حوار دايما بيحصل للاسف في اي برنامج تلفزيونى
المذيع : الو مين معايا
سحر: انا سحر
المذيع : لو سمحت ممكن توطى التلفزيون شوية وتسمعينا من التلفون
سحر:خلاص ثانية واحدة...... حلو كدة
المذيع : تمام
المذيع : تحبي تسمعى اية انهاردة
سحر : انا عايزة اسمع اغنية لتامر حسنى
المذيع : حاضر يا سحر تحبي تهدي الاغنية
سحر: طبعا احب اهديها لماما ونينا وام احمد ومحمد خطيبي اصلي بحبه موت موت موت وليك انت كمان يا عسول انت يا جميل ولكل الكاست(الا يعنى البت جيه من امريكا) اللي عندك ولاسرة البرنامج والمخرج الكبير نصر محروس ( مش عارف هو ع طول في كل البرامج ازاي بس ما علينا)
المذيع : شكرا يا سحر
سحر : ممكن مامتى تكلمك اصلها معجبه بيك دا
المذيع : اكيد طبعا ازى حضرتك
ام سحر : الحمدالله (الا يعنى كان يعرفها)
ام سحر: بصراحة انا معجبة بيك جدا والشباب اللي معاك بجد هايل
المذيع :شكرا يامدام
االمذيع : تحبي تسمعى اية معانا
ام سحر: حاجة بقة من الزمن لكاظم الساهر اصلة عثل عثل عثل (مش عارف فين جوزها يمكن يكون هو كممان بيحب كاظم يلا بقي كلنا نحب كاظم )
المذيع : حاضر يا مدام تحبي تهديها لمين
أم سحر : لسحر وابو سحر ولحضرتك ولكل فريق العمل ( الا يعنى بيلعبوا ماتش كورة )
ام سحر : ممكن دودو تكلمك
المزيع : ازيك يا دودو عندك كام سنة يا حبيبتى
دودو: عندى خمس سنين
المذيع: وفين الباقي مش المفروض 32 سنه وكام درس
دودو : ماضحكنيش يا عمو لاحسن اجيبلك بابا
المذيع : لالالا
المذيع : تحبي تسمعى اية يا حبيبتى
دودو : اغنية السندباد يا عمو
المذيع حاضر يا حبيبتى
يلا سلام بعد ما خلص المكالمة
وبعدها ع طول
المذيع فاصل ونروح ع طول لاغنية العنب العنب للمطرب الكبير سعد الصغير ( ولا جاب اغنية ل تامر ولا كاظم ولا السندباد
__________________م
ن
ق
و
ل