منك صراحة انها تقعد قولها .. " لأ .. مش بمزاجي .. عندي
كاللو في كعبي " و احرص على تضخيم كلمة " كاللو" و الاشارة بقبضة يد نصف
مفتوحة عشان تبينلها حجم " الكاللو"

3- لما تطلب منك تشيل شنطتها خدها و حطها تحت رجلك .. كأنك حتى معندكش دم تحطها على رجلك

4- لو لزقت فيك بطريقة مش تمام قولها .. " كان نفسي اقوملك بس في كالو في
كعبي " .. هتفهم انها لو عسكرت هنا مش هتقوم فهتضطر تمشي تدور على ضحية
تانية .

تحاسيسي

حماشه

ايم سورى كم حرف وقع منى

تكلم اي واحدة قريبة عن حجم الدوالي في ساقيها

هههههههههههههههههه
لو لزقت فيك بطريقة مش تمام قولها .. " كان نفسي اقوملك بس في كالو في
كعبي " .. هتفهم انها لو عسكرت هنا مش هتقوم فهتضطر تمشي تدور على ضحية
تانية .

» اتفرج علي تمثيل البنات يامعلم
» اتفرج علي تمثيل البنات يامعلم
» اية رايكم فى معاكسات البنات ومعاكسات البنات للشباب
» كلام الولاد لكل البنات.............. والله غلبانين البنات
» الـهاتـف مغـلّـق .. بجميع اللهجـات هههههههه