ااااسكت ......... مش ايد الشاكوش اتكسرت

مرة أب رجع من السفر وكان ابنه في استقباله و لما سأل الأب عن الأحوال في غيابه
الابن : نحن بخير لكن . . . .
الأب : لكن إيه
الإبن : ايد الشاكوش اتكسرت
الأب : و ايه اللي كسرها ؟
الابن : ما هو اخويا الصغير رمى الشاكوش على الكلب فمات الكلب وانكسرت ايد الشاكوش. ...الاب : و ليه اخوك رما الشاكوش على الكلب ؟
الابن : مش ال5 البقرات اللي عندنا هربوا ! فلحقهم الكلب فرما اخويا الشاكوش على الكلب فمات الكلب واتكسرت ايد الشاكوش . . . .

الاب : :وليه البقر هرب ؟!

الابن : مش اتحرقت المزرعة فالبقرهرب فلحقهم الكلب فرمى اخويا الشاكوش على الكلب فمات الكلب واتكسرت ايد الشاكوش

الاب : انت بتقول إيه ؟ ! ! ! . . . . . المزرعة اتحرقت ؟ ! ! !

الابن : مش البيت اتحرق فاتحرقت المزرعة و البقر هرب فلحقهم الكلب فرمى اخويا الشاكوش على الكلب فمات الكلب واتكسرت ايد الشاكوش

الاب : وماقلتش ليه من الأول ان البيت اتحرق ؟ ! ! !إيه اللي حرقه ؟ ! ! !

الابن : اخويا الصغير كان بيدخن فوقعت السيجارة على الارض فاتحرق البيت فاتحرقت المزرعة فهرب البقر فلحقهم الكلب فرمى اخويا الشاكوش على الكلب فمات الكلب واتكسرت ايد الشاكوش

الاب وهو يكاد يموت : اخوك الصغير بقى يدخن إزاي ؟ ! ! !

الابن: ما هو يا بابا من يوم ما ماتت ماما و البيت بقى

بابا بابا . . مالك يا بابا فيه إيه ؟ ! !

منقووووووووووووووووووووووووووو ووووووووول

هههههههههههههههههههه
شكرا ليكى

انت عارف لو ماكنش منقول كنت جبتك من الاي بي بتاعك والففك في الهوا سبع لفات واكسرلك ايدك بدل ايد الشكوك

ماتعمل معروف وتقولي منقول منين علشان اعمل كده في الي كتبه

بس بيني وبينك

موضوع مفتكس وشديد
عيش يا معلم

ههههههههه على فكرة أنا بنت مش ولد

طيب كويس انا على كدة كل موضوع هحط منقول مرسي كتير ليك

ههههههههههههههه
شكرا على الموضوع

العفو ومرسي كتير ليكى

يا احلي حب في الدنيا مع اني حالف اني ماكلمش بنات ابدا ابدا ابدا بس هاعتبرك حاله استثنائيه

عموما اعتبري الكلام الي قلته ده ماتكتبش لانه مايصحش امد ايدي علي انثي

شوفتي الجنتله

ولا يهمك ومرسي كتير لذوقك حصل خير

ههههههههههههههههه
شكرا ليكى

العفو ومرسي كتير ليك