شبكة حياه
مرحبا بك فى منتديات حياه بشكلها الجديد نتمنى ان تستفيد من دخولك المنتدى ولسهولة تصفح المنتدى والتمتع بخدماته بادر بتسجيل الدخول كعضو او مستخدم جديد
شبكة حياه
مرحبا بك فى منتديات حياه بشكلها الجديد نتمنى ان تستفيد من دخولك المنتدى ولسهولة تصفح المنتدى والتمتع بخدماته بادر بتسجيل الدخول كعضو او مستخدم جديد
شبكة حياه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


افلام - اغانى - برامج - اسلاميات - صور - دردشه وحورات - عالم الاسره والطفل - عالم المرءاه- حب ورومنسيات - فديوهات وصوتيان مش هتقدر تبطل داونلود....
 
الرئيسيةحافقظوا على مصرأحدث الصورالتسجيلدخول
منتدى الوظائف جديد منتديات حياه

 

 ايون !! انت مبتعرفش !!!!!!

اذهب الى الأسفل 
2 مشترك
كاتب الموضوعرسالة
AHMED TITO
فريق اشراف منتدى حياه
فريق اشراف منتدى حياه
AHMED TITO


ذكر
عدد الرسائل : 2092
العمر : 32
الموقع : ام الدنيا .... شـــــبـــــــــرا
العمل/الترفيه : طــــــــــــــــــالـــــــــــــــب
المزاج : عااااااااااااااااايش
do3a2 : ايون !! انت مبتعرفش !!!!!! 15781612
عرفت المنتدى ازاى؟ : ايون !! انت مبتعرفش !!!!!! 16051512
لا اله الا الله : ايون !! انت مبتعرفش !!!!!! 01_15710
المزاج : ايون !! انت مبتعرفش !!!!!! 8010
نقاط : 368
السٌّمعَة : 24
تاريخ التسجيل : 05/02/2008

ايون !! انت مبتعرفش !!!!!! Empty
مُساهمةموضوع: ايون !! انت مبتعرفش !!!!!!   ايون !! انت مبتعرفش !!!!!! Emptyالخميس ديسمبر 11, 2008 11:00 am

وبعد السلام يحلى الكلام

معلش هو ممكن يكون الموضوع كبير
بس الكلام كله لذيذ (على ما اعتقد)


ايون !! انت مبتعرفش !!!!!! Pn0182010tu6




إذا شعرت بالحيـّـه تقترب منك .. فاعلم ان الوقت حان للابتعاد .. لاتحاول البحث عن قصص البطوله .. و روايات الاساطير .. لا تحاول الاستلقاء خلف مقود عاطفتك .. لا تعبأ بنظراتها .. بصوتها .. بآهاتها .. انطلق الآن .. لا تعبأ بما تسمعه منها .. أو ما تشعر به تجاهها .. لا تعبأ بكل الهراء الذي درسته سابقا عن كون السكون في مثل هذا الموقف هو الحل الأسلم .. فالسلبيه هي آخر ما تحتاجه اليوم .. صدقني .. لن تقوى على الانتظار .. لن تقوى على رؤية عيناها .. لن تملك من القوه ما يمكنك من الركض في الوقت المناسب .. أنت لا تصدقني .. و تعاند .. تصر على البقاء .. إذن .. أنت اخترت و عليك ان تتحمل تبعات اختيارك .. لكنني لن اكون شخصا متخاذلا .. فانت مني .. لن اتركك تسقط في الفخ .. سأحذرك .. عسى ان تسمعني .. ستأتيك .. في هدوء .. رقيقه هي الافاعي .. هادئه .. تزحف اليك في ثقه .. ليونه .. تمتك من العضلات و المفاصل ما يجعلها في لحظة واحده .. قريبه من عينك .. فمك .. و قلبك .. لا تقل انك لم تشعر بها تتوغل الى داخل صدرك .. لا تقل لي انك لم تشعر بتلك الرعشه التي ولدتها في داخلك .. هي الآن قريبه جدا .. ستظل بنفس الرقه و اللين الذي عهدتها عليه .. بل قد تزيد .. و تزيد .. وتزيد .. انت الآن في قبضتها .. و صدقني لن تمهلك الوقت لتشعر باللذة .. لن تعطيك من الدقائق ما قد ينسيك الآتي .. ستضرب بقوه .. بعنف .. قلبك الهدف الأول .. و كبرياؤك الضحيه التاليه .. أنت الآن تصدقني .. رغم فوات الأوان .. كم حذرتك لكنك لم تصدقني .. الأفاعي يا هذا .. الأفاعي لا ترحم .. الأفاعي لا تعشق .. الأفاعي تتركك خلفها .. جثه هامده .. وتنطلق في نفس الهدوء .. و الرقه .. والنعومه .. بحثا عن الضحيه التاليه

يا سلام يا ابو حميد ايه يا عم المقدمه الجامده دى
خلاص بقى كفايه تصفيق
خلونا ندخل ع الموضوع

الهدوء ايها الساده
(هدوء ايه بس دى هتقلب بضرب نار دلوقت)

عندما تمكث تلك الافعى على ضحيه بعينها(اما تزهق بقى كم كتر الضحايا) وتوقعه فيها بسمها
ويتزوجا

ترجع تقوله انت مبتعرفش (مفيش حد يفهمنى صح )

وانا معاها
انت عارف ليه
عشان فعلا انت مبتعرفش

طيب يلا نشوف ازاى انت مبتعرفش



ايون !! انت مبتعرفش !!!!!! Junglewomanlv9



يلا على البركه
احم احم احم
صدقت المطربة العصماء عندما وقفت فى شموخ رافعة راسها و قالت لك فى وجهك : الصراحة راحة يا سيدى و انت مابتعرفش - و انا بقولهالك للمرة التانية : انت مابتعرفش
ايها الرجل الشرقى : أيوه انت.. لاهو فيه راجل تانى بيقرا دلوقتى؟ انت مبتعرفش
انت مابتعرفش تعمل حاجة خالص: مابتعرفش تعيش - مابتعرفش تتكلم - مابتعرفش تاكل -مابتعرفش تدلّع - مابتعرفش تعيش ولا تعيّش اللى حواليك !!ا
اوعى تفتكر ان موضوع ضل راجل ولا ضل حيطه ده لسه بياكل عيش - لا يا ننى عينى - خلاص فينيتو -دول كبروا واشتغلوا و اتمسح بيهم الأسفلت زيهم زيك -
بالفرنساوى بقينا : تيت آ تيت - بالأنجليزى بقينا مان تو مان - و بالعربى : راسهم برسنا
يابو رحاب.
دلوقتى و من موقعى هذا بقولك انت اتكشفت يابو رحاب - أصل افهمنى : انت كنت مستمد تميزك من حاجة واحدة فقط ( مش اللى فبالك ) - من الغموض اللى كان بيحيط حياتك و الحاجات اللى بتعملها وهما كانوا بياخدوا منك نتايج فقط - أفهّمك : كنت بتنزل على باب الله عالغابة تصطاد و ترجع بعد تلات أربع تيام جايلها بغزالتين و زرافة و أربع فراخ بريّة و شجرة موز -تاكل هى و عيالك وينبسطوا ويتهنوا ويدعولك - و كانت بمنتهى الرضاتغسلك البدلة جلد النمر أم حمالة واحده وتلفليلك الغيارين ورق التوت -صنع المحلة- وهى يا عينى طايرة بيك و ممتنة غاية الأمتنان.
عارف أياميها لما كنت بتدخل تقيّلك خمستاشر ستاشر ساعة - كان لو حد من العيال عمل دوشة أو جه يلعب جنب كهفك كانت تموته : أبوكوا تعبان و شقيان : كان بيصطاد علشانّا و من حقه يريح و ليه علينا حق السمع و الطاعة .
فبالتالى لما كانت بتشوف ابتسامتك كانت بتقول : و الله و ضحكلى زمانى - كنت باصه لك من تحت و انت كبيييييير أوى و يحق لك .
تَنّك ِتحرِِب : مش قادر عالمصاريف لوحدى - الصيد بقى صعب أوى - مطلوب انك تشاركينى فى القنص عشان :أبصر المركب تمشى و مدرك القفة ام ودنين يشيلوها اتنين و جرجرتها معاك : طب يابو رحاب العيال اللى فى الكهف دول مين اللى هيقعد فى ريحهم يدافع عنهم ضد كلاب الغاية ؟: هى برضه - طب و الصيد اللى هتجيبوه مين اللى هيطبخوا ؟هى - طيب و الكهف مين هيكننسه و يرشه؟ هى .. طب و بالليل....؟ انت طبعا ؟؟!!ا
ثم ... اختلطت الأوراق و توترت المنظومة تحت مسمى "الواجب المقدس": و دى غلطتك الرهيبة : كشفت لها ورقك و ازحت الغموض الذى كان يحيط بك - بل و سلمت لها مفاتيح القياده - و كل ده ليه؟ عشان تناملك ساعتين تلاته زيادة و تلاقى وقت أكتر تقعد على قهوة المعلم ديناصور لتلهو مع رفاقك و تشرب لك "حجرين" زيادة - يااااااامفترى
- بقى بعد ده كله عايزها تفضل القطة المغمضة اللى بتبوس ايدك و انت بتحط لها التونة فى الطبق؟ مش انت اللى طلعتلها ضوافر عشان تساعدك فى مهام الغابة؟ مش انت اللى اصريت انها تطلق شاربها و لحيتهالتتخفى بهما من الوحوش اللى فى الشغل و أتوبيس 33 ؟ الله يسامحك بوظتلهاى شكلها تماما - لأ و من جبروتك جاى تقوللها انا خلاص مش طايقك هروح أدور لى على أى " انثى حيوان مفترس" فى الغابة تكون حسنة المظهر و بتقدس الحياة الزوجية و ....بتعرف.
انت متخيل انك عشان مابتشارك فى مصاريف الحياة تبقى فاتح بيت و رب أسرة؟ ولا فاكر انك عشان بتيجى البيت آخر الليل تنام فى وسط ولادك تبقى هى دى المسئولية؟ ولا فاكر عشان بتقوم ب "الواجبات الزوجية" تبقى عملت فيهم جميلة (حتى الأسم بايخ أوى و أبعد مايكون عن المغزى: أوجّب مع الجماعة- بايخ صحيح) - حقيقى انت مبقيتش : عارف - و ده طبيعى بسبب اختلال المنظومة.
هتقولى و انا مالى ماهما الحريم اللى طالبوا بالمساواة و حقوق المرأة و عملوا مظاهرات حنجورية و ... و ... وبعدين اصلا المراه تقول ايه : كان يوم اسود و كات شورة غطيسة : أنا مش فاهمة ايه النظرية من الصحيان كل يوم الساعة ستة الصبح و التشبيح فى المواصلات ولا ايه المتعة فى السواقة و الباركنج - و مالوا الصحيان الضهر و قضاء اليوم بين الصديقات و الكوافير و الباديكير و البابل باث (المغطس ولامؤاخذة) بدل الدش عالواقف فى خمس دقايق- و ترجع تلاقينى منتظراك يرنسيسة و بقولك نورت - وحشتنى - و الكلام اللى مافيش منو دلوقتى ده.
بس انت طماع ... صح؟ اعترف .. عايز بلح الشام و عنب اليمن .. اديك مانولتش الا" الكاكا" الصينى .. و حقيقى أصبحت كل تصرفاتك مش مهضومة ...
وبعدين تيجى بليل تقولك ايه
سيبنى فحالى دلوقتى هذاكر للعيال و بعدين أراجع تقريرين للشغل .. و انت بقى على رأى أم كلثوم : فـ" غدا الكاكا".

وسبحان الله تيجى بعد كدا تقولك
مش تزحل من
محلس حقك حليا
حقك عليا .. ماتزعلشى وتعملهم عليك



ايون !! انت مبتعرفش !!!!!! Adam2su9


طب و مقام الشهر الفضيل ماتاخد على خاطرك منى
دانتا نور عينى
خلاص بقى ماتزعلش
تعالى نقعد فى الفراندا دا الهوا الليلة يرد الروح يا حبة عينى
ايه يعنى لما أفضفض بكلمتين واقفين فى زورى – مش لازم أقولك اللى مزعلنى وشغلنى عنكعشان أصفى
هو انا ليا مين غيرك يعنى ؟
طب دانا عاملالك الرز بلبن اللى بتحبه ...
طب تعدمنى لتاكل الطبق ده – دانا عاملاهولك بايدى ... يا سيدى
دانا كنت عايزاك تاخد بالك بس انى تعبانة مالشغل و العيال .. و شغل البيت – مانا برضك بحس
كنت عايزاك تعذرنى لو ليلة دخلت من برة و مالقتنيش متوضبالك زى مابتحب
كنت عايزاك تطبطب عليا لو لقيتنى رابطة راسى مالصداع
كل اللى أنا كنت عايزاه شوية حنية .. حنية يا راجل من بتوع زمان قبل العيال مييجوا.. فاكرها يا حبة قلبى؟
هو أنا ليا بركة الا انت ؟ هى الضحكة بتطلع من قلبى الا معاك؟
طب و مقام الشهر الفضيل لتضحك بقى .. يووه مستخسرها فيا؟
أهو بتضحك .. و ربنا بتضحك ..ماتكتمهاش .. افرجها بقى عشان ربنا يفرجها
طب قوم البس جلابيتك – دانا غاسلاهالك و كاوياها بنفسى و معطراهالك
قوم يا خويا .. يابويا .. ياسندى .. ياحبة قلبى من جوة
يالا كل الرز بلبن بقى عشان أجيبلك الشاى أبو نعناع المعتبر
دانا مش عايزة غير ريق حلو .. كلمة حنينة .. ايدك على كتفى كفاية عليا
قوللى سلامتك .. تسلم ايدك .. متحرمش منك .. بس قولها من قلبك
على فكرة انا دمى خفيف و النعمة .. أخف من دم صحابك بتوع القهوة .. انكشنى بس و اتفرج
ادينى انت الأمان كده و أنا أعيشك فى جنة .. و أخليلك بيتك ده بيرقص مالفرحة
لأ مش بيتك .. أخليلك دنيتك كلها ترقص
يالا تعالى .. و رحرح مش بقولك الهوا يرد الروح !!

شوفت بقى ان هى اللى بتلعب بيك
وزعلان انك مبتعرفش
صحيح
روح يلا بقى
مش قالتلك ان الهوا يرد الروح


كل سنه وانتوا طيبين
الرجوع الى أعلى الصفحة اذهب الى الأسفل
مسلمه
المدير العام
المدير العام
مسلمه


انثى
عدد الرسائل : 304
العمر : 40
رساله رساله : ِانا بحب حياه
الاوسمه : ايون !! انت مبتعرفش !!!!!! 1187177599
do3a2 : ايون !! انت مبتعرفش !!!!!! 15781612
لا اله الا الله : ايون !! انت مبتعرفش !!!!!! 01_15710
احترامك لقوانين المنتدى : ايون !! انت مبتعرفش !!!!!! 41010
نقاط : 83
السٌّمعَة : 6
تاريخ التسجيل : 10/01/2008

ايون !! انت مبتعرفش !!!!!! Empty
مُساهمةموضوع: رد: ايون !! انت مبتعرفش !!!!!!   ايون !! انت مبتعرفش !!!!!! Emptyالثلاثاء مارس 31, 2009 7:49 am

جميل
الرجوع الى أعلى الصفحة اذهب الى الأسفل
 
ايون !! انت مبتعرفش !!!!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة حياه  :: المنتدى العام :: قسم المواضيع العامه-
انتقل الى: