شبكة حياه
مرحبا بك فى منتديات حياه بشكلها الجديد نتمنى ان تستفيد من دخولك المنتدى ولسهولة تصفح المنتدى والتمتع بخدماته بادر بتسجيل الدخول كعضو او مستخدم جديد


افلام - اغانى - برامج - اسلاميات - صور - دردشه وحورات - عالم الاسره والطفل - عالم المرءاه- حب ورومنسيات - فديوهات وصوتيان مش هتقدر تبطل داونلود....
 
الرئيسيةحافقظوا على مصرمكتبة الصورس .و .جبحـثالتسجيلدخول
منتدى الوظائف جديد منتديات حياه

شاطر | 
 

 علشان تعذروا الشباب !! (((((( اللى بيقول التقل صنعة يجى يشوف ))))))))))

اذهب الى الأسفل 
كاتب الموضوعرسالة
No LoVe
المدير العام
المدير العام
avatar

ذكر
عدد الرسائل : 9021
العمر : 33
الموقع : cairo
العمل/الترفيه : المحاماه
المزاج : الحمد لله ربنا يثبتنا
رساله رساله : ِانا بحب حياه
الاوسمه :
do3a2 :
عرفت المنتدى ازاى؟ :
لا اله الا الله :
المزاج :
احترامك لقوانين المنتدى :
نقاط : 12707
السٌّمعَة : 77
تاريخ التسجيل : 23/09/2007

مُساهمةموضوع: علشان تعذروا الشباب !! (((((( اللى بيقول التقل صنعة يجى يشوف ))))))))))   السبت أكتوبر 11, 2008 10:40 am



تتجـــوّزينـــي ؟؟




تتجوزيني ؟ -




ـ أفندم ؟


ـ بقولك تتجوزيني ؟


ـ ؟؟؟


ـ تتجوزيني ؟


ـ لأ


ـ ليه ؟


ـ بصراحة كدة شكلك مش عاجبني



ـ إزاي يعني ؟


ـ يعني .. أصل أنا ليا مواصفات معينة لفارس أحلامي


ـ مواصفات معينة ؟ .. هو انتي هتتجوزي عربية؟


ـ لأ ! .. بصراحة كده .. إنت مش فارس أحلامي اللي باتمناه




***********************************




ـ تتجوزيني ؟



ـ إيه ده ؟ شكلك اتغير


ـ إيه رأيك ؟


ـ واو .. شعرك بقة ناعم ! .. دي باروكة ؟


ـ أيوة


ـ ودي عدسات خضراء ؟


ـ أيوة


ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج


ـ مين عباس كيج ده ؟


ـ عباس ؟!! ياي .. إيه عباس دي ؟ اسمه نيكولاس



ـ مين نيكولاس ده ؟


ـ بقة مالكشي في السيما وجاي تكلمني ؟ .. ياي



***********************************


ـ تتجوزيني ؟


ـ انت لسه ليك عين تكلمني ؟


ـ أيوة .. أنا عرفت مين بنكرياس كيج ده



ـ أولاً : اسمه نيكولاس كيج


ـ أيوة أيوة .. كنت هاقول اسمه صح .. بس اختصرته .. ده ممثل



ـ ممثل إيه ؟


ـ ممثل أمريكاوي



ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي



ـ دونكي دي تبقى شتيمة ؟



ـ أوف كورس





***********************************


ـ تتجوزيني ؟



ـ عندك عربية موديل كام ؟




ـ موديل دي تبقى شتيمة ؟





***********************************





ـ تتجوزيني ؟




ـ قوللي الأول .. حاطط أنهي نغمة في الموبايل بتاعك ؟



ـ نغمة دي تبقى شتيمة ؟






***********************************

ـ تتجوزيني ؟




ـ ما قلتليش .. إنت بتشتغل إيه ؟


ـ أنا -بلا فخر- عاطل



ـ عاطل ؟ .. ياي


ـ مش أحسن من اللي ما بيشتغلش ؟



ـ لا



ـ يعني مش هتتجوزيني ؟


ـ لا



ـ كدة أنا أزعل



ـ ما تزعلش يا بابا .. خليك فريش



ـ ماشي .. ماشي .. بس قوليلي


ـ إيه ؟


ـ فريش دي تبقى شتيمة ؟






***********************************


ـ تتجوزيني ؟



ـ لقيت شغل ؟


ـ أيوة طبعًا .. سنتين وأنا بادور .. أخيرًا لقيت


ـ وإيه هو ؟


ـ سواق تاكسي


ـ ياي ! .. مش مكسوف وانت بتقولها ؟


ـ فيها إيه ؟ العمل شرف .. وكلها كام سنة وأجمع مبلغ كويس


ـ شرف ؟ جتك القرف




***********************************




ـ تتجوزيني ؟



ـ جمعت مبلغ كويس ؟


ـ طبعًا .. مبلغ كبير جداً


ـ قد إيه يعني ؟


ـ ألف جنيه



ـ نعم ؟!!! .. ألف جنيه دول تروح تسرح بيهم ببطاطا



ـ يعني موافقة ؟


ـ روح اتنيّل




***********************************




ـ تتجوزيني ؟



ـ عندك شقة ؟


ـ طبعًا .. أوضة على السطوح


ـ نعم ؟


ـ إيه المشكلة ؟! .. أحسن ما ننام في الشارع


ـ في الشارع ؟! .. إيه الألفاظ السوقية دي ؟ ياي ! .. لازم يا بابا

تجيب شقة




ـ طيب .. كلها كام سنة وأجيبلك أحسن شقة في الدنيا


ـ وهتجيبها في جاردن سيتي ولا في الزمالك ؟


ـ لا .. في الأهلي .. هيهع هيهع هيهع





***********************************

( بعد سنوات)


ـ تتجوزيني ؟




ـ جبت الشقة ؟


ـ أيوة .. الحكومة بتبني شقق للشباب وأنا خدت شقة .. صحيح

إنها اتأخرت لسبع سنوات .. لكن المهم إنها جات




ـ فانتاستيك



ـ بس الشقة ناقصة حاجة



ـ إيه هي ؟


ـ مفيهاش حمام


ـ امشي من قدامي ! .. مش طايقاك





***********************************


ـ تتجوزيني ؟


ـ إنت تاني ؟


ـ جبتلك حمّام إنما إيه



ـ خليه ينفعك



ـ ليه بس ؟ .. ده ينفع لينا احنا الاتنين



ـ وأنا مالي ؟


ـ مش عاجبك .. مش مشكلة .. أكتبه باسمك




***********************************


(بعد سنين)



ـ هتتجوزيني ولا أولع فيكي ؟



ـ ومالك محروق كدة ؟


ـ حكايتنا طولت قوي .. طولت أكتر من اللازم



ـ أوكي .. بس ممكن أعرف حاجة ؟


ـ إيه ؟



ـ إنت ليه متمسك بيا أوي كدة ؟


ـ أصل .. أصل



ـ أصل إيه ؟


ـ أصل أنا بحُبك

(بضم الحاء)




ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين



خليك روش وقول


I love you



ـ ماشي .. بس قوليلي


ـ نعم ؟


ـ روش دي تبقى شتيمة ؟




***********************************





ـ تتجوزيني ؟




ـ بصراحة .. في حاجة كنت عاوزة أقولهالك من زمااااااان



ـ إيه ؟


ـ أنا بصراحة .. مش شايفة إن في حد في العالم يستاهلني



ـ يا سلام ! .. ليه ؟


ـ عشان أنا جميلة .. خفيفة الدم .. رشيقة .. رقيقة



ـ رقيقة ؟! .. ده انت بدأتي تقشفي



ـ فشر



ـ فوقي لنفسك .. العمر بيجري



ـ أنا مصرة على رأيي



ـ يعني إيه ؟



ـ يعني اقطع معايا



ـ بعد كل السنين دي ؟! .. بعد كل الحب ده ؟


بلاش تراجيديا من فضلك -



ـ ماشي .. بس قبل ما أمشي عاوز أسألك سؤال واحد بس


ـ إيه هو ؟


ـ تراجيديا دي تبقى شتيمة ؟






***********************************


( بعد سنوات )




ـ تتجوشيني ؟


ـ إيه ؟


ـ تتجوشييينييييييي ؟


ـ إنت مين ؟


ـ أنا حبيبك يا هبلة .. البشي النضارة عشان تشوفيني



ـ طيب شاعدني عشان ألاقي النضارة



ـ آهي على الترابيزة قدامك



ـ فين ؟


ـ لا دي نظارتي أنا


ـ أيوة لقيتها



ـ البشيها بقة



ـ ططييبب



ـ عينيكي فوق شوية .. ده بقك



ـ طيب لبشهالي إنت



ـ عقبال ما البشك الدبلة



ـ ما تكشفنيش .. كنت بتقول إيه بقى ؟


ـ كنت بقول تتجوشششيييينيييييي ؟


ـ أكوشك ؟ .. إزاي ؟


ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي؟


ـ دي شتيمة ؟


ـ لاااااء .. بقولك تتجوشيني ؟


ـ آه !! .. أجوشك



ـ بالضااااابط .. هاه ؟


ـ شيبني أفكر



ـ أشيبك تفكري ؟! .. ده انت هتموتي خلاش


ـ لا .. شيبني أفكر بش



ـ ربنا يوفقك



ـ إيه ؟


ـ ربنا يوفقك



ـ بتقول إيه ؟


ـ ربنا ياخدك






***********************************


(على فراش الموت)




ـ تـ … كوح .. كوح .. تتـ .. كوح كاح كيح .. تتكو .. كوح .. كوح

تتكوشـ .. كوح كوح .. يني ؟


ـ مش شامعة



ـ بـ .. قوللـ .. كوح .. كوح .. بقولك .. تـ .. تـ .. كوح .. كوح

تتجوشيـ .. ؟ كوح .. كوح




ـ أجوش مين ؟


ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ

ش .. كوح كوح كيح .. ميـ .. كوح .. مين ؟



ـ إيه ؟



ـ لا .. كوح .. أبدًا .. كوح .. كنت … كح كح .. بأكح



ـ كنت بتكح ؟!!!! .. شلامتك .. ما قلتليش ليه ؟


ـ هو .. كوح .. إنتي .. لشة .. عارفـ .. ـة .. كوح كوح



ـ بتقول إيه ؟


ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو

شيـ .. كوح كوح كوح كوح .. نـي ؟



ـ أجوشك ؟!! .. طب بش خد الدوا الأول



ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح

كوح كوح .. ـني ؟



ـ أيوة يا حاج .. موافقة


موافقة إنك تتكوشني ..أخيـ….كوح كوح ..راااااً !! .. كوح كوح -

كدة أموت .. كوح كوح .. وأنا .. كوح .. مطمئن ومرتاح .. الودااا ..

كوح ..ع ع ع ع





ـ يا حاج .. يا حاج


لااااااااااااااااااااااااااااااااااااااااااااااااا اااا


هههههههههههههههههههههههههه

تحيــــــــــــــــــــــــــاتى

========== www.7aya.yoo7.com ==========


[center]
[center]

[ندعوك للتسجيل في المنتدى أو التعريف بنفسك لمعاينة هذا الرابط] الخاص بالفيس بوك
[/center]
[/center]
الرجوع الى أعلى الصفحة اذهب الى الأسفل
http://www.7aya.yoo7.com
أمة الرحمن
عضو برونزى
عضو برونزى
avatar

انثى
عدد الرسائل : 2766
العمر : 31
رساله رساله : ِانا بحب حياه
الاوسمه :
do3a2 :
لا اله الا الله :
احترامك لقوانين المنتدى :
نقاط : 9
السٌّمعَة : 9
تاريخ التسجيل : 24/09/2008

مُساهمةموضوع: رد: علشان تعذروا الشباب !! (((((( اللى بيقول التقل صنعة يجى يشوف ))))))))))   السبت أكتوبر 11, 2008 3:36 pm

ههههههههههههههه
ههههههههههه
هههههههههههه
ههههههههه
الرجوع الى أعلى الصفحة اذهب الى الأسفل
Love Heart
VIP
VIP
avatar

انثى
عدد الرسائل : 1638
العمر : 29
رساله رساله : ِانا بحب حياه
do3a2 :
لا اله الا الله :
نقاط : 0
السٌّمعَة : 0
تاريخ التسجيل : 12/07/2008

مُساهمةموضوع: رد: علشان تعذروا الشباب !! (((((( اللى بيقول التقل صنعة يجى يشوف ))))))))))   السبت أكتوبر 11, 2008 4:48 pm

ههههههههههههههههههههههه جميله اوى
الرجوع الى أعلى الصفحة اذهب الى الأسفل
 
علشان تعذروا الشباب !! (((((( اللى بيقول التقل صنعة يجى يشوف ))))))))))
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة حياه  :: منتدى الشباب والبنات :: قسم حزب النساء-
انتقل الى: