enzo_2017 VIP
عدد الرسائل : 1668 العمر : 36 رساله : الاوسمه : do3a2 : عرفت المنتدى ازاى؟ : لا اله الا الله : المزاج : احترامك لقوانين المنتدى : نقاط : 2089 السٌّمعَة : 9 تاريخ التسجيل : 22/10/2008
| موضوع: اتــجــوزت خــلاص ... والسؤال اطلقها ولا لأ ؟!! الأربعاء يونيو 24, 2009 5:03 am | |
| اتــجــوزت خــلاص ... والسؤال اطلقها ولا لأ ؟!!
واتجوزت خلاص...
ايوة عملتها واتجوزت ..!!وميين : اخر من كنت اتوقع اني ممكن اتجوزها...! مرة واحد صاحبنا راح للكاتب الساخر الامريكي اوسكار وايلد وقاله : يا سيدي ان زوجتي قبيحة ..!!
اوسكار وايلد بأه مستناش ..وقاله الكلمة التاريخية واللي اتعملت مثل شعبي وحكمة :" كان اجدر بك ان تري نفسك في المرآه اولا ...!" بذكر كلمة زي دي لأن ناس كتيير تقول انت راسم نفسك لية يا كابتن انت عشان تقول :اخر من كنت اتوقع اني اتجوزها ...!! ..وانا بقوله ماشي كلامك صح ...بس اللي انا قصدي اوضحة انها مش وحشة بالمرة..بالعكس ..جميلة جدا ..قمر ..مالهاش حل !
بس مش ممكن واحدة زي دي تتجوز اصلا ..!! لية يا حبيبي ؟!( دة السؤال اللي فارض نفسه ..!) والجواب : استني هافهمك ..
هبلة..!!! اه ..هبلة ...بمعني اخر بريييئة جدا....البنت زي القمر حتي لما كنا في الكلية كانت هيا الوحيدة اللي حسستني ان كليتنا مش مدرسة بنين..!! وكان كل الولاد هيتهبلوا عشان يكلموها...لان البنات التانية جنبها عاملين زي الصور ال4في6.....وهي بقي بوستر كبير متبروز !!!
انما بعد مرتين تلاتة الطلبة بتقف معاها ...بيسيبوها علطول وبيهربو منها ...والسوال لية ؟.....والجواب انها بتحسسك بمدي ابتعاد و دنو مستواك عنها ...ايوة !
انك مش ممكن تستاهل واحدة زي كدا بالمرة ...البراءة دي كلها والجمال دة كله والرقة دي كلها..والصدق دة كله ...بجد حاجة اوفر لدرجة منفرة....ايوة اوفر ولو حتي في الكويس ...عمرك ما فكرت في كدا...؟ تخيل مثلا انك اجرأ واشجع.. واحد في الدنيا ..طبعا انت كدا بطل ...بس مش ممكن تعرف تعيش في الدنيا الا في مكانين ..: عنبر الكسور في القصر العيني ..!!..لأما عنبر الخطرين في العباسية ..!!...آدي مثال لا يقبل الشك..!!...تخيل بنت في الدنيا زي دي .......!!
من وهيا صغيرة بتسمع كلام بابا وماما وما بتكرهمش ..وبتعمل الواجب وتشرب اللبن قبل ماتنام بدري ....وتطلع الاولي عالفصل...والمدرسات بيحبوها قوي وهيا الوحيدة اللي كانت بتقعد معاهم في اوضة المدرسات ( لان مافيش خطر منها بالمرة..!).....تجيب كل كشاكيلها وكاملة وعلي كل صفح الواجب نجوم ملونة بتضيع عليها مصروفها..وصور ميكي و بطوط و ميمي .....وفي الثانوي عمرها ما قعدت ورا..ولا جت متأخرة ...!!...ولا لبست مخالف ...ولا طلعت رحلة ..و بتكلم المدرسين الرجالة وعينيها في الارض ...!!وبتروح تصلي في الفسحة...وبتقول الاذاعة...(دة في الثانوي ..)...وبناء علي كدة البنات بتكرها وبيدايقوها..ما بتعملهمش حاجة...بتروح تقول لمشرفة الدور ..!!! اما في الكلية ( اكيد كلية قمة قطعا يعني ..)....مش هقولك ما بتتكلمش مع اي شباب وبتاع...لا بالعكس ..دي بتكلم اي حد اي شاب ..لان فعلا مافيش حاجة في دماغها...بتاع الامن مع بتاع رش جنينة الكلية ...الواد اللي شايف نفسه الروش الروميو..والواد بتاع التيار الاسلامي اللي بيربي دقن طويييييييله ..وبيقص البناطيل من تحت لغاية لما يخليها عند ركبته..!!..تقعد في اي اسرة ..ما بتشاركش في انتخابات..!!..مالهاش دعوة بنشاط سياسي ..ولا اجتماعي ..ولا ترفيهي ..!!
تخيل بنت زي كدا تبقي مراتك...تخيل كدا .. | |
|
enzo_2017 VIP
عدد الرسائل : 1668 العمر : 36 رساله : الاوسمه : do3a2 : عرفت المنتدى ازاى؟ : لا اله الا الله : المزاج : احترامك لقوانين المنتدى : نقاط : 2089 السٌّمعَة : 9 تاريخ التسجيل : 22/10/2008
| موضوع: رد: اتــجــوزت خــلاص ... والسؤال اطلقها ولا لأ ؟!! الجمعة أغسطس 14, 2009 12:05 pm | |
| انصحك تتوكل على الله وطلاقها وقلبك مطمئن ههههههههههههههههههههههههههه | |
|
عطر الورد79
عدد الرسائل : 5 العمر : 45 رساله : do3a2 : عرفت المنتدى ازاى؟ : لا اله الا الله : نقاط : 5 السٌّمعَة : 0 تاريخ التسجيل : 28/05/2009
| موضوع: رد: اتــجــوزت خــلاص ... والسؤال اطلقها ولا لأ ؟!! الأحد أغسطس 16, 2009 3:25 am | |
| ابغض الحلال عند الله الطلاق احمد الله على النعمة الي بيحسدوك عليها ملايين الناس و اتقي الله و لا دور على ديفوهات عشان تبرر مرادك و نيتك حرام عليك | |
|