تحيه طيبه وبعد ....
قبل ان ابدأ الكلام سوف ابداء بالكلام التمام :Blush:
يا رييس يا كبيرنا يا اسيرنا بحمكتك يا زهلنا بحنيتك
انت الكبير وغيرك مالوش مثيل ... ونحمد ربنا انى انت قاعد لسه كتير
ده انت السياسى وانت لبلدنا قائد اساسى ولادك بسم الله ما شاء الله ونعم التربيه وحكومتك على شكل سداسى
اظن كده بقه ياريس كفايا انا مدحتك كتير
نخش بقه على الكلام الكبير
اسمع منى شكوتى ومتستهزءش بكلمتى ده انا راجل كافى خير شرى باكل بأيدى لقمتى بس تعمل ايه من كتر همى بشكيلك بقلمى
ما الصوت راح يا ريس وتحول لأهات والكلمه خلاص بقت لولاد الزوات ...
اسمعنى واصبر عليه دى عريضه كبيره شويه بشرحلك فيها همى وبحكيلك فيها عن شعبى ....
تسمحلى اقلك كبدايه كده يا ريس البقيه فى حياتك !
البقيه فى حياتك ... شعبك مات يا ريس .
البقيه فى حياتك يا ريس .. احنا متنا من الجوع خلاص.
البقيه فى حياتك يا ريس ... الشباب شاخ يا كبير ولا فى فرص عمل وكلو تهيس بكتير .
نزلتو الدعم وقلنا ماشى غليتو الغيش .... متأخذنيش منين ناكل يا كبير .
يا ريس يقا كفايا حس بينا ده احنامن كاس المر اتسقينا.
سقتونا المر فى كبايت ورضينا .
احنا شغب عاش يهتف بأسمك جه الدور تهتف عيلنا .
جنازتنا خلاص اتنصب لها صوان .... شغبك مات الحقهم يا ريس قوام
يا ريس الشوارع بقت مليانه والكبارى معدتش شيلانه
وجبتلنا من الخارج علماء قالولك ... قرار ازاله
يا ريس عيشت حياتك ومشلتش الهم لحد اما خلاص مبقاش عندنا دم .... الى اتبرع بى لمستشقى والى اتضرب فى مظاهره ..
يا ريس حس بينا اصحا وفوق اطمن علينا ماهو يا اما انت صاحى واحنا الى
نايمين يا ما انت الى عايش واحنا الى ميتين.... وفى الأول والأخر انت الى
كسبان واحنا الى خسرانين
يا ريس الحق حكومتك وخد بالك من الى بيعملوة فينا ... عملولنا فيها البحر طحينه .... وللأسف بيشتغلونا .
وولادك .. يا عينى عليهم يا رب احرسهم وعلى قد نيتهم اديهم
جمال الله يخليه بقا حامل الرايه زيك وبقه سياسى كبير.
وعلاء الله يمسيه بقه زعيم عصابه خطير و عندو املاك يكتيررررررررررررررررررررررررررررررررررر
واحنا ادينا عايشين سامعين ومشايفين وشايقين ومشفاهمين .... يا ترى انت عرفت احنا مين .... احنا جمهور من المساكين
بلدنا خلاص معادتش ملكنا واحده واحده بتتسحب مننا ... بس نعمل ايه يا ريس ادينا بنسلم امرنا .
الحق ولادك يا كبير امبارح كان زويل والنهارده وبكره هيبقى فى كتير
كلويا ريس بيطيرررررررررررررررررررررررررررررررررررررررررررررر رررررررررررر.
بس كتر خيرك برضو على كل حال ماهى البلد بلدك انت والى زيك واحنا ضيوفك فى كل الأحوال.....
يا ريس كلمه منى على لسان شعبك ... شغبك تعب من كتر الكلام بدون
فايده..... لحد امتى هنشكى ولحد امتى هنتكلم ولا الكلام كمان معادش منو
فايده
اما عنى انا بقه فا انا مواطن مصرى مطحون بياع كلام ..... واعزرنى على طوله اللسان