بسم الله الرحمن الرحيم
سلام عليكم ورحمه الله وبركاته
وانا واقف على باب سفاره كندا.. لمحت ابليس وفى ايده استماره
بقوله على فين ..قالى بص يا هجره يا اعاره..
يا عم زهقت..كفرت..الاقيش معاك سيجاره..
انا انتهيت خلاص.. لانافع وسواس ولا خناس
ولا ليا عيش وسط الناس
دى عالم مجرمين ..عندكم فائض فى الفساد يكفى كل البلاد
ومش محتاجين شياطين ..مليش عيش فى البلد دى...
بقالى سنين عاطل.. وانتوا بتعرفوا تقلبوا الحق باطل..
وتسلكوا القاتل.. وتمشوا فى جنازه المقتول..ومفيش مشاكل..
يا عم ده انا بقيت اوسوس بالمقلوب.. واقول للحرامى ..كفايه بقى ..توووووووب
وانا ابليس اشتغل واعظ ..ولا كمسارى فى اتوبيس
يا عم ده انا زمان
كنت استنى حد ينسى يسمى وهو بياكل لقمته..
دلوقتى كل اكلكم ملوث.. وبصراحه الواحد خايف على صحته..
ده مفيش ضمير اساسا عشان اموته..
وكل واحد بمزاجه..خربانه ذمته..
يا عم ده كل حاجه اتسرقت.. وكده الاجيال الجديده مع الحراميه اتظلمت..
يا راجل وملكش عليا حلافان من كتر ما لطشت معايا
خرجت فى مظاهره مع الناس اللى بتقول كفايه.. وبرضه.. مفيش فايده
فعلا انا شايف ليه حق يطلب هجره بره مصر
علشان بلا فخر شبابنا مش محتاجين ابليس معاهم
مش محتاجين ابليس يقولنا ...متصلوش
... اخرب دى
...اشتم ده
... اضرب الضعيف
...متسعدش المحتاج
فى حاجات كتير مش محتاجين فيه الشيطان
علشان خلاص كل واحد بعد عن دينه