مهزلة (ايوا كدا ياوديع)

اتمنى اسمع رئيكم ياجماعه

من ضمن مهازل كتير بنشوفها فارجاء المحروسه

"مهزله الفن "

مش هناقش تفاصيل ولا هتكلم ع افلام او مخرجين او ممثليين
او اراء متناقضه اصلا مع مفهوم كلمه فن

لكن اللى كان لازم اقف عنده
هو احنا

الجمهور

ليه بنسمح بالتشوه اللى بيحصل لفننا اللى بيعكس بيئتنا
ومجتمعنا ادام العالم بحاله

بنسمحله بتشجيعه والكلام عنه
لا واحيانا بنعمله بطل يقتضى بيه

مثلا اعلانات قناه ميلودى الشهيره
بايوه كده يا وديع
او التهامى باشا

واصبحت فخبر كان حدوتت الشعب المصرى

وسمحنا ان يعرض تاريخ الفن المصرى بالصوره المبتذله دى

وضحكنا فالوقت اللى كان مفروض
نقول لا
للسخافه
وانهيار القيم

ناس هتقول ده مجرد اعلان

بس الحقيقه
ان الاعلان جزء من ثقافه شعب
بينقلها ويوصلها جوا وبره

ولو احنا اهنا من نفسنا
مش المفروض ان بعد كده نستنى حد يحترمنا

فالحقيقه ان تهامى باشا اتمثل فصوره
راجل الاعمال المصرى
وكل امله فالحياه
ازاى يريح دماغ الشعب
ويضبط الجى ويروق الدى
ويطلع بطله من شارع الهرم

يعنى لو قسناها
هنلاقى
ان دى صوره رجال الاعمال فمصر من سنه
1980 مثلا وانت طالع

ورجال الاعمال هما اللى ماسكين الاقتصاد
والاقتصاد يعنى راس مال الدوله
يعنى مصر بقت مكان مخل للاداب

ووديع
صوره ممكن نقول للمخرج
او لو حطناها فصوره تانيه
نقول للموظف اللى تحت ايد راجل الاعمال

يعنى كلنا والحمد لله
بلد رايح جهنم حدف

واحنا برضه لسه بنضحك
وفرحانين بوديع والتهامى
وبنزل حلقاتهم من ع النت
وبنستناها

ثم ان الاعلان بيتعمد يجيب فيلم
مهم فتاريخ السينما الغربيه
امثال
تيتانك
او سفن
وهكذا

ويحطهم فمقارنه معدومه
باهيف افلام من عندنا

مع انه لو كان حطها مع فيلم مهم كانت تبقى
مقبوله شويه

لفايده مين ان صورتنا وافلامنا تطلع كده ؟؟؟؟!!!!
وان شعبنا يطلع كله كده يا تهامى يا وديع ؟!!!!!!
وان بنتنا يبقى كلهم امثال الموديل اللى فالاعلان !!!!

مظنش ان لو كان حد بيحب البلد دى
او عايز مصلحتها بنسبه
2% هيعمل كده

ولغايه ما نعرف احنا بنقول ايه
وبيضحك علينا ازاى
ومن مين

يبقى منستناش حاجه من بلدنا
علشان لما نقدرها هتقدرنا

كلام جميل

لذا فلنبدا من انفسنا شكرا علي الموضوع

عندك حق ميدو والله انا مش بطيق الاعلانات بتاعتو خالص
هو لاشكل ولا حاجة والفن بقي هااااااااااااااااااااااااااااااااااااابط

» زاهر: ما حدث خلف مرمى الحضري مهزلة