شبكة حياه
مرحبا بك فى منتديات حياه بشكلها الجديد نتمنى ان تستفيد من دخولك المنتدى ولسهولة تصفح المنتدى والتمتع بخدماته بادر بتسجيل الدخول كعضو او مستخدم جديد
شبكة حياه
مرحبا بك فى منتديات حياه بشكلها الجديد نتمنى ان تستفيد من دخولك المنتدى ولسهولة تصفح المنتدى والتمتع بخدماته بادر بتسجيل الدخول كعضو او مستخدم جديد
شبكة حياه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


افلام - اغانى - برامج - اسلاميات - صور - دردشه وحورات - عالم الاسره والطفل - عالم المرءاه- حب ورومنسيات - فديوهات وصوتيان مش هتقدر تبطل داونلود....
 
الرئيسيةحافقظوا على مصرأحدث الصورالتسجيلدخول
منتدى الوظائف جديد منتديات حياه

 

 بالصور: تعلم كيف تحجز تذكرة سفرك بنفسك من الإنترنت

اذهب الى الأسفل 
2 مشترك
كاتب الموضوعرسالة
No LoVe
المدير العام
المدير العام
No LoVe


ذكر
عدد الرسائل : 9021
العمر : 39
الموقع : cairo
العمل/الترفيه : المحاماه
المزاج : الحمد لله ربنا يثبتنا
رساله رساله : ِانا بحب حياه
الاوسمه : بالصور: تعلم كيف تحجز تذكرة سفرك بنفسك من الإنترنت 110
do3a2 : بالصور: تعلم كيف تحجز تذكرة سفرك بنفسك من الإنترنت 15781612
عرفت المنتدى ازاى؟ : بالصور: تعلم كيف تحجز تذكرة سفرك بنفسك من الإنترنت Untitl72
لا اله الا الله : بالصور: تعلم كيف تحجز تذكرة سفرك بنفسك من الإنترنت 01_15710
المزاج : بالصور: تعلم كيف تحجز تذكرة سفرك بنفسك من الإنترنت Glg10
احترامك لقوانين المنتدى : بالصور: تعلم كيف تحجز تذكرة سفرك بنفسك من الإنترنت 21010
نقاط : 12707
السٌّمعَة : 77
تاريخ التسجيل : 23/09/2007

بالصور: تعلم كيف تحجز تذكرة سفرك بنفسك من الإنترنت Empty
مُساهمةموضوع: بالصور: تعلم كيف تحجز تذكرة سفرك بنفسك من الإنترنت   بالصور: تعلم كيف تحجز تذكرة سفرك بنفسك من الإنترنت Emptyالأحد مارس 07, 2010 4:15 am


سم الله الرحمن الرحيم

والصلاة والسلام على أشرف الخلق سيدنا محمد صلى الله عليه وسلم


الإخوة الكرام


أحببت أن أعرض لكم بأسلوب شرح مصور ومبسط إن شاء الله ازاي تقدر بنفسك تحجز تذكرة سفرك على الإنترنت، تختار تاريخ ووقت سفرك ووجهتك وتختار مكان جلوسك المفضل في الطيارة وحتى إختيار وجبتك المفضلة كل هذا وأنت في مكانك في البيت، ولا تستنى دورك في مكاتب الحجز وشركات السياحية ولا غيره وتتحكم بشكل كامل بتذكرتك، توصلك التذكرة على ايميلك بعد إتمام عملية الحجز، تطبعها وتشيل شنطتك وعلى المطار.


منظمة الطيران المدني الكندية وهي المسؤولة عن شركات الطيران في العالم، أصدرت قرار لجميع شركات الطيران في العالم كله بإنتهاء العمل بالتذاكر الورقية الي عاملة زي الدفتر الصغير دي الي كنا بنستخدمها زمان، والقرار ده تم تطبيقه من بداية شهر يوليو الفائت وبذلك إختفت هذه النوعية من التذاكر تماما وأصبحت التذاكر المعتمدة حاليا هي التذاكر الإلكترونية e-ticket بمعنى انها عبارة عن تذكرة من ورقة واحده عادية فيها كل بياناتك ورقم رحلتك ومعادها وتاريخها وحتى رقم الكرسي الخاص بك وكل الخدمات التي طلبتها ستجدها في التذكرة.


فائدة القرار الجديد لإعتماد التذاكر الإلكترونية: الهدف الرئيسي هو المحافظ على البيئة عن طريق توفير كمية الورق التي كانت تستخدم في السابق في طباعة التذاكر القديمة والهدف الثاني هو التسهيل على المسافر بحيث ان قديما لو المسافر فقد تذكرته قبل السفر بيضطر انه يروح لمكتب الحجز الي حجز منه ويصدر تذكرة تانية بتكاليف تانية لكن المشكلة دي اتحلت مع التذكرة الإلكترونية حيث يكفي ان تفتح ايميلك بعد أن قمت بإتمام الحجز وتطبع التذكرة عشرين مرة زي منت عايز وتاخدها معاك وقت سفرك بكل سهولة.


الدرس ده عن كيفية حجز تذكرتك بنفسك على خطوط مصر للطيران وسأقوم بإرشادك خطوة بخطوة عبر خطوات الحجز السهلة جدا حتى على المبتدئ، بس رجاء إستنى شوية على ما جميع الصور تتحمل وعددها 9 صور علشان تقدر تتابع الشرح بشكل كويس من غير ما يفوتك حاجة.


*********************
ده شكل الصفحة الرئيسية لموقع مصر للطيران


[ندعوك للتسجيل في المنتدى أو التعريف بنفسك لمعاينة هذا الرابط]



بالصور: تعلم كيف تحجز تذكرة سفرك بنفسك من الإنترنت 34233811mr3


أول مرة هتدخل فيها الموقع ده هيطلب منك تختار الدولة (الي انت مقيم فيها حاليا) او بمعنى أدق الي هتسافر منها، هتفتح القائمة (1) وتختار منها الدولة، هتلاحظ طبعا إن مش كل دول العالم متاحة يعني على سبيل المثال الي عايش في السعودية هيلاحظ ان السعودية مش موجودة من ضمن القائمة، في هذه الحالة عليه يختار World Wide


1- لإختيار الدولة التي سيتم الإقلاع منها.


2- (المدينة أو الدولة أو كود المطار) الي انت مسافر منها (محطة الإقلاع) في المثال ده إخترت إني هسافر من مطار القاهرة، هتلاحظ إنك أول ما تبدأ تكتب أو حرفين من كلمة Cairo ان قائمة ظهرت تلقائيا بتعرضلك كل المدن المتاحة لمصر للطيران التي تبدأ بأول حرفين Ca وكل ما تزود عدد حروف الكتابة كلما قلت المدن المعروضة أمامك لحد ما توصل لمدينة القاهرة Cairo، وإذا معرفتش اسم المدينة او غيره فكل ما عليك إنك تضغط على Find a City بجانب المستطيل وتختار الدولة وبعد كده تختار المدينة من القائمة وبعد كده تختار المطار.

3- (المدينة أو الدولة أو كود المطار) الي انت مسافر إليها (محطة الوصول) في المثال ده إخترت إني هسافر إلى دبي وبرده تقدر تتبع نفس التعليمات الي فوق في إختيار وجهة السفر.


4- هنا خلي بالك إنك تختار إذا كانت رحلتك هتكون ذهاب وعودة Round Trip أو ذهاب فقط One Way علشان طبعا فرق السعر بين حجز تذكرة ذهاب فقط أو ذهاب وعودة فمتنسهاش للأهمية، وفي المثال بتاعنا إخترت إني هسافر في رحلة ذهاب وعودة.


5- هنا ومن المستطيل على الجهة اليسرى هختار التاريخ الي هسافر فيه (تاريخ المغادرة من القاهرة إلى دبي) وذلك عن طريق الضغط على الأيقونة الي عليها دائرة حمراء.


6- ومن المستطيل على الجهة اليمنى أيضا هختار تاريخ العودة بتاعي (تاريخ العودة من دبي إلى القاهرة) بنفس الأسلوب والطريقة.


7- هنا هنختار الدرجة الي هسافر عليها على متن الطيارة وطبعا كله بتمنه زي تذاكر القطر كده
First ودي الدرجة الأولى - Business ودي درجة رجال الأعمال - Economy ودي الدرجة السياحية أو الإقتصادية ودي الي أغلب الناس بتسافر عليها لأنها أقلهم في السعر وأقلهم أيضا في الخدمات والراحة في كرسي الطائرة (على حسب طرازها طبعا) وأقلها في الوزن المسموح ليك وأقلها في الترفيه ونوعية الأكل المقدم ليه وخلافه، وفي مثالنا هنا إخترت إني هسافر على الدرجة السياحية.


8- هنا هحدد عدد الناس الي هتسافر في الحجز بتاعي، وعايزين نفسهم هنا معلومات بسيطة:


هتلاحظوا إن القسم ده متقسم إلى ثلاثة أقسام: ***** بمعنى شخص بالغ عمره من 12 سنة بالظبط أو أعلى - Child بمعنى طفل عمره من سنتين إلى 11 سنة و 11 شهر بالظبط - Infant بمعنى طفل رضيع عمره من يوم واحد لحد سنة واحدة و 11 شهر بالظبط

السبب في التحديد ده إن تذكرة الشخص البالغ تعتبر تذكرة كاملة بسعر معين على حسب تاريخ وموسم سفرك وتذكرة الطفل الي أقل من 12 سنة بيبقى سعرها نص ثمن تذكرة الشخص البالغ والطفل الرضيع الي أقل من ستين بتبقى تذكرته تقريبا نص سعر تذكرة الطفل فمهم إنك تحدد لنظام الحجز عدد وأوضاع الناس المسافرين معاك، وفي مثالنا إخترت إني مسافر لوحدي كشخص بالغ.


9- أخد نظرة سريعة على البيانات الي أدخلتها واتأكد من التواريخ ووجهات السفر والدرجة السياحية الي اخترتها ثم أضغط على زر Show Availability علشان يبدأ يعرض لي جداول الرحلات حسب إختياراتي السابقة.


*********************


بالصور: تعلم كيف تحجز تذكرة سفرك بنفسك من الإنترنت 66070276zu9


هنا عرض لي جداول الرحلات الذهاب والعودة في التواريخ إلي انا اخترتها وهي كالتالي


1- في الجدول ده هنلاحظ إن ده جدول الرحلات المغادرة Outbound من مطار القاهرة إلى دبي Cairo - Dubai وهنلاحظ في نفس الجدول ده إن في رحلتين في يوم 11 سبتمبر إلى إخترته مسبقا، رحلة هتقوم من مطار القاهرة الساعة 9 صباحا بتوقيت القاهرة توصل مطار دبي الساعة 2 ونص ظهرا بتوقيت دبي، الرحلة دي هتستغرق 3 ساعات ونص 3:30 كما هو موضح - الرحلة دي 0Stops بمعنى إنها رحلة مباشرة من القاهرة إلى دبي بدون توقف (ترانزيت) وعلى الدرجة السياحية الي إخترتها Economy


2- الجدول الي على اليمين ده بيبين رحلات العودة Return من مطار دبي إلى مطار القاهرة في تاريخ 11 أكتوبر إلي أنا إخترته مسبقا أيضا من البداية وفيه برده نفس البيانات السابقة الي شرحتها في النقطة رقم (1).


3- بعد ما نختار مواعيد الرحلات الي تناسبنا حسب رغباتنا من جدول الرحلات المغادرة وحدول رحلات العودة، هنا موقع الحجز بيدينا خيارين للحجز: الأول هو Lowest Fare بمعنى أرخص سعر متوفر للحجز والثاني هو Restricted Fare بمعنى حجز بشروط معينة وهشرح الفرق ما بين الإتنين:


Lowest Fare: وده الي أغلبنا بنستخدمه ميزته إنه بيحجزلك بأرخص سعر متوفر ولكن بشرط إن مش مسموحلك تعدل في تاريخ الحجز بتاعك لو حبيت تغير رأيك أو تغير في معاد السفر حتى لو في نفس اليوم أو إنك تلغي الحجز بتاعك نهائي لو قررت إنك متسافرش لأن لو حبيت تاخد قرار في أي حالة من الحالات السابقة هتقع عليك غرامة تغيير أو تعديل أو إلغاء الحجز وده بسبب إنه وفرلك حجز بسعر رخيص ولكن إنت متخسروش بتعديلك أو برفضك للحجز بعد كده فتعتبر شروط مقيدة.


Restricted Fare: وده عكس النظام السابق، حجز بسعر أعلى شوية ممكن يوصل ل 500 جنيه تقريبا ولكن من غير شروط أو قيود، عدل في تاريخ سفرك أو معاده أو ضيف أشخاص تانية مسافرة أو شيل ناس من على تذكرتك وخلافه مش مشكلة.


طبعا أغلبنا متأكد من مواعيد سفره ومش ناوي يغير فيها حاجة وبكده هنختار نظام الحجز Lowest Fare


4- بعد ما نتمم على إختياراتنا وعلى مواعيد السفر وتاريخه والوقت نضغط على Check Price علشان يعرضلنا سعر التذكرة حسب الإختيارات بتاعتنا.


*******************
بالصور: تعلم كيف تحجز تذكرة سفرك بنفسك من الإنترنت 71590017fp3


هنا ملخص للرحلات بتاعتي الي هسافر وأرجع بيها حسب خياراتي السابقة:


1- رقم الرحلة بتاعتي الي اقدر اعمل Check بيها على جدول الرحلات وهو في حالتنا هنا رحلة MS912


2- الدرجة الي حجزت عليها وهي السياحية Economy


3- الفترة الزمنية للرحلة من محطة الإقلاع القاهرة - دبي وهي 3 ساعات ونص


4- نوع وموديل الطائرة الي هسافر عليها وهي هنا من شركة Airbus الأوروبية موديل الطائرة A330 للي بيعرف في موديلات الطائرات


5- إجمالي سعر تذكرة السفر والعودة وهو هنا بمبلغ 3441 جنيه وفي السطر الي قبله عارض لي تفاصيل سعر تذكرتي بعد ما أضاف الضريبة وخلافه.


6- لو حبيت أقدر أحول سعر التذكرة من الجنيه المصري لو حبيت مثلا أعرف تساوي قد إيه بالدرهم الإماراتي أو الدولار الأمريكي عن طريق الضغط على اللينك ده واختار البلد وعملتها الي عايز أحول ليها.


7- اتأكد إن كل شيئ تمام حسب إختياراتي اضغط بعدها على زر Traveler Details


****************
بالصور: تعلم كيف تحجز تذكرة سفرك بنفسك من الإنترنت 70105001ak7


هنا هبدأ أدخل بياناتي الشخصية كمسافر وهننا ننتبه لنقطة هامة جدا ضروري إننا نكتب البيانات زي ماهي مكتوبة بالظبط في جواز السفر، يعني الي إسمه Ahmed في جواز سفره يكتبه زي ماهو ميكتبوش Ahmad علشان ميواجهش مشاكل في المطار


1- دي بيانات المسافر رقم (1) إلي هو أنا، بما إني المسافر الوحيد Traveler 1 ولو كان في أكتر من مسافر فهيظهرلي Traveler 2 وهكذا.


2- إختار اللقب: السيد - السيدة - الدكتور ... إلخ.


3- إسم العائلة


4- إسمك الشخصي


5- هتسيبه فاضي بما إنك مش عضو في نظام EgyptAir Plus


6- الإيميل الشخصي بتاعك وده مهم علشان ده الي هيتبعتلك عليه تذكرتك بعد ما تخلص إجاراءت الحجز علشان تقدر تطبعها وتسافر على طول.

7- تليفون المنزل


8- إسمك بالكامل زي ماهو مكتوب بالظبط في بطاقة الإئتمان الخاصة بيك الي هتستخدمها في الدفع.


9- رقم تليفونك مع كود الدولة


10- ضع علامة صح هنا إذا حبيت إن السيستم يفتكر بياناتك في المرة الجاية لما تيجي تعمل حجز جديد من خلال الموقع ويوفر عليك كتابة بياناتك من جديد كل مرة.


11- ضع علامة صح هنا علشان تقدر تختار مكان الكرسي بتاعك في الطيارة لو تحب تقعد جنب الشباك أو في الصف الي في منتصف الطائرة بالإضافة لإختيار وجبتك المفضلة وأي خدمات أخرى تحب تطلبها.


12- ضروري نشيك على بياناتنا الشخصية بعد كده نضعط على Purchase


*******************
بالصور: تعلم كيف تحجز تذكرة سفرك بنفسك من الإنترنت 99673960rk4


هنا الصفحة الي هنختار منها الطلبات الإضافية:


1- نضغط على select seat علشان نختار الكرسي بتاعنا مكانه فين والكرسي الي هنختاره هيتكتب رقمه (الكود بتاعه) في المربع الصغير الي تحت كلمة select seat (تابع الصورة التالية لمزيد من الشرح).


2- هنا تختار نوع الوجبة المفضلة، مثلا وجبة Moslem علشان تضمن إنها متحتويش على لحم خنزير أو كحوليات، في وجبات أخرى زي مثلا وجبة خاصة بالأطفال لو معاك أطفال، وجبة قليلة الأملاح للي بيشتكوا من ضغط الدم المرتفع زي أغلب شعب بلدنا، وجبة قليلة الكوليسترول - وجبة خاصة باليهود - وجبة بحرية سمك وخلافه بس مستبعد يبقى فيها جمبري طبعا وخلافه (دي خاصة برحلة الذهاب من القاهرة إلى دبي).


3- نفس النقطة السابقة ولكن دي التفضيلات الي تحبها بالنسبة لرحلة العودة الخاصة بيك من دبي إلى القاهرة.


4- أيضا نفس الإختيارات السابقة المتاحة ولكن لرحلة العودة.


5- دي خاصة للأشخاص الي محتاجين مساعدة من نوع معين زي الأشخاص المصابين بالصمم أو بالعمى أو شخص كبير في السن محتاجين مساعدة للصعود على الطائرة أو سيدة حامل محتاجة لمتابعة ورعاية طبية على الطائرة


6- كله تمام وظبطت أكلك ومكانك على الطيارة؟ اضغط على Save


********************


بالصور: تعلم كيف تحجز تذكرة سفرك بنفسك من الإنترنت 57384347su9


الشاشة دي خاصة بإختيار مكان الكرسي الي عايز احجزه ليا في الطيارة، طبعا دي صورة مخطط للكراسي المتوفرة:


الكراسي الي باللون الأبيض دي الشاغرة الغير محجوزة حاليا.


الكراسي باللون الأزرق دي الي تم حجزها خلاص وغير متاحة لإختيارها.


أقدر هنا أختار الكرسي الي عايز أحجزه سواء جنب الشباك أو في منتصف الطائرة وخلافه عن طريق الماوس مجرد أعمل Click على مكان الكرسي المفضل ويظهر لونه باللون البرتقالي.


1- مخطط للكراسي المتوفرة على الطائرة.
2- رقم الكرسي الي تم اختياره زي ماهو ظاهر في الصورة باللون البرتقالي.
3- بعد ما أختار اضغط على زر Save


*********************
بالصور: تعلم كيف تحجز تذكرة سفرك بنفسك من الإنترنت 39503473og7


هنا صفحة ما قبل الدفع بإستخدام البطاقة الإئتمانية الخاصة بيك:


1- هنا هتختار نوع الكارت الخاص بيك اذا كان Visa أو MasterCard


2- هتكتب اسمك كامل زي ما هو مكتوب بالظبط على بطاقة الإئتمان الخاصة بيك مرة تانية.


3- هنا هتختار لو عايز النظام يفتكر إختياراتك السابقة الخاصة بالكرسي وبالوجبة المفضلة ليك في حالة إجراء حجز جديد من الموقع.


4- لازم هنا تعمل علامة صح علشان توافق نهائيا على شروط الدفع والسياسة الخاصة بالموقع مش سياسة بلدنا متخفش.


5- كله تمام؟ اضغط على Payment


******************
بالصور: تعلم كيف تحجز تذكرة سفرك بنفسك من الإنترنت 19053298ol1


الموقع هيحولك لصفحة خاصة يقوم فيها البنك الأهلي المصري بدور الوسيط في عملية الدفع المشفرة والآمنة تماما ما بيك البنك الخاص بيك ومابين مصر للطيران.


1- طبعا بما أني إخترت ان بطاقتي من نوع Visa مسبقا فهنا هضغط على شعار Visa


*******************
بالصور: تعلم كيف تحجز تذكرة سفرك بنفسك من الإنترنت 10of1


هنا هتبدأ تكتب رقم الكارت الخاص بيك بالأسلوب التالي علشان يخصم منه تمن تذكرتك:


1- هتكتب رقم الكارت من الشمال لليمين، كل 4 أرقام في خانة وممكن في الخانة الرابعة الأخيرة تتضمن أربع أرقام أو أكتر على حسب نوع البطاقة الخاصة بيك.


2- هنا هتكتب تاريخ إنتهاء بطاقتك الإئتمانية كما هو مكتوب على بطاقتك نفسها: الشهر على الجهة اليسرى والسنة على الجهة اليمنى.


ملاحظة: السنة بتتكتب برقمين يعني لو تاريخ إنتهاء بطاقتي في عام 2009 فهكتب آخر رقمين من ناحية اليمين كدليل على سنة الإنتهاء وهو 09


3- هتكتب الرقم السري لبطاقتك (مش الي بتستخدمه في السحب الكاش من أجهزة الـ ATM) ولكن الرقم عبارة آخر ثلاثة أرقام مطبوعة على ظهر الكارت كما هو مبين لك في الصورة في الموقع.


4- إجمالي المبلغ الذي سيتم خصمه من بطاقتك.


5- إضغط على Pay وانتظر لحظات وتظهرلك رسالة إنه تمت عملية الدفع بنجاح يبقى كده مبروك، تقدر على طول تراجع إيميلك وهتلاقي رسالة من مصر للطيران ببيانات تذكرتك الي على طلو تقدر تطبعها وتحتفظ بيها لمعاد يوم سفرك.



ختاما: أرجو أن يكون الشرح مبسط وسهل حاولت أن أجعله يبدو ذلك قدر إستطاعتي والي عنده استفسار عن اي نقطة يتفضل




**************





تم بحمد الله
الرجوع الى أعلى الصفحة اذهب الى الأسفل
http://www.7aya.yoo7.com
iskaka

iskaka


ذكر
عدد الرسائل : 1
العمر : 33
رساله رساله : ِانا بحب حياه
do3a2 : بالصور: تعلم كيف تحجز تذكرة سفرك بنفسك من الإنترنت 15781612
عرفت المنتدى ازاى؟ : بالصور: تعلم كيف تحجز تذكرة سفرك بنفسك من الإنترنت 16051512
لا اله الا الله : بالصور: تعلم كيف تحجز تذكرة سفرك بنفسك من الإنترنت 01_15710
نقاط : 1
السٌّمعَة : 0
تاريخ التسجيل : 02/10/2010

بالصور: تعلم كيف تحجز تذكرة سفرك بنفسك من الإنترنت Empty
مُساهمةموضوع: رد: بالصور: تعلم كيف تحجز تذكرة سفرك بنفسك من الإنترنت   بالصور: تعلم كيف تحجز تذكرة سفرك بنفسك من الإنترنت Emptyالسبت أكتوبر 02, 2010 1:37 pm

مساء الخير
يا اختي انا طالب بدرس تجارة الكترونية ومطلوب مني نشاط(بحث ) احجز تذكرة الكترونية ويبعتولي ياها على الاميل وحاولت استعين بالموضوع بتاعك وما قدرت احجز .......
يا ريت ... يا ريت تساعديني ضروري ضروري بكون شاكر الك كتير واذا ممكن اتواصل معك تعلميني الطريقة ..... والله محتاج مساعدتك يا ريت تساعديني وما معي وقت كتير وحاولت اكتر من مرة وباكتر من موقع واكتر من طريقة
احمد
الرجوع الى أعلى الصفحة اذهب الى الأسفل
 
بالصور: تعلم كيف تحجز تذكرة سفرك بنفسك من الإنترنت
الرجوع الى أعلى الصفحة 
صفحة 1 من اصل 1
 مواضيع مماثلة
-
» تعلم تجميع وصيانة الكمبيوتر بنفسك
» تعلم كيفية انعاش القلب والرئتين ،،والتعامل مع الغصه ،،بالصور
» ارخص سعر تذكرة أبها ، مصر للطيران ، الخطوط الجوية السعودية ارخص سعر تذكرة أبها 1195 جنية مصري
» موقع حصري يوريك جواز سفرك !!
» تذكرة طيران الامارات دبي ارخص سعر تذكرة طيران دبي ، الامارت ، خطوط الامرات ،الامراتية للطيران ، الخطوط الامراتية ، طيران الامرات Emirates Airlines, Dubai , Dubai

صلاحيات هذا المنتدى:لاتستطيع الرد على المواضيع في هذا المنتدى
شبكة حياه  :: منتدى المواضيع المميزه :: قسم الاماكن السياحيه-
انتقل الى: