herooo ادارى متميز
عدد الرسائل : 1424 العمر : 36 الموقع : القاهره العمل/الترفيه : الكتابه المزاج : حزين رساله : do3a2 : عرفت المنتدى ازاى؟ : لا اله الا الله : المزاج : نقاط : 3690 السٌّمعَة : 3 تاريخ التسجيل : 16/10/2008
| موضوع: لو الفله فى المنفله يبقى كل سنه وانت طيب ياعم الحج !!!! السبت مارس 06, 2010 1:18 pm | |
| الرجالة الأيام دى أصبحوا صيد ثمين يعنى علشان واحدة توقع راجل فى شباكها بتعمل البدع وبنات الجامعة مساكين فاكرين لما هما يشربوا اتنين كانز من الكافيتريا فى الكلية أو يضربوا مع بعض اتنين كبدة من عند فهمى أو يمسك ايديها ويدخل بيها سينما ماتينه وسواريه انها خلاص حطت الوله فى الجيب الصغير فى البنطلون الجينز المحزق بتاعها .. يمكن دى صوره كلنا عشناها فى الكلية وهيسنا .. نسيبنا من الصورة دى خمسة لانها موال تاني لوحدة .. وعاوز اركز على صورة تانية خالص هى صورة الافراح والخطوبات ..
أى بنت دلوقت ما بتصدق انها تتعزم فى فرح ولا فى خطوبة تحس ان دى فرصتها التمام فى اصطياد عريس .. وتبدأ أنها تعد العدة والاسحلة الفتاكة اللى حتهجم بيها على الفرح علشان توقف الفرح على رجل واحدة ..
أتذكر السنة اللى قبل اللى فاتت حضرت فرح بن عمي وانا طبعا مش خاطب ولانى طويل وعريض المنكعين مشرأب العضلات مفتوش المفتشين
والناس اللى مشفتهمش من سنين فجأة وبقدرة قادر يظهروا ويتلموا فى مكان واحد .. وفجأة الاقى اللى بيقول (( مش تيجى يا زعبولة تسلم على طنط ))
- طنط مين:
- يا وله انت مش فاكرني ده انا اللى شلتك وانت صغير -يا اااااااااااااااااااااااااااه يا طنط .. عاملة ايه عاش من شافك ، ده انا بقالى 10 سنين مشفتكيش - الدنيا تلاهي يا بنى ، مش تيجى تسلم على بنتى دى بأة عروسة زى القمر (( قولت فى نفسى اشطة هيا بدات كده)) :zozo - ماشاء الله يا طنط ربنا يخيلهالك
المهم سحبتني وراها زى معتقلين جونتانامو وانا بفلفص منها وهى ابدا مش عاوزه تعتقنى ، لغاية ما تقعدنى معاهم على طرابيزة واحدة .. وتقعد تكلمنى عن بنتها ، وانها دارسة فلسفة وعلم نفس وفى سنة رابعة و...و...الخ (كنت بسمع بودان وودني التانية مع المغنى اللى بيغنى فى الفرح))
وفجأة طنط تقوم مش عارف تروح فين ، والاقى فجاة نفسى وشح لوش كده مع الاخت بتاعة فلسفة وعلم نفس دي.. هيا البنت للامانة حلوة مش وحشة .. بس مش طالبة معايا فى الوقت ده أصل ده بيبأه مزاج ولو مجاش المزاج خلاص يبأى انسى يا عمرو .. فعلشان كده التزمت الصمت.. وهى كمان التزمت الصمت ..
بس العجيب انها كانت بتبصلى وتبحلق فيا بطريقة غريبة قولت فى نفسى (( يا نهار اسود يازعبولة دى بتاعت علم نفس وتلاقيها عمالة تحللك نفسيا دلوقت )) - زعبولة أنت بتحب ايه من الألوان ؟ (( بصراحة كنت عاوز افطس من الضحك ايه الاسئلة اللى تجيب عقم دى وكمان فى فرح )) لاقت نفسى عامل زى اللى داخل قافية ، حسيت ان العملية متربسة خالص معايا - إشمعنى ؟ - لا ابدا عادي - عادي ازاي ؟ (شايف حتى ردودي كانت عاملة زى ردود واحد مبرشم ..مش بقالك كانت متربسة خالص )
- أصل يا زعبولة فيه علاقة بين الالوان وعلم النفس ؟ - يا سلاااااام - مش مصدقنى .. طب انت بتحب انهى لون ؟ - أنا يا ستى بحب اللون الابيض ..! - يبأه انت بتحب الفرح والانطلاق . - فعلا ده حقيقى فى شخصيتى
-أصل لكل لون من الألوان المتوفرة حولنا ارتباط نفسي و تأثير لا إرادي يدخل باللاشعور الداخلي - هاااااااااااااااااااااااااااا . . وماله ... هيا طنط راحت فين ؟ :: - مش عارفه -طب انا رايح ادور عليها .. - اجى معاك - لا بلاش علشان الفلة ضربت فى المنفلة .. ::
- هااااااااااااااااااااااا
(( وسكت الديك عن الصياح .. وهرب الفتى الذكى اللماح .. وعرف أنها بنت معقدة رغم جمالها الوضاح .. و..و... كوكو كوكو كوكو ......)) | |
|