شبكة حياه
مرحبا بك فى منتديات حياه بشكلها الجديد نتمنى ان تستفيد من دخولك المنتدى ولسهولة تصفح المنتدى والتمتع بخدماته بادر بتسجيل الدخول كعضو او مستخدم جديد


افلام - اغانى - برامج - اسلاميات - صور - دردشه وحورات - عالم الاسره والطفل - عالم المرءاه- حب ورومنسيات - فديوهات وصوتيان مش هتقدر تبطل داونلود....
 
الرئيسيةحافقظوا على مصرمكتبة الصورس .و .جبحـثالتسجيلدخول
منتدى الوظائف جديد منتديات حياه

شاطر | 
 

 تعالو نحلم ويبقى عندنا أمل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زائر
زائر



مُساهمةموضوع: تعالو نحلم ويبقى عندنا أمل   الخميس مايو 22, 2008 7:38 am

بسم الله الرحمن الرحيم
انا يا جماعه حضرت محاضره استاذ معز الى كانت فلauc
وحسيت ان من حقكم عليا ان زى ما انا الحمد الله استفدت منها اوى احاول احكيلكم على ملخص للمحاضره دى عشان الناس الى مش حضروها وكمان الناس الى حضروها ومش فهموها اوى فا انا هقول ملخص بسيط كده ليها اوك؟
المحاضره بدات بان تم تقديم استاذ معز فى الاول خالص
بعد كده تم عرض فيلم نقدر نقول انه بيتكلم عن عجله الحياه وان فى ناس عشان ينجحو فى حياتهم اتخلو عن فطرتهم وعن ان هما بشر لكن مش عندهم رحمه وده ظهر واضح اوى فى تعاملهم مع الكتاكيت بطريقه مفيهاش اى رحمه
وكمان ان هما تحولو الى الات بتشتغل وخلاص مفيش فى حياتهم اى سعاده يعنى نقدر نقول انهم بقو عبيد لشغلهم
وبعد الفيلم ما خلص دخل استاذ معز واتفق معانا انه هو هيتكلم كلام ابراهيمى بمعنى انه صالح للمسلم والمسيحى وكمان اليهودى واى انسان مؤمن بربنا
وبعدين سالنا عن انطباعاتنا عن الفيلم وبدانا نتكلم عن الفيلم ان فى مشكله اننا بدانا نبعد عن الفطره وعن الطبيعه وان العالم اتغير وبقا اسوء لما بعد عن الطبيعه وانهم يكسرو الطبيعه وان مبقاش عندهم رحمه بالرغم ان فى كلمه فلانجليش معناها ان الى مش رحيم مش انسان واضرار انهم مش بقا عندهم رحمه فقدو انسانيتهم
واتكلم ان هو كان عنده تجربه روحانيه فى aucوكمان كان عنده احلام كتييييييير واهداف كتير انه يكون رجل اعمال ناجح ويكون عنده مشروعاته وانه الحمد الله بيحاول يحققها
لكن بردو فى حاجه غلط فى الحضاره الجديده فى نفعيه ومصلحه مفيش انسانيه كل حاجه بتتعمل عشان فى من وراها نفعيه
كان ممكن ينجح ويلاقى لذه بس مش لاقى السعاده يعنى مجرد نجاح وخلاص س مش لاقى حاجه عميقه ولكن لما مر بالتجربه ا لروحانيه دى فهم ان السعاده مع ربنا لان ربنا هو الحق والعدل لكن بمجرد ما مر بالتجربه دى اصطدم بالواقع الواقع الى مش فيه الانسانيه او رحمه العالم ده الى فيه بلاد بترمى القمح فلمحيط عشان سعره مايقلش طيب فين المبادىء والقيم ده ربنا شايفنا
فالدين مش بس مظاهر ولحيه لكن لا الدين ده ليه اثار اكيد وهو كان بيدور على اثار الدين دى مش مظاهره ان اكيد الدين فيه حاجه تخلينا نحل مشكه العالم واتعرضت عليه اراء كتير لحل مشكله العالم ده
فى ناس قالت ان المشكله ان احنا مش عندنا وعى واننا بعيد عن ربنا واننا مش بنصلى ومش بنصوم اوك ده راى بس بردو لسه فى حاجه ناقصه
وناس قالت ان عشان احنا بنحب الدنيا اوى فربنا مش مبارك اوك ده بردو راى بس بردو لسه فى حاجه ناقصه
وناس تالته قالت دين ايه بس لا دى المشكله مشكله اقتصاديه
طيب ليه محدش جه قال اننا ممكن نجمع التلات اراء
كان ممكن انه يمشي مع الى بيقول عباده بس بس مش هيكون فى اى تنميه للمجتمع
اننا بنحب الدنيا اوى ولما تحاول تفكر فى حلول يديك حلول غير واقعيه يعنى مثلا تكون راكب مع سواق تاكسي وبعدين يعمل حادثه وانت عاوز توصل ليه انه يتوكل على الله ان شاء الله بس دلوقتى فى واقع ان هو عنده اقساط ومنشغل بقوت يومه فلازم من الاخذ بالاسباب
فمكنش شايف النتيجه بتاعت انك تؤمن بالله ان فى روحانيه وفى سعاده فى القلب ايماننا ده مش قادر يشوفه على الواقع مكنش قادر يربط بين الايمان ده وبين الواقع دى مشكله كبيره اوى
ففى مره كان فى مطار هيثرو وهما بيفتشو من بين كل عربي عربي فبداء يتناقش مع واحد فالراجل قله ان مشكلتكم انكم مش عندكم امل مش بتحلمو فالكلمه وجعته اوى ووجعته لانها صح فشكر الراجل ومشي وفكر فلقا ان الراجل معاه حق
الدنيا عموما مكونه من نوعين من البشر
نوع بيؤمن بالماده وغير مؤمن اطلاقا بالروح ودولعندهم طاقه جباره بيشتغلو 5 ايام فلاسبوع اربعه وعشرين ساعه فليوم عبيد لشغلهم وفى الاجازه بيكونو عبيد لشهوتهم بياخد بالاسباب بس مش بيفكر فى المسبب للاسباب دى نقدر نقول عليهم ماده بلا روح
ونوع تانى مؤمن بالروح بالاخلاق بالقيم بس معندوش طاقه مندوش شغل معندوش ابحاث كان الروحانيه عملت ليه احباط عنده عدم توازن فلطاقات اوك مؤمن بالروح بس فاشل
طيب اكيد لكل نوع من دول اضرار
اولا اضرار النوع الاول الروح بلا ماده هو شخصيه الموظف دايما يقول انا مالى سلبي دايما يبص للثقافه التانيه ويقول هم ليهم الدنيا واحنا لينا الاخره ويقول كده وهو زعلان ومكتئب
على المستوى الفردى ا
فى تاخر غير طبيعى
احساس بعدم القيمه دايما حلوله غير واقعيه
مهو لما سواق التاكسي عربيته اتخبطت وراه اقساط فتقوله ربنايكرمك قدر الله ومما شاء فعل ده مش حل عقلانى لا لازم يدول على حل قابل للتطبيق
عنده اكتئاب عاجز
دايما كسلان متواكل على ربنا
على المستوى العام بقا عنده تدهور سياسي واقتصادى مش قادر ياخد قرار معندوش عقليات قادره على صناعه مستقبل
ده النوع الاول طيب بقا النوع التانى اكيد بردو ليه اضرار عندهم ماده بس مفيش روح
الماديه ادت انهم عندهم اكتئاب كل 40 ثانيه فى شخص فى امريكا بينتحر
وان 17%من النساء فى بريطانيا بيحاولو الانتحار وده قبل عمر 25 سنه لان هما اهتمو بالماديه فبقا كل اهتمامتها انها تكون حلوه طيب لو مش حلوه يبقا خلاص فتعمل ايه
اتجهو للادمان
على المستوى الاسرى بتتحول العلاقه الى منتج ومستهلك
50%من اهل السجون فى امريكا من اسر مفككه الاب بيشتغل والام بتشتغل ومعندهمش وقت ومفيش احساس يبالقيمه فالاسره بتتفكك
معندهمش قيم بدليل ان هما لما نجحو وتقدمو مكنش عندهم امانه لا استخدمو النابالم و القنبله النوويه و دمرو هيروشيما ونجزاكى وده مش مقصود بيه ثاشخاص لا يقصد بيه ثقافه عامه
بقا لازم يكون عندهم رقابه مش عندهم رقابه داخليه من جواهم بدليل انهم بيستغربو اوى لما يكونو عندنا ومثلا تضيع محفطته ويلاقى حد يرجعها فده لانه هو بالنسبه ليه 90%من القانون ان هى لما حد لقاها بقت بتاعت الشخص الى لقاها ولو رجعها يبقا لازم يرجعها عشان حد شافه لما لاقاها (مش عنده قيم)
كتير اوى نلاقى حد يقول ان هو لقا فى الغرب مسلمين بدون اسلام وهنا اسلام بدون مسلمين لكن لا هما هناك بيعملو صوره الاسلام ده مش مؤمنين بيه ده بيعملو لمجرد النفع لان هما بيحققو وراء ده مصلحه
وعلى مستوى الامه لما كفرو بالغيب وبالله انتشر القبح الاخلاقى معدش عندهم جمال اخلاقى زى ما عملو فى نجازاكى وهيروشيما وجنون البقر انتشر ازاى؟انتشر لما هما فكرو بطريقه ماديه احنا ليه نجيب ليهم اكل ل احنا نسيبهم ياكلو الى يموتو منهم فبوظو النظام الا تطغو فى الميزان
فين العقليات الى عندنا الى تقدر تحمل الامانه دى بتاعت اعمار الارض فين الابحاث بتاعتنا هما عملو ايه دمرو العالم لما تقدمو و لما سيبنا التقدم المادى وما تقدمناش اولو يموتونا وادينا مثال قبل كده بالقمح الى بيرموه فلمحيط
وفى احلام كتيييييير وبيؤمن بالله وبالواقع وزلازم اننا نحلم ومن اكتر الحاجات الى بتخلى الناس تنجح انهم بيعرفو يشوفو احلامهم ويحددو احلامهم ويقدرو يوصفو احلامهم ويقولو احلامهم يعنى فمره استاذ عمرو اديب كان مستضيف شيخ انت بتتصور ايه وايه احلامك؟ فقال له حاجات ماديه اوى وان الستات تكون محتشمه والبارات تقفل فالراجل رد وقاله لا انا بحلم بالعدل وان الناس تحب بعض وبالمبادىء والقيم والاخلاق يلا نحلم بالعالم ده
وكلمه الحلم مرتبطه بكلمه حليم انك قادرعلى الصبر وعاقل ازاى نحلم و احنا مش عندنا رؤيه؟
لو احنا محاولناش اننا نحلم ونتطور وننجح ومهم اوى ان النجاح ده يكون عشان ربناvفالعالم كده هيتدمر لان هما لما نجحو دمرو لعالم عملو كوارث وتقب الاوزون و قلت نسبه الاكسجين حصل احتباس حرارى ولو احنا مافوقناش امتى احنا هنفكر نفهم هنبص للسما؟ تعرفو ان اسماء 75%من اسماءالنجوم الى فى وكاله ناسا لسه اسمائها عربيه لان احنا قبل كده فكرنا وبصينا حوالينا عرفنا النجوم دى امتى احنا هنبص حوالينا تانى لازم تعمل كده عشان يكون عندنا
مصانع والات وتكنولوجى ومعامل وكمان يكون عندنا عدل وحق وجمال
الطريق الصح مش هيكون فيه سعاده لو احنا محاولناش نحل المشكله الاقتصاديه وهنحاول نحل المشكه الاقتصاديه دى عشان ربنا وان الامه بتاعت سيدنا ابراهيم لازم تنجح عشان ربنا
طيب يلا نفكر فى الحلول
لازم اننا نتبع الفطره بتاعت سيدنا ابراهيم
واننا نفهم التصور الصح للدين يعنى لما يجى واحد يقول ان التصور الصحيح لحل المشكله الاقتصاديه فلصلاه والصوم قوله اه صح بس فى تانى
لما يجى واحد يقولك انمشكلتنا اننا بنحب الدنيا اوى اوك صح بس فى تانى
لما يجى واحد يقولك ان ا المشكله مشكله اقتصاديه ومش لازم نصلى قول ليه اه المشكله اقتصاديه بس لا لازم نصلى لازم نتبع ربنا عشان نكون ناجحين
طيب ليه ربنا خلقنا؟لازم يكون فى علاقه بين النجاح فى الماده والنجاح فى الروح
ربنا خلقنا ل3 اسباب هى
1_عباده ربنا
2_عماره الارض
3_تزكيه النفس
اوك ربنا طلب مننا حاجات ظاهره لازم نعملها ونصلى نصوم نلبس حجاب والعباده الصادقه اوك
بس احنا هنا بردو لعماره الارض وعشان نعمل تقدم نبنى معامل ومصانع ومستشفيات كمان مطاع م و ننشر المعرفه ونعرف ربنا اكتر ونعمل عربيات لازم يكون عندنا توازن لان عماره الارض مهم اوى
وكمان تزكيه النفس العجب ان الواحد يكون معجب بنفسه وده يعتبر من امراض النفس انك تعجب بنفسك وانك حاجه زى ما الشيطان اعجب بنفسه
لازم متحسش بالعجب انت اوك ناجح وغنى لكن بردو انت عبد الله الى هو الحق والعدل فلازن نقوم تانى لازم نعبد ربنا صح وكمان نعمر الارض وكمان نزكى النفس لازن نعمل التلات حاجات مع بعض
وفى احلام احنا لازم نحلمها زى اننا ننجح ومنرميش القمح فلمحيط ولما عربيه تتخبط ناخد بالاسباب وده مهم اوى الاخد بالاسباب واننا نقول حلول واقعيه مينفعش نعيش فلعالم واحنا مش بنفكر بواقعيه العالم هيتدمر لازم نبص لاضرار التقدم بالطريقه منغير روح اتجهو للخمور والمخدرات لان المخدرات هى البديل الخاطىء للروحانيه
فلازم نعمر الرض ونعبد ربنا ونزكى النفس لانننا خلقنا عشان كده وكمان نحس بالايمان واللذه والروحانيه
لذلك لازم العالم نكون قادرين على التحكم فيه ونطوره لكن ما نكونش بنحب الدنيا اوى متبقاش فى قلوبنا وليس العالم هو القادر على التحكم فينا ولان ربنا خلقنا عشان نعمر الارض ونزكى النفس
لازم نكون نتعامل بانسانيه يعنى منسببش اى دمار باى طريقه و هنعمل تنميه هنعمل اننا نجعل ينتشر العدل والحق والجمال وان ميكونش فى فقر
مش هيكون عندنا عدم توازن فلطاقه مش هنكون روحانين بس مش عارفين نشتغل ولا بردو مادين وعندنا طاقه بس ملناش دعوه بربنا
لا هنكون فالنص روحانين وعندنا توازن وبنؤمن بالحق والخير والجمال والعدل سواء يهودى او مسيحى او مسلم او دين ابراهيمى وفنفس الوقت باخد بالاسباب عشان ربنا لو قامت القيامه وفى ايدك زرعه ازرعها لازم نكون خلاقين لان احنا خلفاء ربنا فى الارض

وبعد كده بداء استاذ معز يستقبل اسئلتنا وكان من ضمن الاسئله سؤال عن ان ليه فى ناس مش بيكون عندها هدف فقال ان لا فى تلاته اسباب اولا انه يكون حد مش مؤمن فمش عنده هدف
او انه حد مؤمن بس مش فاهم كويس ليه ربنا خلقنا
او انه شايف ان عماره الارض مش من الدين

( منقول )
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: تعالو نحلم ويبقى عندنا أمل   الخميس مايو 22, 2008 5:09 pm

اية الجمال دة؟؟؟؟
الرجوع الى أعلى الصفحة اذهب الى الأسفل
nosoo
عضو فعال جدا
عضو فعال جدا


انثى
عدد الرسائل : 942
العمر : 26
الموقع : & nesren &
العمل/الترفيه : طالب
المزاج : مشغول دايما
رساله رساله : ِانا بحب حياه
الاوسمه :
do3a2 :
لا اله الا الله :
نقاط : 60
السٌّمعَة : 60
تاريخ التسجيل : 10/12/2007

مُساهمةموضوع: رد: تعالو نحلم ويبقى عندنا أمل   الجمعة مايو 23, 2008 2:14 am

رائع
تسلم اديك
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: تعالو نحلم ويبقى عندنا أمل   الجمعة مايو 23, 2008 3:31 am

ممتاز ميتو تسلم ايدك
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: تعالو نحلم ويبقى عندنا أمل   الجمعة مايو 23, 2008 3:43 pm

شكرا ليكو على المتابعة وبوعدكو بالمزيد أنشاء الله



(مع خالص تحياتى )
الرجوع الى أعلى الصفحة اذهب الى الأسفل
nosoo
عضو فعال جدا
عضو فعال جدا


انثى
عدد الرسائل : 942
العمر : 26
الموقع : & nesren &
العمل/الترفيه : طالب
المزاج : مشغول دايما
رساله رساله : ِانا بحب حياه
الاوسمه :
do3a2 :
لا اله الا الله :
نقاط : 60
السٌّمعَة : 60
تاريخ التسجيل : 10/12/2007

مُساهمةموضوع: رد: تعالو نحلم ويبقى عندنا أمل   الأحد مايو 25, 2008 2:32 am

ان شاء الله
الرجوع الى أعلى الصفحة اذهب الى الأسفل
 
تعالو نحلم ويبقى عندنا أمل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة حياه  :: المنتدى العام :: قسم المواضيع العامه-
انتقل الى: