محدش يدخل وهو عنده الضغط والسكر

ده أول توبيك ليا فى المنتدى

وطبعا كلكم هتقولوا من اول موضوع رخامه كده هتكرهونى اكيد

نخش فى الرخامة اقصد فى الموضوع

طبعا محدش فكر قبل كده ايه العلاقة اللى بتربط بين الثانية والزبادى

وعشان كده انا فكرت انى اقولكم على العلاقة بينهم بطريقة علمية ورياضية

ركزوا كده وخليكو معايا

طبعا كلنا عارفين ان ثانية وثانية يبقوا ثانيتين

وكمان عارفين ان ثانيتين +ثانيتين = 4 ثوانى

وحاجة معروفة أن 4 ثوانى + 4 ثوانى = 8 ثوانى

ولو حسبنا 8 ثوانى + 8 ثوانى هيطلعوا = 16 ثانية

ولو فكرنا تانى هنلاقى أن 16 ثانية + 16 ثانية = 32 ثانية

وحاجة كمان 32 ثانية + 32 ثانية = 64 ثانية

ولو طرحنا 4 من 64 ثانية هنلاقيهم 60 ثانية

والحاجة المعروفة عندنا كلنا أن 60 ثانية يبقوا دقيقة

طيب تمام اوى الكلام

ركزوا معايا تانى

دقيقة + دقيقة = 2 دقيقة

2 دقيقة + 2 دقيقة = 4 دقائق

4 دقائق + 4 دقائق = 8 دقائق

8 دقائق + 8 دقائق = 16 دقيقة

16 دقيقة + 16 دقيقة = 32 دقيقة

32 دقيقة + 32 دقيقة = 64 دقيقة

وبردو نفس الحكاية لو طرحنا 4 من ال64 دقيقة هنلاقيهم 60 دقيقة

وبردو عارفين أن 60 دقيقة = ساعة

كويس أوى أوى

طبعا هتقولوا لا مش كويس

عشان لسة مش عرفنا الحل

هقولكم ركزوا معايا تااااااااااااااانى

ساعة + ساعة = ساعتين

ساعتين + ساعتين = 4 ساعات

4 ساعات + 4 ساعات = 8 ساعات

8 ساعات + 8 ساعات = 16 ساعة

16 ساعة + 8 ساعات = 24 ساعة

و24 ساعة = يوم كامل

بالليل والنهار

وبالفطار والغدا والعشا

و كمان فى 5 صلوات الفجر والظهر والعصر والمغرب والعشاء

ده غير اليوم ده ممكن يكون سبت أو أحد أو اثنين أو ثلاثاء أو اربعاء أو خميس أو جمعه
ما علينا

لحد هنا كويس ؟

لا طبعا مش كويس لأن لسة مش وصلنا للحل

ما قلت ركزوا بقى

يوم + يوم = يومين

يومين + يومين = 4 ايام

4 ايام + 4 ايام = 8 ايام

8 ايام + 8 ايام = 16 يوم

16 يوم + 16 يوم = 32 يوم

ولو طرحنا 2 من 32 يوم هيطلع 30 يوم = شهر

والشهر ده ممكن يكون يناير أو فبراير أو مارس أو ابريل أو مايو أو يونيو أو يمكن يكون أغسطس أو سبتمبر أو اكتوبر أو نوفمبر أو ديسمبر

وطبعا مش هننسى أن ممكن يكون الشهر ده من الشهور الهجرية

بس مش هكتبها عشان مش عايزة اطول عليكم

أم هند (المهم) نرجع لموضوعنا

شهر + شهر = شهرين

شهرين + شهرين = 4 شهور

4 شهور + 4 شهور = 8 شهور

8 شهور + 4 شهور = 12 شهر

12 شهر بسلامتهم يكونوا سنة

والسنة دى ممكن تكون سنة كبيسة أو سنة خبيثة أو سنة لئيمة

بس ده مش موضوعنا دلوقتى

ها لسة مركزين ؟

يا رب ميكونش حد نام فى السكة

سنة + سنة = سنتين

سنتين + سنتين = 4 سنين

4 سنين + 4 سنين = 8 سنين

8 سنين + 8 سنين = 16 سنة

16 سنة + 16 سنة = 32 سنة

32 سنة + 32 سنة = 64 سنة

64 سنة + 64 سنة = 128 سنة

128 سنة - 28 سنة = 100 سنة

اللى هما كل سنة وانتو طيبين عقبال ما اشوفكم تكملوهم يا رب يبقوا قرن

طبعا بتقولوا بطلى رخامة بقى وهاتى من الآخر

وعشان كده انا هجيب من الاخر

قرن + قرن = قرنين

القرنين بتوع الجاموسة

اللى هنحلب منها اللبن

اللى هنعمل منه الزبادى

وهى دى العلاقة بمنتهى البساطة والاختصار

إالى هنا انتهت وصلتنا من الرخامة

ألى أن نلتقى فى حلقة جديدة من برنامجنا غلاسة شو

على قناة رخامة تانا مش هتقدر تعيش سليم (لأن طبعاً هيجيلك الضغط والسكر)

والسلام عليكم ورحمة الله وبركاته

هههههههههههههههه لا دا انتى كدا هتجيبى ضغط وسكر للعضاء والنمل هيملا المنتتدى ومش هلاقى بريسوووول عشان نوت بى النمل

هههههههههههههههههه
متخافش يا اسلام انا عامله حسابى وجايبه فليت
دونت وورى خالص كل شىء مدروس كويس
نورت التوبيك يا باشا

هههههههههههههههههههههههههههههههههههههههههه

الله يكرمك على اول مواضيعك ههههههههههههههههه

ههههههههههههههههههه احمدي ربنا انك مكنتيش قدامي كنت جريت وراكي

ههههههههههههههههههههه

ههههههههههههههههههههههه لا دانتى ناوية تشلينا