ahlalove عضو نشيط
عدد الرسائل : 274 العمر : 37 رساله : do3a2 : لا اله الا الله : نقاط : 0 السٌّمعَة : 0 تاريخ التسجيل : 24/10/2008
| موضوع: المحطــــــــــة الجايه يا فندم الأحد نوفمبر 16, 2008 4:24 am | |
| صباح الخير ان كان صباحا
ومساء الخير ان كان مساء
\
/
\
/
تعالو نسمع هالئسه مع بعد
شخص ما بيحكى وبيقول:
انا كنت راكب المترو.. زحمة جدا يا ناس.. كنت حاسس إن اللي بينزل في محطة بييجي ومعاه قرايبه في المحطة اللي بعدها.. اتحشرت في حتة بين مجموعة من العظام البنى ادميه. . وفضلت واقف في مكاني ولا حد حاسس بيّ أساسا.. المهم وأنا واقف لاقيت راس شاب كده -ده اللي أنا شايفه منه- قدامي وهو بيلعب في الموبايل بتاعه أبو كاميرا اللي نفسي فيه والواد شكله مؤدب هاديييي.. قلت يا واد اتفرج جايز بيلعب.. جايز بيشوف كليب للفنانة "روبي" .. قربت منه وفجأة شفت العجب.. الشاب مشغّل الكاميرا وجايب صورة بنت في آخر عربية المترو وظبّط الزوووم لحد ما الصورة قربت جدا واستنى لما البنت كمان تبص عشان يبقى الوش كامل.. وكليك... لقط الصورة..
الغريب في الموضوع بقى إن الواد مابصش للبنت خالص ولا كأنه بيعمل حاجة.. هو شغال في الموبايل كأنه بيلعب فعلا ومستحيل حد يتخيل إنه بيصور.. ولا حتى أظن إنه شاف البنت بره الموبايل..
أنا شفت اللقطة دي بقى واتجننت.. وكل الكلام بتاع الكتب ده : الشرف.. العاااار.. الكرامة.. أخلاق ولاد البلد.. اعتبر إنها أختك.. خطيبتك -بعد الشر-.. مراتك بعد عمر طويل.. ستك الله يرحمها.. أي حد يعني.. وعلى طريقة "أدهم صبري" انفجرت الغدة اللي مش عارفها وطلعت كمية من الأدرينالين تكفي منتخب مصر عشان يفوز بكأس العالم.
قلت لنفسي:
هي موتة ولا أكتر.. اتجرأ.. مستحيل الناس يسيبوك. . أكيد الحميّة دي موجودة عندهم بس محتاجين اللي يوجّههم. . وبعدين على الأقل هاضرب واتضرب أو حتى هاتضرب وهمّ هيلحقوا يحوشوا.. أي حاجة يعني بس ماقبلش الكلام ده. . وبعدين من مات دون عرضه فهو شهيد ..
يا سلام لو الواحد مات شهيد. . وقعدت أقنع في نفسي لحد ما قلت خلاااااااص.. أنا هافرتكو..
خبطت على دراع الشاب. .
و"خير اللهم اجعله خير".. يا خبر
إيدي خبطت في كمية من العضلات ولا حديد الدخيلة.. ومجموعة عروق اللهم صلِّ ع النبي.. وشوية عضلات بقى متبعترين الجهة دي والجهة دي..
كل ما أشوف عضلة. . سبب من الأسباب يروح ..
قعدت أقول:
هي اللي غلطانة. . ازاي تسمح لنفسها تقف في مترو وهي لابسة محتشمة كده؟؟ وكمان كاشفة وشها ؟؟ يادي الكسوف..
وبعدين دي مستحيل تبقى أختي عشان أختي في البلد.. ولا ستي لأنها ماتت.. وبعدين دي مش بتقربلي عشان اموت عشانها .. وبعدين.......
قاطعني صوت بوابة قديمة بتتفتح
وهو صوت الشاب بيقول: فيه حاجة يا كابتن؟؟؟؟؟
قلت له :
حضرتك نازل المحطة الجاية ؟؟؟؟؟؟
| |
|
أمة الرحمن عضو برونزى
عدد الرسائل : 2766 العمر : 37 رساله : الاوسمه : do3a2 : لا اله الا الله : احترامك لقوانين المنتدى : نقاط : 9 السٌّمعَة : 9 تاريخ التسجيل : 24/09/2008
| موضوع: رد: المحطــــــــــة الجايه يا فندم الأربعاء نوفمبر 19, 2008 1:53 am | |
| ههههههههههههههه قصة حلوة بس للاسف كل الناس دلوقتى بقت سلبية وعندها لا مبالاة وكله بيقول وانا مالى | |
|